雲佩斯+朗尼同時正選上陣=必勝！
曼聯憑住朗尼梅開二度同雲佩斯臨完場前的入波，成功復上季輸比曼城的仇，雲佩斯+朗尼呢個組合近兩輪比賽一共入左6球，以及交出1個助功，開始漸入佳境。睇返全歐洲，岩岩打破梅拿單季入球紀錄的美斯，今季係單人數據上係無人能敵，不過論前鋒線的組合威力，雲佩斯同朗尼就係首屈一指。
事實上呢個鋒線組合係今季初，進行得並唔順利，第一輪作客愛華頓，朗尼正選上陣、雲佩斯後備上陣，但係都以0-1不敵愛華頓。第二輪雲佩斯就正選上陣，並攻入係曼聯的「處子球」，不過後備上陣的朗尼勇戰受傷，跟住就抖左一個月。而今年9月30號主場迎戰熱刺，曼聯係上半場就落後兩球，令費Sir係半場就用岩岩好返的朗尼換傑斯上陣，不過曼聯仍然以2-3輸波。
對佢地兩個黎講，表現開始變心的轉捩點係歐聯分組賽中，10月3日作客克盧日的比賽，雲佩斯同朗尼係第一次同時正選上陣，結果朗尼為雲佩斯送出兩個助攻，並令到曼聯2-1反勝對手。而緊接落黎就係作客紐卡素(聯賽)，雖然雲佩斯同朗尼都無入波，但就夾手夾腳交出3個助攻，幫曼聯以3-0大勝對手。從此之後，假如雲佩斯同朗尼同時正選上陣，曼聯無論聯賽定係歐聯都係全勝。原本個個擔心朗尼的入球數字過低的時候，結果佢就係最近兩場聯賽梅開二度。目前英超過左16輪，曼聯入左40球，入球數字係遠遠多過曼城10球。雲佩斯入左11球交出4個助攻，朗尼就入左6球交出7個助攻，而佢地兩個都試過為對方送上一個助攻，所以「雲尼」組合直接參與左曼聯26個入波，佔總入球數65%。即管佢地兩個都係屬於歐洲頂級，但係我地(曼迷)都係唔夠膽想像佢地之中少左一個的情況。
「曼市打吡」絕殺的一刻，已經令人感受到佢地兩個的默契，雲佩斯係賽後讚爆朗尼兩個入波，而朗尼就表示無懷疑過雲佩斯可唔可以入波。我地無可能知道佢地兩個係射絕殺一球之前講過啲咩，但呢啲都唔重要，因為曼聯每一場的比賽，佢地都可以用入波或者助攻，話比人聽佢地係得既！
事實上呢個鋒線組合係今季初，進行得並唔順利，第一輪作客愛華頓，朗尼正選上陣、雲佩斯後備上陣，但係都以0-1不敵愛華頓。第二輪雲佩斯就正選上陣，並攻入係曼聯的「處子球」，不過後備上陣的朗尼勇戰受傷，跟住就抖左一個月。而今年9月30號主場迎戰熱刺，曼聯係上半場就落後兩球，令費Sir係半場就用岩岩好返的朗尼換傑斯上陣，不過曼聯仍然以2-3輸波。
對佢地兩個黎講，表現開始變心的轉捩點係歐聯分組賽中，10月3日作客克盧日的比賽，雲佩斯同朗尼係第一次同時正選上陣，結果朗尼為雲佩斯送出兩個助攻，並令到曼聯2-1反勝對手。而緊接落黎就係作客紐卡素(聯賽)，雖然雲佩斯同朗尼都無入波，但就夾手夾腳交出3個助攻，幫曼聯以3-0大勝對手。從此之後，假如雲佩斯同朗尼同時正選上陣，曼聯無論聯賽定係歐聯都係全勝。原本個個擔心朗尼的入球數字過低的時候，結果佢就係最近兩場聯賽梅開二度。目前英超過左16輪，曼聯入左40球，入球數字係遠遠多過曼城10球。雲佩斯入左11球交出4個助攻，朗尼就入左6球交出7個助攻，而佢地兩個都試過為對方送上一個助攻，所以「雲尼」組合直接參與左曼聯26個入波，佔總入球數65%。即管佢地兩個都係屬於歐洲頂級，但係我地(曼迷)都係唔夠膽想像佢地之中少左一個的情況。
「曼市打吡」絕殺的一刻，已經令人感受到佢地兩個的默契，雲佩斯係賽後讚爆朗尼兩個入波，而朗尼就表示無懷疑過雲佩斯可唔可以入波。我地無可能知道佢地兩個係射絕殺一球之前講過啲咩，但呢啲都唔重要，因為曼聯每一場的比賽，佢地都可以用入波或者助攻，話比人聽佢地係得既！