《女人太靚唔係一件好事。》
人生得靚係有著數，但如果一個女人生得太靚就未必係件好事。
或者大家嘅圈子當中都會有一個特別出眾嘅女性，不論身型外貌氣質都遠遠拋離其他人，只要佢出現就一定會成為全場朝點。或者有好多人鐘意佢，但可能追佢嘅人就一個都冇：一係覺得「佢咁靚一定有男朋友」，一係就覺得自己冇機會，未打先輸。係啊，有啲人好有自知之明，當自己同個女仔嘅差距太大就會自動收手，無謂打一場「冇機會贏嘅仗」。結果點解有時女神會配大家口中嘅「醜男」？可能因為個醜男真係好風趣搞笑，但最重要嘅可能因為得佢敢去追個女仔。
如果唔係冇人敢追，一個靚得誇張嘅女人性格閪嘅可能性都高好多。如果佢身邊嘅男人都唔怕衰，個個都為咗追佢而討好佢歡心，一個要乜有乜嘅人性格好極有限。就好似教細路嘅原理一樣，當你試圖無止境去滿足一個人，你只會擴大根本係無限慾望，然後就返唔到轉頭。如果一個女仔一直過住有唔同男人送早餐代拎嘢車出車入禮物收到手軟嘅生活，你想佢對男朋友嘅要求低得去邊？係啊，你可以話佢港女話佢公主癌，但會變成咁都係多得一班厹：調轉諗如果日日有十個八個女神任你擺佈，你會唔會睇得上凡人，會唔會容許女朋友有半點唔合你意嘅可能？
除咗異性嘅煩惱，靚女喺同性眼中都係一個威脅。讀書時可能還好，但一出嚟做嘢就好易比同事認為你係「靠個樣搵到工」同「靠個樣上到位」，無論你做咩都好都只係「因為個樣」先會成功，好容易就成為咗公司入面同性同事排斥嘅對像，當你同某個男同事距離近小小就係溝仔，當你唔舒服戴口罩就係「扮病搏同情」，總之你做咩都係你錯。
身為男人緊係鐘意靚女啦。但身為一個靚女，特別係好撚靚嗰種，有時真係有苦自己知。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
Medium：https://medium.com/@moyinday
或者大家嘅圈子當中都會有一個特別出眾嘅女性，不論身型外貌氣質都遠遠拋離其他人，只要佢出現就一定會成為全場朝點。或者有好多人鐘意佢，但可能追佢嘅人就一個都冇：一係覺得「佢咁靚一定有男朋友」，一係就覺得自己冇機會，未打先輸。係啊，有啲人好有自知之明，當自己同個女仔嘅差距太大就會自動收手，無謂打一場「冇機會贏嘅仗」。結果點解有時女神會配大家口中嘅「醜男」？可能因為個醜男真係好風趣搞笑，但最重要嘅可能因為得佢敢去追個女仔。
如果唔係冇人敢追，一個靚得誇張嘅女人性格閪嘅可能性都高好多。如果佢身邊嘅男人都唔怕衰，個個都為咗追佢而討好佢歡心，一個要乜有乜嘅人性格好極有限。就好似教細路嘅原理一樣，當你試圖無止境去滿足一個人，你只會擴大根本係無限慾望，然後就返唔到轉頭。如果一個女仔一直過住有唔同男人送早餐代拎嘢車出車入禮物收到手軟嘅生活，你想佢對男朋友嘅要求低得去邊？係啊，你可以話佢港女話佢公主癌，但會變成咁都係多得一班厹：調轉諗如果日日有十個八個女神任你擺佈，你會唔會睇得上凡人，會唔會容許女朋友有半點唔合你意嘅可能？
除咗異性嘅煩惱，靚女喺同性眼中都係一個威脅。讀書時可能還好，但一出嚟做嘢就好易比同事認為你係「靠個樣搵到工」同「靠個樣上到位」，無論你做咩都好都只係「因為個樣」先會成功，好容易就成為咗公司入面同性同事排斥嘅對像，當你同某個男同事距離近小小就係溝仔，當你唔舒服戴口罩就係「扮病搏同情」，總之你做咩都係你錯。
身為男人緊係鐘意靚女啦。但身為一個靚女，特別係好撚靚嗰種，有時真係有苦自己知。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
Medium：https://medium.com/@moyinday