費Sir暗示下賽季後退休！費Sir：「曼聯應為每個偉大的曼聯球員都要有自己的雕像！」

費Sir執教曼聯26年，奪得37座冠軍，佢被公認為世界最佳教練之一。不過，歲月不留人，費Sir今年年底就將會年滿71歲。佢仲可以留守係曼聯幾耐？呢一樣野都係外界關注的焦點。今年5月，費Sir出席一次足球慶典的時候突然猛流鼻血。呢個小插曲令曼聯球迷對費Sir的健康感到擔憂。從個一次插曲之後，有關費Sir今季结束後退休的傳聞就未停過。


日前，卜比查爾頓打消左外界的疑慮，佢表示：「只要費Sir願意，佢可以一直執教曼聯。」對於執教曼聯，費Sir的興趣同渴望係從未減退過，不過佢都多次表示，如果健康唔係幾好，佢就會放棄執教。係今個星期五，費Sir銅像開幕禮上，費Sir再一次講到自己的將來。


費Sir就話：「我已經執教曼聯二十六年。隨住時間的流逝，我會決定退休，但無人知道會係幾時，可能就係執教曼聯二十七年之後。」對於費Sir呢一番話，英媒有不一樣的解說：《每日郵報》指出，費Sir仲未決定自己的退休日期；而《每日快報》就指出，費Sir係暗示下個賽季結束之後退休。

除此之外，昨日開幕的雕像令到費Sir非常自豪，佢同時指出，自己有咁輝煌的成就，係全靠一眾球員的努力：「我曾經麾下球員有好多係偉大的球員。曼聯應該為佢地每個人都打造一個雕像。從86年到今日，球員帶比我地的無限歡樂。每一個人都發輝出佢地自己的作用，無論係球員、教練組同球迷。」