要尋覓真愛，先習慣寂寞
個個都想拍拖，但每個人想拍拖嘅理由都唔同，當中自然包括一啲想搵個真心鍾意然後先開始一段關係嘅人。可以同自己真心鍾意嘅人一齊當然幸福，但如果你想重質不重量的話，首先你要經得起寂寞嘅考驗。
有啲人身邊情人轉唔停，每隔一段時間出嚟食飯聚會，帶出嚟嘅總係新面孔，密到我都廢事問佢叫咩名，反正唔會再見第二次。當然都有啲係「鐵膽」，拖住邊個就係邊個，預咗第日結婚生仔白頭到老都係同一人，依一種真係令人羨慕。冇錯，幾個月轉一個好有新鮮感，燕瘦環肥可以轉完又轉，襯自己仲有本錢瘋狂一下又真係冇錯。但可能我份人守舊啦，男女朋友依個咁親密嘅關係如果成日換人，都唔知仲投唔投入落去好，甚至後來會唔知到底你真係拍拖吖，定只係搵一個講下感情嘅SP。
如果你決定要搵到一個真正啱自己，對佢難以忘懷先會展開攻勢的話，你首先要享受一個人嘅生活，搵到自己興趣，然後習慣有時夜晚嘅寂寞。真愛唔會話嚟就嚟，一見難忘正正係因為可遇不可求，喺依個時機未到之前，你要學識點樣去善用一個人嘅時間。時刻去改善自己、增加自己閱歷、擴闊自己嘅興趣，唔單止可以豐富你嘅人生，更加係增加你追求未來最愛嘅本錢：就算你地有幾天生一對一拍即合，你都要有令人覺得吸引嘅第一印像，何況你都想比到最好嘅一面個真愛睇架？
當你可以好好咁照顧自己，當你一個人嘅生活從來冇咩問題解決唔到，當你就算夜晚再寂寞都冇隨便搵個人開始一段關係而去獲得暫時嘅滿足感，咁嗰個可以令你動心嘅人就一定係你嘅真愛。因為你唔需要再去靠人而滿足自己，你唔需要靠外人去彌補啲乜，你就只係因為純粹愛佢而對佢有好感。男女朋友，大家最需要比到嘅嘢唔係名牌、奢華，而係心入面嗰種只同對方一齊後就感到完滿嘅感覺。如果你地只係靠物質維持嗰種叫Sweet Daddy，同拍拖一啲關係都冇。
搵到真愛嘅結果當然開心，但等待嘅過程冇人知要幾耐。如果你冇拍拖幾個月就覺慘，如果你男女朋友之前幾日冇陪你就覺寂寞，或者你未到等待真愛嘅年齡，甚至你根本唔係依類人。愛情無分對錯，無論係要一生一世嘅諾言，定一季一個嘅散拖，只要你覺得開心，咁樣就好。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
Medium：https://medium.com/@moyinday
有啲人身邊情人轉唔停，每隔一段時間出嚟食飯聚會，帶出嚟嘅總係新面孔，密到我都廢事問佢叫咩名，反正唔會再見第二次。當然都有啲係「鐵膽」，拖住邊個就係邊個，預咗第日結婚生仔白頭到老都係同一人，依一種真係令人羨慕。冇錯，幾個月轉一個好有新鮮感，燕瘦環肥可以轉完又轉，襯自己仲有本錢瘋狂一下又真係冇錯。但可能我份人守舊啦，男女朋友依個咁親密嘅關係如果成日換人，都唔知仲投唔投入落去好，甚至後來會唔知到底你真係拍拖吖，定只係搵一個講下感情嘅SP。
如果你決定要搵到一個真正啱自己，對佢難以忘懷先會展開攻勢的話，你首先要享受一個人嘅生活，搵到自己興趣，然後習慣有時夜晚嘅寂寞。真愛唔會話嚟就嚟，一見難忘正正係因為可遇不可求，喺依個時機未到之前，你要學識點樣去善用一個人嘅時間。時刻去改善自己、增加自己閱歷、擴闊自己嘅興趣，唔單止可以豐富你嘅人生，更加係增加你追求未來最愛嘅本錢：就算你地有幾天生一對一拍即合，你都要有令人覺得吸引嘅第一印像，何況你都想比到最好嘅一面個真愛睇架？
當你可以好好咁照顧自己，當你一個人嘅生活從來冇咩問題解決唔到，當你就算夜晚再寂寞都冇隨便搵個人開始一段關係而去獲得暫時嘅滿足感，咁嗰個可以令你動心嘅人就一定係你嘅真愛。因為你唔需要再去靠人而滿足自己，你唔需要靠外人去彌補啲乜，你就只係因為純粹愛佢而對佢有好感。男女朋友，大家最需要比到嘅嘢唔係名牌、奢華，而係心入面嗰種只同對方一齊後就感到完滿嘅感覺。如果你地只係靠物質維持嗰種叫Sweet Daddy，同拍拖一啲關係都冇。
搵到真愛嘅結果當然開心，但等待嘅過程冇人知要幾耐。如果你冇拍拖幾個月就覺慘，如果你男女朋友之前幾日冇陪你就覺寂寞，或者你未到等待真愛嘅年齡，甚至你根本唔係依類人。愛情無分對錯，無論係要一生一世嘅諾言，定一季一個嘅散拖，只要你覺得開心，咁樣就好。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
Medium：https://medium.com/@moyinday