懶
我份人好懶。
喺懶依方面我諗我係世界頂尖。由小二三到中五，每年家長日唔同班主住都會對我有相同評價：佢係幾叻架，份人又醒目，不過就真係懶咗啲，如果勤力返小小讀書一定唔成問題。而家諗返，如果唔懶何止讀到書，而家我應該發咗達。
至於我懶成點？細個放假喺屋企如果冇嘢食同時又肚餓，我寧願等到夜晚有得開飯為止，但明明最近嘅餐廳只要行三分鐘；而家出咗門口落咗樓先發現冇帶加熱煙煙機冇戴錶嘅我寧願唔戴唔食都唔會返上去拎；如果放假冇嘢做，我可以喺床上面瞓足半日，日瞓十二三個鐘絕對冇問題。不過講到最懶嘅一次，而家諗返起連我自己都可以嚇一跳，點解自己可以懶到咁。
話說我仲讀緊IVE嗰陣，我個女朋友就住喺粉嶺。因為佢係自己一個住嘅關係，所以有時我都會上去佢度過夜，順便一齊做啲愛做的事。有次臨近考試，我為咗可以擺脫喺屋企一打開份Notes就覺眼瞓嘅死症，我就去咗佢度過一晚夜，準備好第二朝起身好好溫下書——因為佢第二日要返兼職，所以我可以一個人好好溫吓書。一個寒冷嘅夜晚，一男一女喺同一個被窩入面互相纏綿，慾火同不斷升高嘅體溫令我地一啲都唔覺得凍，仲有啲出汗嘅感覺。完事之後，我地兩個赤裸裸相擁而睡，非常滿足。
去到第二朝，睡意仍濃嘅我比一股熟悉又溫暖嘅感覺包圍住我嘅下半身。我撐開隻眼，發現我女朋友已經騎咗我喺身上面不斷搖動，將床比佢搖到發出嘎吱嘎吱嘅聲響。正常人起身見到一個咁香艷嘅畫面一定會好好享受，甚至嚟一個反客為主變返做男上女下。但我喺嗰刻只係覺得我未瞓夠，身體亦處於一個唔想郁嘅狀態，所以當時我做咗一個好不可思議嘅舉動：我冇配合到佢，而係繼續瞓，仲要真係好快就瞓著咗。
到我瞓醒起身已經係十一點幾嘅事，而佢亦一早去咗返工。我冇諗過WhatsApp去解釋嗰朝點解唔主動啲去回應佢嘅渴求，因為我知只要我再提起一定要用唔少時間去氹返佢，懶成噉嘅我當然唔會做，所以我只係乖乖地去溫書，然後等佢返嚟嘅時候，未嚟得切開口就比我抱佢上床，滿足佢今朝未滿足嘅事。
適當時候都要勤力啲，如果唔係之後你仲有排煩。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
Medium：https://medium.com/@moyinday
喺懶依方面我諗我係世界頂尖。由小二三到中五，每年家長日唔同班主住都會對我有相同評價：佢係幾叻架，份人又醒目，不過就真係懶咗啲，如果勤力返小小讀書一定唔成問題。而家諗返，如果唔懶何止讀到書，而家我應該發咗達。
至於我懶成點？細個放假喺屋企如果冇嘢食同時又肚餓，我寧願等到夜晚有得開飯為止，但明明最近嘅餐廳只要行三分鐘；而家出咗門口落咗樓先發現冇帶加熱煙煙機冇戴錶嘅我寧願唔戴唔食都唔會返上去拎；如果放假冇嘢做，我可以喺床上面瞓足半日，日瞓十二三個鐘絕對冇問題。不過講到最懶嘅一次，而家諗返起連我自己都可以嚇一跳，點解自己可以懶到咁。
話說我仲讀緊IVE嗰陣，我個女朋友就住喺粉嶺。因為佢係自己一個住嘅關係，所以有時我都會上去佢度過夜，順便一齊做啲愛做的事。有次臨近考試，我為咗可以擺脫喺屋企一打開份Notes就覺眼瞓嘅死症，我就去咗佢度過一晚夜，準備好第二朝起身好好溫下書——因為佢第二日要返兼職，所以我可以一個人好好溫吓書。一個寒冷嘅夜晚，一男一女喺同一個被窩入面互相纏綿，慾火同不斷升高嘅體溫令我地一啲都唔覺得凍，仲有啲出汗嘅感覺。完事之後，我地兩個赤裸裸相擁而睡，非常滿足。
去到第二朝，睡意仍濃嘅我比一股熟悉又溫暖嘅感覺包圍住我嘅下半身。我撐開隻眼，發現我女朋友已經騎咗我喺身上面不斷搖動，將床比佢搖到發出嘎吱嘎吱嘅聲響。正常人起身見到一個咁香艷嘅畫面一定會好好享受，甚至嚟一個反客為主變返做男上女下。但我喺嗰刻只係覺得我未瞓夠，身體亦處於一個唔想郁嘅狀態，所以當時我做咗一個好不可思議嘅舉動：我冇配合到佢，而係繼續瞓，仲要真係好快就瞓著咗。
到我瞓醒起身已經係十一點幾嘅事，而佢亦一早去咗返工。我冇諗過WhatsApp去解釋嗰朝點解唔主動啲去回應佢嘅渴求，因為我知只要我再提起一定要用唔少時間去氹返佢，懶成噉嘅我當然唔會做，所以我只係乖乖地去溫書，然後等佢返嚟嘅時候，未嚟得切開口就比我抱佢上床，滿足佢今朝未滿足嘅事。
適當時候都要勤力啲，如果唔係之後你仲有排煩。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
Medium：https://medium.com/@moyinday