原創分析：Why always 巴洛迪利? 數據分析巴洛迪利過去表現。
作為前鋒，最大責任毫無疑問就係入球。但仔細分析的話，除了總入球數，入球又可以分為 1.每 90分鐘入球及 2.每次射門做成入球(入球轉換率)，當然仲有其他數據分析但太復雜暫且不提。
每 90分鐘入球即一個球員係一場 90分鐘比賽球員有多少個入球。一般而言，優秀前鋒亦需要平均 90-180分鐘射入一球。入球轉換率 conversion rate即係需要幾多次射門才做成一個入球，例如車路士前鋒迪亞高哥斯達及馬體會前鋒文迪蘇傑的數據可謂極佳，平均大約 4次射門就有 1個入球，入球轉換率約 25%，史杜烈治亦唔差，平均約 20%，即係 5次射門就有 1個入球，一般而言，前鋒入球轉換率約15 -25%。下圖為外國分析專家做的分析圖。x軸為每 90分鐘入球，y軸為每入球轉換率。
上兩張圖比較顯示巴洛迪利四個球季係英超及意甲入球方面表現。理論上點越偏右上方越好。明顯見到，巴洛迪利四個球季入球表現分佈差異蠻大。
特別值得留意的係，巴洛迪利的入球轉換率 (conversion rate)可謂非常低，甚至係完全不合格，係意甲的個人入球轉換率更低於平均值。而過去四個球季入球轉換率都偏低，即係浪射太多。扣除 12碼入球，巴洛迪利上三個球季只有 8.42%的入球轉換率，上季係意甲更只有 7.2% (不同數據分析會有輕微差異，主要原因係 Blocked shot是否計算在內)。換句話講，即係起腳射大約十三至十四次次先有 1個入球，如果一場比賽射門 5.5次，需要大概接近 2.36至 2.5場比賽，超過 200分鐘才有 1個入球。以成名前鋒而言，這數據完全慘不忍睹。
http://i.imgur.com/3IthacX.gif
睇完以上一大堆數據，可能有人會問到底有甚麼因素影響巴洛迪利表現? 四個球季表現相差蠻多。上圖係巴洛迪利過去四季射門位置分佈，明顯見到巴洛迪利的四個球季射門位置亦相差不少。係 2013/14球季，巴洛迪利射門位置明顯較多係禁區外，152次射門中有 95次係禁區外，至於甚麼原因則因為小弟無睇過 AC Milan比賽而不作評論。但之前數據顯示 2011/12球季巴洛迪利係曼城表現不俗，比較2011/12球季及 2013/14球季射門位置分佈，你會發現兩者相差蠻遠。2011/12球季射門偏係禁區內或左邊禁區邊射門。
另一數據圖亦清楚顯示了巴洛迪利上季經常係禁區外射門，巴洛迪利上季95次係禁區外射門係 5大歐洲聯賽中禁區外射門最多的球員，即使史杜烈治加上朗尼亦不過只有 83次禁區外射門。如果以上陣 2294分鐘計，即係 25分鐘就有一次係禁區外射門，可謂非常誇張的數據。巴洛迪利上季係禁區外95次射門射入 6個入球，當中有 4個係罰球射入。
http://i.imgur.com/VQHjkRa.gif
可能你會直覺認為越遠離龍門，入球機會一定直線按比例下降，但其實並不一定，上圖係蘇亞雷斯係利物浦四季表現。2011/2012球季蘇亞雷斯射門位置最接近禁區中央，但明顯地我們都知道蘇亞雷斯係 2013/2014球季入球數才是最多，所以真的不同球員理論上有適合他們射門方法及位置。蘇亞雷斯除了禁區內，禁區外對他而言亦係入球最佳位置。
總括而言，綜合了一堆圖表數字分析，巴洛迪利過去表現可謂大起大落，個人認為最根本原因並非可以用數據表達，例如同領隊、隊友關係，球隊踢法，不過數據反映了作為前鋒，巴洛迪利的把握力依然偏低，係呢方面明顯需要加強。
當然，以上所有數據分析只能代表巴洛迪利過去係曼城及 AC米蘭時的表現，畢竟人會變、月會圓，巴洛迪利依然只係 24歲，如果可以專心係足球事業，相信可以再進一步。
曾經同巴洛迪利共事的領隊摩連奴認為，如果巴洛迪利「生生性性」，走係正確的發展路向，將會係 27至 31歲迎來職業生涯高峰。 “I think the best years of a playing career are between 27 and 31 - so he’s not there, but hopefully he goes in the right direction.”
覺得小弟寫得都 ok的話或者想要更多 Liverpool資訊，可以到 facebook 專頁按個讚，支持下啦。https://www.facebook.com/myheartisredlfc