英媒分析蘭尼5大潛在替身！
聯賽盃曼聯以4-5不敵車路士一戰，蘭尼係最後時刻死扭，最後被對手係己隊禁區搶到個波，間接令夏薩特追平比數。車路士最後係加時淘汰曼聯，費Sir係賽後批評蘭尼犯下的錯誤。媒體普遍認為，蘭尼係奧脫福的日子已經進入倒數，冬季轉會窗好有可能被賣走。英媒列出五名接班人並且分析每個人加盟曼聯的可能性，唔知大家睇好邊位呢？
占士洛迪古斯(波圖)
佢應該係費Sir收購清單排係第一位，佢雖然只係得二十歲，但已經有傳媒攞佢同C朗相提並論。佢有速度，盤球出色，而且射罰球仲有一定的功力。今季佢係波圖表現出色，15場比賽入左7球、助攻6球。曼聯係今季開始就考察佢，冬季或者明夏轉會窗，曼聯好有可能正式向波圖提出收購。不過，祖雲達斯、巴塞隆拿等的歐洲豪門都對洛迪古斯有興趣，而且波圖有「足壇黑店」之稱，費Sir要買佢返黎恐怕要付出高昂的轉會費。
預計轉會費：2500萬-3000萬鎊。
加盟可能性：80%
禾確特(阿仙奴)
佢同阿仙奴的合約將會係本賽季結束之後就到期，對費Sir黎講，佢係一個相對便宜的選擇。禾確特仲只係得二十三歲，仲係好後生，仲有大好的前途。雖然係插花過人方面佢唔係幾掂，但係佢的速度唔需要質疑，係翼鋒最重要的一環，不過，禾確特好希望可以打中鋒，呢樣野可能係佢加盟曼聯唯一的障礙。
預計轉會費：1月：1000萬鎊；明夏：免費
加盟可能性：50%
韋費特沙夏(水晶宮)
韋費特沙夏係時下英格蘭的大紅人，係英冠一連串的出色表現之後，沙夏入選埋英格蘭代表隊，並且完成處子秀。沙夏技術出色，射門觸覺都幾好，不過，如果佢加盟曼聯呢啲大球會，佢應唔應付到壓力仍然係未知之數。
預計轉會費：1500萬鎊
加盟可能性：50%
湯姆恩斯(黑池)
佢係前曼聯名宿保羅恩斯個仔，佢係英冠黑池的優異表現，引起好多英超球會關注。呢一名二十歲的左翼鋒經常性入一啲關鍵性的入球，包括上季英冠升級附加賽決賽，另外，湯姆恩斯仲係一個助攻好手。同沙夏一樣，無英超經驗係佢加盟曼聯的劣勢。
預計轉會費：1000萬鎊
加盟可能性：60%
加利夫巴利(熱刺)
現時睇黎，巴利加盟曼聯的可能性唔大，但係足球市場永遠都唔可以話唔得。巴利從修咸頓加盟熱刺之前，費Sir曾經嘗試收購佢返黎，如今巴利成為歐洲數一數二的翼鋒。此時此刻，巴利對熱刺非常忠心，不過，如果熱刺今季攞唔到歐聯資格，佢有可能離球他投，尋找新的挑戰。到左個時，曼聯要購入巴利，仲要面對巴塞隆拿同皇家馬德里的挑戰。
預計轉會費：4000萬鎊
加盟可能性：40%
占士洛迪古斯(波圖)
佢應該係費Sir收購清單排係第一位，佢雖然只係得二十歲，但已經有傳媒攞佢同C朗相提並論。佢有速度，盤球出色，而且射罰球仲有一定的功力。今季佢係波圖表現出色，15場比賽入左7球、助攻6球。曼聯係今季開始就考察佢，冬季或者明夏轉會窗，曼聯好有可能正式向波圖提出收購。不過，祖雲達斯、巴塞隆拿等的歐洲豪門都對洛迪古斯有興趣，而且波圖有「足壇黑店」之稱，費Sir要買佢返黎恐怕要付出高昂的轉會費。
預計轉會費：2500萬-3000萬鎊。
加盟可能性：80%
禾確特(阿仙奴)
佢同阿仙奴的合約將會係本賽季結束之後就到期，對費Sir黎講，佢係一個相對便宜的選擇。禾確特仲只係得二十三歲，仲係好後生，仲有大好的前途。雖然係插花過人方面佢唔係幾掂，但係佢的速度唔需要質疑，係翼鋒最重要的一環，不過，禾確特好希望可以打中鋒，呢樣野可能係佢加盟曼聯唯一的障礙。
預計轉會費：1月：1000萬鎊；明夏：免費
加盟可能性：50%
韋費特沙夏(水晶宮)
韋費特沙夏係時下英格蘭的大紅人，係英冠一連串的出色表現之後，沙夏入選埋英格蘭代表隊，並且完成處子秀。沙夏技術出色，射門觸覺都幾好，不過，如果佢加盟曼聯呢啲大球會，佢應唔應付到壓力仍然係未知之數。
預計轉會費：1500萬鎊
加盟可能性：50%
湯姆恩斯(黑池)
佢係前曼聯名宿保羅恩斯個仔，佢係英冠黑池的優異表現，引起好多英超球會關注。呢一名二十歲的左翼鋒經常性入一啲關鍵性的入球，包括上季英冠升級附加賽決賽，另外，湯姆恩斯仲係一個助攻好手。同沙夏一樣，無英超經驗係佢加盟曼聯的劣勢。
預計轉會費：1000萬鎊
加盟可能性：60%
加利夫巴利(熱刺)
現時睇黎，巴利加盟曼聯的可能性唔大，但係足球市場永遠都唔可以話唔得。巴利從修咸頓加盟熱刺之前，費Sir曾經嘗試收購佢返黎，如今巴利成為歐洲數一數二的翼鋒。此時此刻，巴利對熱刺非常忠心，不過，如果熱刺今季攞唔到歐聯資格，佢有可能離球他投，尋找新的挑戰。到左個時，曼聯要購入巴利，仲要面對巴塞隆拿同皇家馬德里的挑戰。
預計轉會費：4000萬鎊
加盟可能性：40%