蟲筆感想 睇波日記（二）
2月4日 星期一
經過十二小時長眠後，我瞓醒第一時間就去超級市場買沖涼用品，畢竟昨晚返到倫敦的宿舍就瞓著。買完就去附近食市照顧五臟六腑，久違Doner Kabab配薯條真係一流。其後返回宿舍梳洗後，我就前往Piccadilly Curicle出發，過往我多時依靠地鐵來往倫敦各區，今日就嘗試行去。落矇矇細雨的英國，總是這樣。沒有有雨傘的我，慢遊市區，欣賞周邊的人和事。Holborn一如以往多人，有人前往欣賞舞台劇。過往屬跳蚤市場的Covent Garden已經變成售賣高級商品的中心。唯獨Piccadilly Circus應該未有太多變化，大型廣告還在。附近亦開積木專門店，同對面朱古力鋪同樣吸引一家大細參觀，一入朱古力鋪真係好想食😀。附近唐人街襯在新年期間，擁有濃厚節日氣氛。其後今日重頭戲，我要乘搭地鐵前往Stratford，前往倫敦球場觀看韋斯咸對利物浦賽事。近年部分球隊為增加收入，在球場外圍增加食肆店舖，為球迷提供更多選擇。享受一個PIZZA及啤酒，然後等候進入球場。入場後影下相，靜待球賽展開。當評述員宣讀賴斯出場時，氣氛一度高昂，睇來鎚仔幫球迷對佢期望甚高。看見佢同隊長盧保合拍程度，就明白點解棄用其他球員，放心讓二人掘守中場中路。可惜入球先來自利物浦，一個越位進攻造成入球，難免奧邦拿同迪奧普隨即走去旁證投訴，我坐附近的韋斯咸球迷爆哂粗。不過韋斯咸未有亂陣腳，繼續等待機會。一個有心思的罰球，造就韋斯咸追成平手。射入一球的安東尼奧即時跳part騎馬舞，炒熱現場氣氛。其後賽事膠著狀態，韋斯咸及利物浦換入卡路爾及奧歷治曾經刺激場面。前者不斷向利物浦防線施壓，差點為韋斯咸建功。而奧歷治在補時下，越位未有吹停射門，可惜他未能像對愛華頓一役建功，軟弱無力的射門，被法比安斯基輕易沒收。賽後旁証再一次被韋斯咸球員圍繞爭辯，幸好主球證解圍，最終賽事1:1握手言和。散場時，因為人多關係，警方實施間歇性封閉道路，令球迷有秩序離開球場（行下停下，又好凍，真係好飽🤦🏾♂️）。返到宿舍，見到舍友執拾行李，大約明天他們離開，而我就去沖涼，之後一瞓到自然起。
早餐就食餐好😋。
倫敦必遊地方。
司機做咩咁驚！
Big Ben維修緊，睇住呢個先。
韋斯咸主場，倫敦球場。
形容盧保為韋斯咸先生，貼切。
開波前享受晚餐。
入場不久的倫敦球場。
入場儀式。
開波啦！