昔日利物浦皇朝奠基人 - 卜皮士利 Bob Paisley
一直打算翻譯這篇有關利物浦歷史的文章，文章主要內容出自去年八月 bbc的一篇文章，但同時怕係資深利物浦球迷面前翻譯錯或寫錯，畢竟文章內容都係一些小弟尚未出世的往事，所以一邊翻譯一邊搵其他資料，如果有錯請講一聲。
一月廿三號對利物浦球迷而言可謂一個重要的日子，係 93年前的今日一位改變利物浦歷史的人物誕生，之後該人物完完全全改變了利物浦的歷史，可謂如果沒有他就無今日的利物浦。
之前曾經有文章講過 one man one club，有球員忠心耿耿，職業生涯只效力過一個球會。以下介紹的傳奇人物，他不單球員職業生涯只效力一個球會，退休後係球會轉職為物理治療師、教練、助理領隊、領隊、球會總監 director，45年人生工作經歷只曾為一間球會工作，同時亦為球會帶來歷史上最光輝的成就，他的名字叫卜皮士利 Bob Paisley。
時間回到 40年前，1974年 8月，當年一手將利物浦帶回正軌、稱霸英格蘭的領隊辛奇利 Bill Shankly以 60歲之齡退休，球會高層認為助手卜皮士利 Bob Paisley應該順利成章接手辛奇利留下來的事業。
當辛奇利將利物浦打做成英格蘭最成功的球會之一，要繼承前任領隊的豐功偉業絕非易事，不過歷史證明管理層眼光獨到，卜皮士利不單成功接任辛奇利的職位，而且青出於藍比辛奇利更成功，如果話辛奇利帶領利物浦成為英格蘭最成功的球會，那卜皮士利可謂帶領利物浦成當時為歐洲最成功球會之一。
係 1960年至 1978年效力利物浦，並成為利物浦上陣次數最多的球員 Ian Callaghan形容當時卜皮士利接任時的心情。
「當時卜皮士利得知自己成為新領隊後非常愕然，他一直以為自己只係暫代領隊 "only looking after the shop until a proper manager arrives"，而且其實當時卜皮士利不太願意接任領隊，因為卜皮士利不認為他有能力繼承領隊一職。相對上一任領隊辛奇利，卜皮士利係個性方面可謂內向得多，他比較喜歡擔當幕僚角色而非當領導人物。」
Ian Callaghan形容不少球員對兩個領隊印象完全相反，一般球員只會簡稱 Bob Paisley做 "Bob"，而稱辛奇利做 "Boss"，當時球員係卜皮士利成為新領隊後亦要適應兩位領隊截然不同的個人風格。
卜皮士利傳記作者 John Keith亦認同辛奇利及卜皮士利兩人個性可謂大相逕庭。辛奇利感覺上有威嚴得多，而卜皮士利則比較親民和藹可親，例如辛奇利喜歡穿有鋼片 steel tips的皮鞋，走路時會有聲音令每個球員知道他來到，相反卜皮士利平時鍾意著毛拖鞋 carpet slipper，一些細微之處已經可以反映兩人性格大大不同。
不過要繼承前任領隊的豐功偉業可謂絕非易事，一不小心的話更可能成為球迷針對對象，係費格遜退休後莫耶斯同雲高爾如何成為球迷嘲諷對象便可想而知。幸好係卜皮士利上任後第二個球季，卜皮士利已經成功帶領利物浦奪得聯賽冠軍以及歐洲足協盃冠軍，而係第三個球季 1976/77球季，卜皮士利更證明自己可以青出於藍，帶領利物浦奪得球會第一次歐洲冠軍，開創七八十年代的利物浦皇朝。
係 1977年利物浦來到羅馬，和德國球隊慕遜加柏爭奪歐冠榮耀。而羅馬這個城市對卜皮士利而言其實係一個充滿回憶的城市。係 1944年二次世界大戰之間，卜皮士利當時正正係英軍陸軍第八軍團 the Eighth Army 的槍手，協助解放納粹德軍下的羅馬。因此卜皮士利鼓勵球員說：「當年我第一次來到羅馬係為了擊敗德國人，今次我們要再一次擊敗德國人。」
最終利物浦以 3:1擊敗慕遜加柏成為歐洲冠軍。之後係卜皮士利帶領下，利物浦係 1978年及 1981年再次贏得歐洲冠軍，成為一時佳話。
辛奇利以及卜皮士利兩人都係利物浦史上最重要的領隊，不過二人個性可謂大相逕庭，係對處理球隊問題時方法亦大為不同。當年為利物浦奪得歐洲冠軍的左後衛 Alan Kennedy形容，卜皮士利個性相比辛奇利更為果斷，亦會更狠心淘汰不適合的球員。
係 1981年利物浦第三次奪得歐洲冠軍後，卜皮士利為了保持球隊競爭力，他係球季結束後將隊中部份老將清除賣走，迅速果斷地處理隊中球員老化問題，當中包括門將 Ray Clemence、中場球員 Terry McDermott 以及前鋒 David Johnson都係一兩季內離隊。相比利物浦係六十年代後期因為球隊老化問題而影響成績時，卜皮士利係處理球隊老化問題方面可謂決斷得多。
當新舊交替時，不少球隊往往因此而影響成績，不過卜皮士利係買人方面可謂眼光獨到，多次係關鍵球員離隊後迅速找到合適的替代者。
係 1977年，當隊中關鍵人物、1976年英格蘭足球先生奇雲基瑾以 50萬磅轉投漢堡後，卜皮士利立刻由些路迪以破英格蘭紀錄的 44萬磅購入杜格利殊 Kenny Dalglish，當時甚至因此而賺了 6萬磅差價。而往後事實亦證明這次交易不但沒有令球隊成績下滑，杜格利殊無論係球員或是領隊生涯都對利物浦有深遠影響。當時利物浦右後衛 Phil Neal對卜皮士利的眼光讚不絕口，認為卜皮士利其中一個強項正正係買人的眼光。
「除了杜格利殊，卜皮士利係愛爾蘭聯賽球隊 Home Farm簽入 Ronnie Whelan、由車士打簽入年輕球員魯殊 Ian Rush、係 1981年由溫哥華球隊 Whitecaps簽入門將高巴拿 Bruce Grobbelaar，當時這些球員都係一些名不經傳的球員，不過係往後時間他們都係利物浦證明自己的實力成為球隊名宿。」
雖然係短短九個球季之內帶領利物浦取得空前成功，不過卜皮士利依然係 1983年以 64歲之齡退下領隊一職，畢竟他接手球隊時已經 55歲了。
同前任領隊辛奇利不同，卜皮士利清楚知道退休後他的角色。雖然成為球隊總監，但卜皮士利清楚知道應該避免插手干擾領隊事務、影響繼任者費根 Joe Fagan，並寧願多花時間在家中和妻子「嘆茶」，而非「退而不休」問人貴姓。只有係杜格利殊成為球員兼領隊並上門請教時才給予杜格利殊意見及幫助。
如果說近年最成功的英超領隊係費格遜的話，相信沒有球迷會有異議，費格遜花了二十六年時間打造了曼聯皇朝，二十六年間獲得了 13次英超冠軍、2次歐聯冠軍。不過要說英格蘭史上最成功領隊的話，相信一定係卜皮士利同費格遜兩人之爭。卜皮士利係短短九個球季內六 6次帶領利物浦奪得聯賽冠軍、3次歐洲冠軍、1次歐洲足協盃冠軍、3次聯賽盃冠軍等等，兩人成就可謂不相伯仲。
對此利物浦球員 Callaghan就指出兩人成就難以直接作出比較。「兩人都係出色的領隊，不過實在難以比較，卜皮士利的紀錄已經證明了他的成就，如果計算卜皮士利的領隊成就及領隊之外的成就，係我心目中卜皮士利係最出色的領隊。」
對於卜皮士利的成就，費格遜亦指出他執教生涯其中一個遺憾就係無法打破卜皮士利個人以領隊身份奪得三次歐聯冠軍的紀錄，而這紀錄直到上季安察洛提帶領皇馬奪得歐聯冠軍才被追平。除此之外，比較卜皮士利和費格遜兩人的場均獲得分數，費格遜只有場均 1.46分而卜皮士利更有 2.22分，相信如果卜皮士利繼續執教的話，利物浦皇朝有可能可以繼續延續下去。
不過可惜的是，卜皮士利退休後係 1992年患上老人痴呆症，1996年以 77歲之齡去世。對於這位係利物浦球會歷史有著舉足輕重的人物，利物浦亦特別設有一個 Bob Paisley lounge及以 Paisley Gateway，紀念卜皮士利為利物浦的付出。
覺得小弟寫得都 ok的話或者想要更多 Liverpool資訊，可以到 facebook 專頁按個讚，支持下啦。
https://www.facebook.com/myheartisredlfc
一月廿三號對利物浦球迷而言可謂一個重要的日子，係 93年前的今日一位改變利物浦歷史的人物誕生，之後該人物完完全全改變了利物浦的歷史，可謂如果沒有他就無今日的利物浦。
之前曾經有文章講過 one man one club，有球員忠心耿耿，職業生涯只效力過一個球會。以下介紹的傳奇人物，他不單球員職業生涯只效力一個球會，退休後係球會轉職為物理治療師、教練、助理領隊、領隊、球會總監 director，45年人生工作經歷只曾為一間球會工作，同時亦為球會帶來歷史上最光輝的成就，他的名字叫卜皮士利 Bob Paisley。
時間回到 40年前，1974年 8月，當年一手將利物浦帶回正軌、稱霸英格蘭的領隊辛奇利 Bill Shankly以 60歲之齡退休，球會高層認為助手卜皮士利 Bob Paisley應該順利成章接手辛奇利留下來的事業。
當辛奇利將利物浦打做成英格蘭最成功的球會之一，要繼承前任領隊的豐功偉業絕非易事，不過歷史證明管理層眼光獨到，卜皮士利不單成功接任辛奇利的職位，而且青出於藍比辛奇利更成功，如果話辛奇利帶領利物浦成為英格蘭最成功的球會，那卜皮士利可謂帶領利物浦成當時為歐洲最成功球會之一。
係 1960年至 1978年效力利物浦，並成為利物浦上陣次數最多的球員 Ian Callaghan形容當時卜皮士利接任時的心情。
「當時卜皮士利得知自己成為新領隊後非常愕然，他一直以為自己只係暫代領隊 "only looking after the shop until a proper manager arrives"，而且其實當時卜皮士利不太願意接任領隊，因為卜皮士利不認為他有能力繼承領隊一職。相對上一任領隊辛奇利，卜皮士利係個性方面可謂內向得多，他比較喜歡擔當幕僚角色而非當領導人物。」
Ian Callaghan形容不少球員對兩個領隊印象完全相反，一般球員只會簡稱 Bob Paisley做 "Bob"，而稱辛奇利做 "Boss"，當時球員係卜皮士利成為新領隊後亦要適應兩位領隊截然不同的個人風格。
卜皮士利傳記作者 John Keith亦認同辛奇利及卜皮士利兩人個性可謂大相逕庭。辛奇利感覺上有威嚴得多，而卜皮士利則比較親民和藹可親，例如辛奇利喜歡穿有鋼片 steel tips的皮鞋，走路時會有聲音令每個球員知道他來到，相反卜皮士利平時鍾意著毛拖鞋 carpet slipper，一些細微之處已經可以反映兩人性格大大不同。
不過要繼承前任領隊的豐功偉業可謂絕非易事，一不小心的話更可能成為球迷針對對象，係費格遜退休後莫耶斯同雲高爾如何成為球迷嘲諷對象便可想而知。幸好係卜皮士利上任後第二個球季，卜皮士利已經成功帶領利物浦奪得聯賽冠軍以及歐洲足協盃冠軍，而係第三個球季 1976/77球季，卜皮士利更證明自己可以青出於藍，帶領利物浦奪得球會第一次歐洲冠軍，開創七八十年代的利物浦皇朝。
係 1977年利物浦來到羅馬，和德國球隊慕遜加柏爭奪歐冠榮耀。而羅馬這個城市對卜皮士利而言其實係一個充滿回憶的城市。係 1944年二次世界大戰之間，卜皮士利當時正正係英軍陸軍第八軍團 the Eighth Army 的槍手，協助解放納粹德軍下的羅馬。因此卜皮士利鼓勵球員說：「當年我第一次來到羅馬係為了擊敗德國人，今次我們要再一次擊敗德國人。」
最終利物浦以 3:1擊敗慕遜加柏成為歐洲冠軍。之後係卜皮士利帶領下，利物浦係 1978年及 1981年再次贏得歐洲冠軍，成為一時佳話。
辛奇利以及卜皮士利兩人都係利物浦史上最重要的領隊，不過二人個性可謂大相逕庭，係對處理球隊問題時方法亦大為不同。當年為利物浦奪得歐洲冠軍的左後衛 Alan Kennedy形容，卜皮士利個性相比辛奇利更為果斷，亦會更狠心淘汰不適合的球員。
係 1981年利物浦第三次奪得歐洲冠軍後，卜皮士利為了保持球隊競爭力，他係球季結束後將隊中部份老將清除賣走，迅速果斷地處理隊中球員老化問題，當中包括門將 Ray Clemence、中場球員 Terry McDermott 以及前鋒 David Johnson都係一兩季內離隊。相比利物浦係六十年代後期因為球隊老化問題而影響成績時，卜皮士利係處理球隊老化問題方面可謂決斷得多。
當新舊交替時，不少球隊往往因此而影響成績，不過卜皮士利係買人方面可謂眼光獨到，多次係關鍵球員離隊後迅速找到合適的替代者。
係 1977年，當隊中關鍵人物、1976年英格蘭足球先生奇雲基瑾以 50萬磅轉投漢堡後，卜皮士利立刻由些路迪以破英格蘭紀錄的 44萬磅購入杜格利殊 Kenny Dalglish，當時甚至因此而賺了 6萬磅差價。而往後事實亦證明這次交易不但沒有令球隊成績下滑，杜格利殊無論係球員或是領隊生涯都對利物浦有深遠影響。當時利物浦右後衛 Phil Neal對卜皮士利的眼光讚不絕口，認為卜皮士利其中一個強項正正係買人的眼光。
「除了杜格利殊，卜皮士利係愛爾蘭聯賽球隊 Home Farm簽入 Ronnie Whelan、由車士打簽入年輕球員魯殊 Ian Rush、係 1981年由溫哥華球隊 Whitecaps簽入門將高巴拿 Bruce Grobbelaar，當時這些球員都係一些名不經傳的球員，不過係往後時間他們都係利物浦證明自己的實力成為球隊名宿。」
雖然係短短九個球季之內帶領利物浦取得空前成功，不過卜皮士利依然係 1983年以 64歲之齡退下領隊一職，畢竟他接手球隊時已經 55歲了。
同前任領隊辛奇利不同，卜皮士利清楚知道退休後他的角色。雖然成為球隊總監，但卜皮士利清楚知道應該避免插手干擾領隊事務、影響繼任者費根 Joe Fagan，並寧願多花時間在家中和妻子「嘆茶」，而非「退而不休」問人貴姓。只有係杜格利殊成為球員兼領隊並上門請教時才給予杜格利殊意見及幫助。
如果說近年最成功的英超領隊係費格遜的話，相信沒有球迷會有異議，費格遜花了二十六年時間打造了曼聯皇朝，二十六年間獲得了 13次英超冠軍、2次歐聯冠軍。不過要說英格蘭史上最成功領隊的話，相信一定係卜皮士利同費格遜兩人之爭。卜皮士利係短短九個球季內六 6次帶領利物浦奪得聯賽冠軍、3次歐洲冠軍、1次歐洲足協盃冠軍、3次聯賽盃冠軍等等，兩人成就可謂不相伯仲。
對此利物浦球員 Callaghan就指出兩人成就難以直接作出比較。「兩人都係出色的領隊，不過實在難以比較，卜皮士利的紀錄已經證明了他的成就，如果計算卜皮士利的領隊成就及領隊之外的成就，係我心目中卜皮士利係最出色的領隊。」
對於卜皮士利的成就，費格遜亦指出他執教生涯其中一個遺憾就係無法打破卜皮士利個人以領隊身份奪得三次歐聯冠軍的紀錄，而這紀錄直到上季安察洛提帶領皇馬奪得歐聯冠軍才被追平。除此之外，比較卜皮士利和費格遜兩人的場均獲得分數，費格遜只有場均 1.46分而卜皮士利更有 2.22分，相信如果卜皮士利繼續執教的話，利物浦皇朝有可能可以繼續延續下去。
不過可惜的是，卜皮士利退休後係 1992年患上老人痴呆症，1996年以 77歲之齡去世。對於這位係利物浦球會歷史有著舉足輕重的人物，利物浦亦特別設有一個 Bob Paisley lounge及以 Paisley Gateway，紀念卜皮士利為利物浦的付出。
覺得小弟寫得都 ok的話或者想要更多 Liverpool資訊，可以到 facebook 專頁按個讚，支持下啦。
https://www.facebook.com/myheartisredlfc