原創分析：甚麼原因令羅渣士看中洛夫雲 (Dejan Lovren)

再仔細比較洛夫雲同 Liverpool隊中三大中堅，艾加、史基泰爾同沙高。整體而言，因為史基泰爾有更佳入球數字、傳球成功率而整體分數最高。但係防守評分上，洛夫雲卻成為最佳球員。我地之後再仔細比較洛夫雲同 Liverpool隊中中堅既防守能力。


先比較傳球，係羅渣士看重既傳球能力上，洛夫雲無論係傳球成功率、助攻、關鍵傳球等都唔係洛夫雲長處甚至反而係不足之處，明顯羅渣士睇中既係洛夫雲防守能力而唔係後防組織傳球能力，畢竟係防中位置的謝拉特才是羅渣士心目中後場組織大腦。


係防守方面，1.55次成功鏟截比隊中三個中堅都好。帶球過人能力 (successful take on%)甚至同艾加一樣到達百分百成功，相信這是另一點羅渣士看中洛夫雲的原因：帶波控球能力。

之前不少球技都以為洛夫雲頭鎚厲害，但其實洛夫雲頭鎚成功率只是 60%左右，比艾加同史基泰爾都差，係防守死球上 Liverpool必須要小心。


係防守方面，2.71次截球亦明顯比三個中堅都多，良好截球能力可以減低 Liverpool 係對方打反擊時被對方傳波穿越最後防線；而0.3次封堵射門、8.07解圍的數據比起史基泰爾只算普普通通。但相信羅渣士看中洛夫雲的另一原因係係防守上甚少失誤，係防守失誤上洛夫雲只有 0.03次，非常明顯低於隊中原本三個中堅。


相對其他中堅，良好控球、帶波能力、穩定性高、極少防守失誤應該係 Rodgers希望購入洛夫雲的重要原因。上季「前面入幾多，後面失幾多」、「利迷心臟好好」應該係唔少利迷心聲，即使頭鎚、傳球成功率一般，依然希望洛夫雲可以穩定後防，減少失球數字。

p.s.因為每個球員上陣場數同時間不同，所以以上數據以每 90分鐘計。





覺得小弟寫得都 ok的話或者想要更多 Liverpool資訊，可以到 facebook 專頁按個讚，支持下啦。
https://www.facebook.com/myheartisredlfc


Dejan Lovren 上季精華
https://www.youtube.com/watch?v=dzENWWAoIlU
Dejan Lovren 上季對曼城比賽
https://www.youtube.com/watch?v=j-Kw5369Fls