討厭講電話的他。
因為我朋友同佢女友鬧咗場交，所以好自然搵我出嚟食飯吐苦水。
「你話，拍拖係咪一定要傾電話？」
聽到佢問依個問題之後，我放低咗手上嘅筷子，拎起咗面前杯啤酒飲咗一大啖。點解？因為依個問題我都諗咗好耐：點解女人咁鐘意傾電話，點解佢地一定要傾到瞓著，點解你唔想傾電話就係唔愛佢？我都諗唔明嘅問題，我冇可能答到我朋友。
「掛住你想搵你傾吓計下話。」我都係是但答。
「平時拍拖就掛住玩電話，返到屋企先要同我傾電話？」
佢又有道理。
出街見唔少情侶明明二人世界緊，但好多人都掛住㩒電話，直到當身邊條友透明咁樣。同你一齊出街時又唔珍惜，返到屋企先話想聽下你把聲，結果搞到你全日咩都做唔到，仲要傾到第日唔夠精神返工，我諗好多男仔有過咁嘅經歷。
「最痴線係佢又唔係真係有嘢想講架喎，一係日日抱怨同一件事，甚至可以唔出聲添。」
「我同上一任都係咁。」講完我直接清咗杯啤酒。 「對唔住，我冇心令你諗返起。」
我嘅往事同心結唔多人知，佢係其中一個。
「係嘅，好多時女人都好麻煩，會做好多我地唔明嘅事。」我夾咗嚿生炒骨落個佢碗度。「但佢仲會煩你就代表佢仍然著緊同鍾意你，依個係好事。」
我朋友默默飲住杯啤酒。
「埋單啦，快啲氹返你女朋友，然後坐低好好傾吓。」
感情就係咁樣，好多嘢冇得解，另一半做嘅嘢明明同你嘅喜好同習慣天南地北，但你地就係分唔開，就算口講幾唔鍾意都好，你地都會好努力去融入大家嘅生活。依種就係感情最可愛嘅地方。
如果我可以早啲明白，早啲喺佢角度諗多啲的話，或者一切都會唔同。
行出餐廳，我行埋一邊食住支煙，望住我朋友傾住電話，露出拍拖時先會有嘅笑容，愈行愈遠。望住手頭上支煙，曾經我為咗佢而放低半年，直到佢離開之後。
有女朋友成日打比你，其實幾幸福。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
Medium：https://medium.com/@moyinday
「你話，拍拖係咪一定要傾電話？」
聽到佢問依個問題之後，我放低咗手上嘅筷子，拎起咗面前杯啤酒飲咗一大啖。點解？因為依個問題我都諗咗好耐：點解女人咁鐘意傾電話，點解佢地一定要傾到瞓著，點解你唔想傾電話就係唔愛佢？我都諗唔明嘅問題，我冇可能答到我朋友。
「掛住你想搵你傾吓計下話。」我都係是但答。
「平時拍拖就掛住玩電話，返到屋企先要同我傾電話？」
佢又有道理。
出街見唔少情侶明明二人世界緊，但好多人都掛住㩒電話，直到當身邊條友透明咁樣。同你一齊出街時又唔珍惜，返到屋企先話想聽下你把聲，結果搞到你全日咩都做唔到，仲要傾到第日唔夠精神返工，我諗好多男仔有過咁嘅經歷。
「最痴線係佢又唔係真係有嘢想講架喎，一係日日抱怨同一件事，甚至可以唔出聲添。」
「我同上一任都係咁。」講完我直接清咗杯啤酒。 「對唔住，我冇心令你諗返起。」
我嘅往事同心結唔多人知，佢係其中一個。
「係嘅，好多時女人都好麻煩，會做好多我地唔明嘅事。」我夾咗嚿生炒骨落個佢碗度。「但佢仲會煩你就代表佢仍然著緊同鍾意你，依個係好事。」
我朋友默默飲住杯啤酒。
「埋單啦，快啲氹返你女朋友，然後坐低好好傾吓。」
感情就係咁樣，好多嘢冇得解，另一半做嘅嘢明明同你嘅喜好同習慣天南地北，但你地就係分唔開，就算口講幾唔鍾意都好，你地都會好努力去融入大家嘅生活。依種就係感情最可愛嘅地方。
如果我可以早啲明白，早啲喺佢角度諗多啲的話，或者一切都會唔同。
行出餐廳，我行埋一邊食住支煙，望住我朋友傾住電話，露出拍拖時先會有嘅笑容，愈行愈遠。望住手頭上支煙，曾經我為咗佢而放低半年，直到佢離開之後。
有女朋友成日打比你，其實幾幸福。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
Medium：https://medium.com/@moyinday