雙紅會射手對決：雲佩斯VS蘇亞雷斯

曼聯同利物浦將會係今個星期日進行對決，兩隊既射手雲佩斯同蘇亞雷斯好大機會其中一位會奪得今季既金球獎，咁目前邊個勁啲呢？？我地一齊用數據分析下！(以下評分全是《每日郵報》所評，絕無私心)
入球能力：
雲佩斯今季打左26場比賽入左20球，而蘇亞雷斯就26場入18球。雲佩斯平均98.8分鐘入1球，而蘇亞雷斯就需要117.2分鐘先可以入1球。所以呢項既比分為：雲佩斯(10分) VS 蘇亞雷斯(9分)
製造威脅能力：
兩位係禁區入面都好有威脅，今季蘇亞雷斯一共射左113次門，而雲佩斯只有75次，而且蘇亞雷斯有50.7%既射門射中門框，而雲佩斯就只有46.9%。所以呢項比分為：雲佩斯(8分)VS蘇亞雷斯(9分)助攻能力：
雲佩斯今季助攻6次，而蘇亞雷斯就只有3次。所以呢項比分為：雲佩斯(10分)VS蘇亞雷斯(9分)
對球隊貢獻能力：
兩位對各自既球隊都非常重要，無左雲佩斯既曼聯今季英超會少攞27分，而無左蘇亞雷斯既利物溯亦都會少攞12分。所以呢項比分為：雲佩斯(10分)VS蘇亞雷斯(8分)盤球能力：
蘇亞雷斯既重心比較低，所以佢係盤球上有啲啲優勢，佢可以令後衛不知所措，而盤球就唔係雲佩斯強項。所以呢項比分為：雲佩斯(8分)VS蘇亞雷斯(10分)
對教練黎講：
如果問任何一個教練，佢都都會對球隊有兩位其中既一個人感到開心，但蘇亞雷斯經常插水令到佢受爭議，而雲佩斯加盟曼聯之後，都無為球隊帶黎麻煩。所以呢項比分為：雲佩斯(10分)VS蘇亞雷斯(9分)總結：
總分：雲佩斯56分VS蘇亞雷斯54分
所以雲佩斯係相對優秀一啲，但蘇亞雷斯都唔係差好遠，而且佢對利物浦都好重要！