文仙尼：曼聯靠越位波逼和！費Sir：雲佩斯無越位！
尋晚既英超補賽，曼聯憑雲佩斯既越位球以2:2逼和韋斯咸，令以1:0擊敗韋根既曼城將分差縮至13分，但文仙尼忿忿不平地指出，如果唔係個球越位球，少踢一場既曼城有望將分差縮到9分。
因為上周末要踢足總盃4強，曼城比曼聯少踢一場比賽，雖然口頭上已經承認奪冠無望，但文仙尼仲係不滿曼聯靠誤判係厄普頓公園拎到既1分，當時香川真司射門前雲佩斯已經明顯處於越位位置，雲佩斯既補射理應被判無效，文仙尼係賽後新聞發佈會上表示：「如果曼聯唔係攻入1球越位球，我地既分差會更細，我地有可能將分差縮至9分。」
而韋斯咸領隊艾拿戴斯就更加嬲，否則，贏波既韋斯咸就可以拎到41分，不但進一步遠離降班威脅，甚至已經躋身中上游。艾拿戴斯係賽後表示：「我可唔可以發嬲先？我地迎戰既係曼聯，原本我地係有可能有一次偉大既勝利，我地攻入今季最靚既入波，但旁證既判罰白費咗我地既努力，個次係一次非常明顯既越位，足足越咗有兩碼！」不過，費Sir認為卡路爾應該領紅出場，因為佢得登踢朗尼以及衝撞迪基亞。費Sir表示：「我地唔需要糾纏呢張紅牌，因為係件明顯既事，我地希望有一個態度強硬既球證，我唔肯定當時有無。」當被問到雲佩斯入波時係唔係已經越位，費Sir回應：「佢越位？無囉！」
卡路爾亦為自己解釋：「個次係我同朗尼之間一個玩笑，就係咁簡單。」而艾拿戴斯亦為卡路爾衝撞迪基亞解釋：「當時卡路爾只係想頂頭槌，雖然係一次犯規，但佢係無心既。例如你以60時速開車，你就需要300碼既距離去停車，卡路爾當時亦都係一樣。」
因為上周末要踢足總盃4強，曼城比曼聯少踢一場比賽，雖然口頭上已經承認奪冠無望，但文仙尼仲係不滿曼聯靠誤判係厄普頓公園拎到既1分，當時香川真司射門前雲佩斯已經明顯處於越位位置，雲佩斯既補射理應被判無效，文仙尼係賽後新聞發佈會上表示：「如果曼聯唔係攻入1球越位球，我地既分差會更細，我地有可能將分差縮至9分。」
而韋斯咸領隊艾拿戴斯就更加嬲，否則，贏波既韋斯咸就可以拎到41分，不但進一步遠離降班威脅，甚至已經躋身中上游。艾拿戴斯係賽後表示：「我可唔可以發嬲先？我地迎戰既係曼聯，原本我地係有可能有一次偉大既勝利，我地攻入今季最靚既入波，但旁證既判罰白費咗我地既努力，個次係一次非常明顯既越位，足足越咗有兩碼！」不過，費Sir認為卡路爾應該領紅出場，因為佢得登踢朗尼以及衝撞迪基亞。費Sir表示：「我地唔需要糾纏呢張紅牌，因為係件明顯既事，我地希望有一個態度強硬既球證，我唔肯定當時有無。」當被問到雲佩斯入波時係唔係已經越位，費Sir回應：「佢越位？無囉！」
卡路爾亦為自己解釋：「個次係我同朗尼之間一個玩笑，就係咁簡單。」而艾拿戴斯亦為卡路爾衝撞迪基亞解釋：「當時卡路爾只係想頂頭槌，雖然係一次犯規，但佢係無心既。例如你以60時速開車，你就需要300碼既距離去停車，卡路爾當時亦都係一樣。」