《唔好一味埋怨自己冇拖拍》
身邊總有人會抱怨自己冇拖拍，生活好苦悶；而我就會話係因為你有要求，你想搵一個啱心水先拍拖，咁樣其實係一件好事。
如果一個人想拍拖，而佢嘅要求又係零（即係只要異性就得的話），佢係一定會拍到拖——可能佢會認為自己係圈子中最唔吸引，最冇人留意嘅人，所以唔敢有任何要求，咁佢自然會搵到另一個同佢同樣諗法嘅異性，然後一拍即合。更多時候抱怨冇拖拍嘅人都唔係真係咁差，甚至可能本身都有人對佢有好感，只係唔啱佢自己心水，又未搵到一個互相吸引嘅人，所以佢先至繼續處於單身狀態。有要求唔係壞事，你會唔會話對食物有要求係有問題？你會唔會係劇就煲？搵到一個符合自己要求嘅人先可以長期發展，先可以投入落段關係當中：一段穩定嘅感情最重要係自己滿意，唔係你根本就唔會比時間去磨合，一有唔啱就會抽身離開。
雖然你把口就埋怨冇拖拍，但你冇隨便到係人都試下然後發現唔夾就散，你依然將感情視為珍貴而特別，冇胡亂玩弄他人感情，咁樣係對感情嘅尊重，對自己嘅堅持。你唔希望自己拖住一個唔鍾意嘅人，唔想同一個冇感覺嘅人嘴對嘴，因為你明白是但搵一個人唔係叫拍拖，你明白依樣唔係你所追求嘅愛情，就算你再寂寞再想有人陪你都堅持住自己一直以嚟設立嘅底線。依個係你自己嘅決定，有咩好埋怨？你應該慶幸自己仲有要求，咁你對愛情先會保持住希望。若果有一日你決定唔理好醜但求就手，搵到邊個願意就同邊個一齊，就算到時真係有男女朋友，你又真係會開心咩？
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
Medium：https://medium.com/@moyinday
如果一個人想拍拖，而佢嘅要求又係零（即係只要異性就得的話），佢係一定會拍到拖——可能佢會認為自己係圈子中最唔吸引，最冇人留意嘅人，所以唔敢有任何要求，咁佢自然會搵到另一個同佢同樣諗法嘅異性，然後一拍即合。更多時候抱怨冇拖拍嘅人都唔係真係咁差，甚至可能本身都有人對佢有好感，只係唔啱佢自己心水，又未搵到一個互相吸引嘅人，所以佢先至繼續處於單身狀態。有要求唔係壞事，你會唔會話對食物有要求係有問題？你會唔會係劇就煲？搵到一個符合自己要求嘅人先可以長期發展，先可以投入落段關係當中：一段穩定嘅感情最重要係自己滿意，唔係你根本就唔會比時間去磨合，一有唔啱就會抽身離開。
雖然你把口就埋怨冇拖拍，但你冇隨便到係人都試下然後發現唔夾就散，你依然將感情視為珍貴而特別，冇胡亂玩弄他人感情，咁樣係對感情嘅尊重，對自己嘅堅持。你唔希望自己拖住一個唔鍾意嘅人，唔想同一個冇感覺嘅人嘴對嘴，因為你明白是但搵一個人唔係叫拍拖，你明白依樣唔係你所追求嘅愛情，就算你再寂寞再想有人陪你都堅持住自己一直以嚟設立嘅底線。依個係你自己嘅決定，有咩好埋怨？你應該慶幸自己仲有要求，咁你對愛情先會保持住希望。若果有一日你決定唔理好醜但求就手，搵到邊個願意就同邊個一齊，就算到時真係有男女朋友，你又真係會開心咩？
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
Medium：https://medium.com/@moyinday