原創分析：利物浦對阿士東維拉，前線問題開始浮現
利物浦對阿士東維拉比賽從來都唔係容易踢的比賽，上季主場僅以 1:0擊敗維拉，作客驚濤駭浪以 2:2賽和，前季羅渣士上任第一季維拉更係晏菲路以 1:3擊敗利物浦，面對「爛仔踢法」的球隊例如維拉同史篤城，利物浦往往表現係水準之下。
今場比賽，祖亞倫、史杜列治、簡恩 Emre Can都因為國際賽事受傷，史達寧亦因連續兩場國家隊比賽而休息一下先放後備席，加上周中歐聯賽事，羅渣士今場係中前場用人可謂少了不少選擇。
排陣:
面對阿士東維拉的「爛仔踢法」，451可謂合理但非常保守的陣容，羅渣士希望較多中場球員去掌握中場，避免類似對修咸頓時被對方中場「爛仔踢法」掌握中場，值得一提的係，軒達臣、拉蘭拿二人上季跑動距離都係聯賽前五名，對防守時補位有重要作用。
人選:
如果以 451排陣的話，利物浦最大缺點係 5人中場都非入球數量及效率高的球員，整條中場線，拉蘭拿上季 9個入球已經係最高的入球數字，其他 4人唔計謝拉特的十二碼入球，上季全部總入球數不超過 18球。
如果你有睇過之前小弟的關於巴洛迪利的分析文章，過往巴洛迪利的入球轉換率一直偏低，以巴洛迪利打單箭頭的話可謂非常冒險的選擇。比較四個球季巴洛迪利表現，上季巴洛迪利係 AC Milan時大部份時間正正係以單箭頭上陣，但結果表現非常一般，說明有可能巴洛迪利未必適合打單前鋒，當然兩支球隊踢法唔一樣，不能百分百蓋棺論定。但有一點肯定的係，前場人選中沒有一個球員有良好的入球轉換率或總入球數，結果證明面對一心死守的維拉，利物浦可謂完全係老鼠拉龜。
數據方面，因為上半場早段維拉已經攻入一球，所以利物浦之後大部份時間掌握控球權圍著阿士東維拉進攻，利物浦的 75%控球百分比及 18次射門說明這一點，但可惜無法做成入球。
控球百分比: 75%-25%
傳球成功率: 88%-60%
Chances Created: 14-3
射門: 18-5
係數據統計上，利物浦整場比賽有 18次射門，但同時只有一次命中龍門，說明利物浦面對一心死守的球隊，羅渣士的「唯快不破」戰術難以取得成功。如果大家有睇過上季利物浦比賽，當上季面對死守的球隊如富咸、維拉、車路士時，利物浦完全發揮不出平時的攻勢，羅渣士必須加強這方面的戰術部署，想辦法破鐵桶戰術。
定位球防守問題:
今場比賽的失球正正係角球做成，除了失球那球之外，另一定位球防守更顯得對方領隊林拔係有備而來。眾所周知，巴洛迪利之前係其他球隊不用參與角球罰球防守，那如果我係對方領隊，我也可能會針對巴洛迪利作出部署，而事實維拉上半場一個罰球黃金機會的確明顯係巴洛迪利跟漏所置。
剛開始時，大家都以人釘人 "mark"緊自己的球員，而巴洛迪利負責防守對方中堅辛德路斯。
但開出罰球後，辛德路斯一轉身已經擺脫巴洛迪利的防守，而巴洛迪利眼神只有集中係足球上而忽略了自己的責任。
即使軒達臣發現，已經無可能及時補位，而巴洛迪利應該已經忘記了辛德路斯。當然要讚對方戰術部署漂亮及罰球落點準確。
巴洛迪利角色問題:
作為單前鋒，巴洛迪利必須和其他隊友合作，例如巴洛迪利控球極佳，可以作為前場支點，然後第一時間「分波」給其他隊友射門。下圖為今場唯一一次巴洛迪利「分波」給拉蘭拿射門。
巴洛迪利接應長傳，第一時間「分波」給拉蘭拿，問題係整場比賽只有這一次配合，雖然話對方以鐵桶陣死守，但巴洛迪利及隊友配合及默契依然有好大提升空間。
巴洛迪利今場表現可謂麻麻，無論射門次數、命中率都不合格，而且作為單前鋒，個人突破可謂非常重要，如果大家有印象的話，幾年前全盛時間的費蘭度·托利斯或現在的迪阿高哥斯達經常可以一對一突破過人。面對死守的維拉，單前鋒巴洛迪利有必要嘗試一下以強壯的身型「硬爆」維拉防線或博取對方禁區邊或禁區內犯規。
另一圖表顯示前線合作問題，傳球最多的一定係後場球員互相傳球，但傳球最多的 18對「組合」當中，完全沒有巴洛迪利，說明巴洛迪利有可能仲未「夾」到隊友，當然亦有可能係巴洛迪利下半場被換出，所以係數據上其他球員較少傳球給巴洛迪利。
軒達臣角色問題:
作為 451的防中，軒達臣明顯更似係組織中場多於防守中場，軒達臣個人 122次傳球數據上完全比其他中場球員多。但有趣的係，今場比賽，羅渣士希望軒達臣的角色係防守中場多於組織，以軒達臣跑不完的體位係防守上為另一防中謝拉特補位，擔任類似 box to box 及防中角色，但結果落後情況下，軒達臣角色明顯係墮後組織中場角色，身份明顯同隊長謝拉特重疊，變成係後場組織位置上，軒達臣同謝拉特兩人都負責「派牌」，當然這也不是甚麼壞事，問題係，兩個後場組織中場對球隊幫助並不一定有 1+1=2效果，反而可以嘗試殺到對方禁區附近射門或組織。
害怕進攻?
作為主攻的一方，利物浦盤扭 (dribble)次數最多的球員亦只有一次，而射門次數最多的球員竟然係古天奴的六次射門，面對鐵桶戰術球隊，以個人盤扭突破可謂最有效及可行的對策，即使突破不成功也許可以協助隊友拉開空位。
但整場比賽，利物浦彷彿害怕失去控球權而缺少個人突破。個人估計賽前羅渣士已經提醒球員要預防維拉的快速反擊，所以落後後利物浦球員表現反而患得患失，害怕失球被維拉反擊，但又無法製造機會射門，結果只成功保持控球卻沒有入球，面對一心死守的球隊利物浦可謂進退失據，破門乏力。
賽後羅渣士接受訪問時提到 "we never really created anywhere near what we normally would do." 說明今場比賽利物浦進攻完全乏善可陳。
建議:
面對鐵桶戰術，個人認為有可能的破解方法只有四種:
1. 遠射
如果隊中有擅長遠射的球員，遠射可謂破解鐵桶陣的不二法門，即使射不中龍門也可能可以博到角球或「省中」對方球員折射而令對方門將判斷失誤等。可惜今日的利物浦，擅長遠射的球員依然只有隊長謝拉特一人，但相比全盛時期，隊長的遠射已經大不如前，而且現在隊長角色為防守中場，不太可能同另一防中位置的軒達臣二人同時上前進攻，而之前另一擅長遠射的中場舒維爾亦已經離球，面對鐵桶陣少了一個可能破解方法。
2. 翼鋒盤扭
以翼鋒盤扭邊路突破可謂其中一個有效的方法，問題係這方法完全取決於翼鋒個人能力。現在利物浦陣中純翼鋒出身的只有史達寧及馬高域二人，馬高域的個人盤扭能力依然未能發揮出來。
3. 良好快速組織
面對鐵桶陣，最有效及最好方法正正係良好的組織，以快速走位入攝及 one-touch passing拉開對方防守，理論上古天奴及拉蘭拿都有這方面能力，當然如果以今場比賽而言，前場不少球員都係第一次合作，默契方面可能可能難以做到。個人還記得係前幾季杜格利殊當領隊時代，古治、比拿美、麥斯·洛迪古斯及蘇亞雷斯都能以 one-touch passing拉開對方防守。
4. 強行突破博十二碼
上季利物浦的十二碼次數為英超最多，原因正正係 3S經常以個人盤扭能力係對方禁區博得十二碼，上季對當咸一役，最後反敗為勝的方法正正係史杜列治強行突破使對方犯規獲得十二碼。
當然，以上幾種方法都係知易行難，「講就易，做就難」，但今場比賽卻沒有見到利物浦嘗試以上這些方法打破僵局，羅渣士係面對鐵桶陣的「功力」明顯有待加強。
覺得小弟寫得都 ok的話或者想要更多 Liverpool資訊，可以到 facebook 專頁按個讚，支持下啦。
https://www.facebook.com/myheartisredlfc
今場比賽，祖亞倫、史杜列治、簡恩 Emre Can都因為國際賽事受傷，史達寧亦因連續兩場國家隊比賽而休息一下先放後備席，加上周中歐聯賽事，羅渣士今場係中前場用人可謂少了不少選擇。
排陣:
面對阿士東維拉的「爛仔踢法」，451可謂合理但非常保守的陣容，羅渣士希望較多中場球員去掌握中場，避免類似對修咸頓時被對方中場「爛仔踢法」掌握中場，值得一提的係，軒達臣、拉蘭拿二人上季跑動距離都係聯賽前五名，對防守時補位有重要作用。
人選:
如果以 451排陣的話，利物浦最大缺點係 5人中場都非入球數量及效率高的球員，整條中場線，拉蘭拿上季 9個入球已經係最高的入球數字，其他 4人唔計謝拉特的十二碼入球，上季全部總入球數不超過 18球。
如果你有睇過之前小弟的關於巴洛迪利的分析文章，過往巴洛迪利的入球轉換率一直偏低，以巴洛迪利打單箭頭的話可謂非常冒險的選擇。比較四個球季巴洛迪利表現，上季巴洛迪利係 AC Milan時大部份時間正正係以單箭頭上陣，但結果表現非常一般，說明有可能巴洛迪利未必適合打單前鋒，當然兩支球隊踢法唔一樣，不能百分百蓋棺論定。但有一點肯定的係，前場人選中沒有一個球員有良好的入球轉換率或總入球數，結果證明面對一心死守的維拉，利物浦可謂完全係老鼠拉龜。
數據方面，因為上半場早段維拉已經攻入一球，所以利物浦之後大部份時間掌握控球權圍著阿士東維拉進攻，利物浦的 75%控球百分比及 18次射門說明這一點，但可惜無法做成入球。
控球百分比: 75%-25%
傳球成功率: 88%-60%
Chances Created: 14-3
射門: 18-5
係數據統計上，利物浦整場比賽有 18次射門，但同時只有一次命中龍門，說明利物浦面對一心死守的球隊，羅渣士的「唯快不破」戰術難以取得成功。如果大家有睇過上季利物浦比賽，當上季面對死守的球隊如富咸、維拉、車路士時，利物浦完全發揮不出平時的攻勢，羅渣士必須加強這方面的戰術部署，想辦法破鐵桶戰術。
定位球防守問題:
今場比賽的失球正正係角球做成，除了失球那球之外，另一定位球防守更顯得對方領隊林拔係有備而來。眾所周知，巴洛迪利之前係其他球隊不用參與角球罰球防守，那如果我係對方領隊，我也可能會針對巴洛迪利作出部署，而事實維拉上半場一個罰球黃金機會的確明顯係巴洛迪利跟漏所置。
剛開始時，大家都以人釘人 "mark"緊自己的球員，而巴洛迪利負責防守對方中堅辛德路斯。
但開出罰球後，辛德路斯一轉身已經擺脫巴洛迪利的防守，而巴洛迪利眼神只有集中係足球上而忽略了自己的責任。
即使軒達臣發現，已經無可能及時補位，而巴洛迪利應該已經忘記了辛德路斯。當然要讚對方戰術部署漂亮及罰球落點準確。
巴洛迪利角色問題:
作為單前鋒，巴洛迪利必須和其他隊友合作，例如巴洛迪利控球極佳，可以作為前場支點，然後第一時間「分波」給其他隊友射門。下圖為今場唯一一次巴洛迪利「分波」給拉蘭拿射門。
巴洛迪利接應長傳，第一時間「分波」給拉蘭拿，問題係整場比賽只有這一次配合，雖然話對方以鐵桶陣死守，但巴洛迪利及隊友配合及默契依然有好大提升空間。
巴洛迪利今場表現可謂麻麻，無論射門次數、命中率都不合格，而且作為單前鋒，個人突破可謂非常重要，如果大家有印象的話，幾年前全盛時間的費蘭度·托利斯或現在的迪阿高哥斯達經常可以一對一突破過人。面對死守的維拉，單前鋒巴洛迪利有必要嘗試一下以強壯的身型「硬爆」維拉防線或博取對方禁區邊或禁區內犯規。
另一圖表顯示前線合作問題，傳球最多的一定係後場球員互相傳球，但傳球最多的 18對「組合」當中，完全沒有巴洛迪利，說明巴洛迪利有可能仲未「夾」到隊友，當然亦有可能係巴洛迪利下半場被換出，所以係數據上其他球員較少傳球給巴洛迪利。
軒達臣角色問題:
作為 451的防中，軒達臣明顯更似係組織中場多於防守中場，軒達臣個人 122次傳球數據上完全比其他中場球員多。但有趣的係，今場比賽，羅渣士希望軒達臣的角色係防守中場多於組織，以軒達臣跑不完的體位係防守上為另一防中謝拉特補位，擔任類似 box to box 及防中角色，但結果落後情況下，軒達臣角色明顯係墮後組織中場角色，身份明顯同隊長謝拉特重疊，變成係後場組織位置上，軒達臣同謝拉特兩人都負責「派牌」，當然這也不是甚麼壞事，問題係，兩個後場組織中場對球隊幫助並不一定有 1+1=2效果，反而可以嘗試殺到對方禁區附近射門或組織。
害怕進攻?
作為主攻的一方，利物浦盤扭 (dribble)次數最多的球員亦只有一次，而射門次數最多的球員竟然係古天奴的六次射門，面對鐵桶戰術球隊，以個人盤扭突破可謂最有效及可行的對策，即使突破不成功也許可以協助隊友拉開空位。
但整場比賽，利物浦彷彿害怕失去控球權而缺少個人突破。個人估計賽前羅渣士已經提醒球員要預防維拉的快速反擊，所以落後後利物浦球員表現反而患得患失，害怕失球被維拉反擊，但又無法製造機會射門，結果只成功保持控球卻沒有入球，面對一心死守的球隊利物浦可謂進退失據，破門乏力。
賽後羅渣士接受訪問時提到 "we never really created anywhere near what we normally would do." 說明今場比賽利物浦進攻完全乏善可陳。
建議:
面對鐵桶戰術，個人認為有可能的破解方法只有四種:
1. 遠射
如果隊中有擅長遠射的球員，遠射可謂破解鐵桶陣的不二法門，即使射不中龍門也可能可以博到角球或「省中」對方球員折射而令對方門將判斷失誤等。可惜今日的利物浦，擅長遠射的球員依然只有隊長謝拉特一人，但相比全盛時期，隊長的遠射已經大不如前，而且現在隊長角色為防守中場，不太可能同另一防中位置的軒達臣二人同時上前進攻，而之前另一擅長遠射的中場舒維爾亦已經離球，面對鐵桶陣少了一個可能破解方法。
2. 翼鋒盤扭
以翼鋒盤扭邊路突破可謂其中一個有效的方法，問題係這方法完全取決於翼鋒個人能力。現在利物浦陣中純翼鋒出身的只有史達寧及馬高域二人，馬高域的個人盤扭能力依然未能發揮出來。
3. 良好快速組織
面對鐵桶陣，最有效及最好方法正正係良好的組織，以快速走位入攝及 one-touch passing拉開對方防守，理論上古天奴及拉蘭拿都有這方面能力，當然如果以今場比賽而言，前場不少球員都係第一次合作，默契方面可能可能難以做到。個人還記得係前幾季杜格利殊當領隊時代，古治、比拿美、麥斯·洛迪古斯及蘇亞雷斯都能以 one-touch passing拉開對方防守。
4. 強行突破博十二碼
上季利物浦的十二碼次數為英超最多，原因正正係 3S經常以個人盤扭能力係對方禁區博得十二碼，上季對當咸一役，最後反敗為勝的方法正正係史杜列治強行突破使對方犯規獲得十二碼。
當然，以上幾種方法都係知易行難，「講就易，做就難」，但今場比賽卻沒有見到利物浦嘗試以上這些方法打破僵局，羅渣士係面對鐵桶陣的「功力」明顯有待加強。
覺得小弟寫得都 ok的話或者想要更多 Liverpool資訊，可以到 facebook 專頁按個讚，支持下啦。
https://www.facebook.com/myheartisredlfc