悠閒關西 ~ 走過嵐山

2017年4月的復活節...三口子出走日本關西...
遊記就唔會出了...事關我唔係咁有心機既人...
只是想紀錄...倆口子認為最值得去既地方...
三口子去點解唔係三口子???皆因...小女覺得環球影城最值得去...
因為...岩玩麻...
其實旅程日日豐富...處處均有優勝既地方...處處一樣值得...
好似阪神甲子園咁...入場睇棒球...氣氛真係超級正...
只是...我同老公倆口子就覺得嵐山最最最值得去了...初初計劃行程既時候...嵐山這個地方真係可以話插針都唔入...
不過...老公見到我好想去...就決定第一日辛苦少少...
急急趕趕咁去哂京都名勝...第二日就去嵐山...
PLAN 好十日九夜既行程...4月12日晚夜機出發...
零晨到關西...為左慳錢...頭一夜就瞓關西機場了...
求求其其...是是但但咁揾張長櫈瞓覺...
老公整夜未瞓...等到五點半就去綠色窗口賣出去京都既車票同埋...
嵐山小火車既車票...

不過...想買第五卡開放式車廂既車票就要去到嵐山買了...
4月14日一早起身...食過早餐就坐山陰本線去馬堀了...

由馬堀站落車行去トロッコ (Torokko) 亀岡站只是大約十分鐘路程...

一條路行去トロッコ (Torokko) 亀岡站...轉角位會見到一架賣烤地瓜既車...

一條大直路就到啦...沿途風光明媚...

小火車來啦...可以上車啦...

車窗外景色令人目不暇給...

我地中途站嵐山落左車...諗住行去渡月橋...

不過...去到竹林小徑就轉路行了...實在太太太多人...
入到竹林根本唔可能企定定影相...

唯有...直路行出去...

來到嵐山公園龜山地區...
沿石階路緩步而下...有易有難行既路...

來到渡月橋旁邊

沿住路走...可以行去渡月橋...

沿路行見到好多人划船仔...有兩個人就心思思想坐了...

行前多少少就見到有屋型遊覽船...可是...那兩個人個心已經飛左去前面了...

一個小時1500日圓...剛剛可以坐三個人...

划船既一定係老公啦...
坐在湖中可以慢慢欣賞周圍山水既美景...

坐完船仔...我地繼續向渡月橋方向走...

渡月橋留下紀錄就向嵐山公園行去...

嵐山公園...

櫻花盛開...

站在中之島橋上....

可以一覽周圍風光...

櫻花落下...有個傻妹去接...

可惜...時間唔夠...唔可以坐在桂川河旁靜靜思索一下...

嵐山真係好靚...好多地方可以影相呃LIKE...
去就一定要一整天...半天絶對唔足夠行遍嵐山...
小火車真係一定要坐...沿途風景真係好正...
當你望住窗外景緻...你會覺得火車開得咁快架...
開慢一點可以嗎???

FACEBOOK 專頁 : https://www.facebook.com/mrmoon.renelee

聯絡我 ~ [email protected]

月兒部落分社 :

BEAUTY LIFE

BECB
THEXXXXX

BLOGSPOT

SHE

UBEAUTY

QOOZA

QOOZA BEAUTY

SINA

ELLE

MYAGE

WESHARE

FANPIECE

SEEWIDE

MYBB

PIXNET

STYLE

COSMOPOLITAN

INSTAGRAM ~ MRMOONMOON

純粹個人意見...請大家多多指教呢...
免責聲明 ~
本文發表的每一字一語內容全屬個人意見同感受...
不代表品牌的言論同立場...
如需獲得更多資訊同協助...煩請直接聯絡品牌查詢或尋求相關專業意見...
如從而引起的任何損失或法律糾紛...本人概不負責...