Liverpool 近年青訓球員簡介之十 Joao Carlos Teixeira

顯示分享連結
以下介紹的球員嚴格上來講不太算是利物浦的青訓出身，利物浦在他 19歲時從葡萄牙球會士砵亭購入然後先放係 u21青年軍中上陣比賽，可謂算是利物浦的「半青訓」產品，他就是現年 22歲的 Joao Carlos Teixeira。

Joao Carlos Teixeira
18 January 1993



簡評：
Joao Carlos Teixeira係左中場/中場中指揮官，當年被譬為新迪高。係 2011/12球季因為係歐洲青年聯賽代表士砵亭出戰 NextGen Series對利物浦比賽時表現不錯，所以係 2012年利物浦以約 100萬磅價錢由士砵亭買入，之後主要係 u21聯賽中上陣。

上季季初 Joao Carlos Teixeira曾短暫外借英甲球會賓福特，回歸之後係季中曾一次代表利物浦一隊上陣，今季外借英冠球會白禮頓。

Strength優勢：
今季 Joao Carlos Teixeira係外借的英冠球會白禮頓暫時上陣 24場已經射入 6球交出 3個助攻，表現可謂相當出色。作為中場球員，Joao Carlos Teixeira的控球非常出色，而係盤扭、入球數字、射門觸覺都算是相當不錯。

除了入球及助攻能力， Joao Carlos Teixeira作為中場指揮官但同時協防能力頗高，之前第一次代表利物浦上陣已經非常冷靜，助攻助守亦有一次射門，表現絕不怯場。




Weakness弱項：
個人認為 Joao Carlos Teixeira踢法除咗似迪高亦有少少似當年祖高爾 (除了速度方面)，控球傳球都不錯，但要 Joao Carlos Teixeira經常一個扭過兩三個對方球員或者像 Coutinho般傳出 killer pass又未必可以，只能算是較四平八穩的中場指揮官。

速度以進攻中場來說算是偏慢，未必太適合羅渣士講求快速反擊的利物浦。

Opportunity 機會：
今季 Joao Carlos Teixeira難得係外借球會獲得一定穩定的出場機會，24場比賽對年輕球員來說算是剛好的上陣時間，相信這些上陣機會對 Joao Carlos Teixeira將來係競爭利物浦正選還是轉會到其他頂級聯賽都有一定幫助。

Threats危機：
個人認為 Joao Carlos Teixeira係踢法上未必適合羅渣士講求速度的戰術要求，今季係季前熱物賽等比賽 Joao Carlos Teixeira獲得上陣機會不多，加上係季中羅渣士寧願召回另一年輕球員 Jordon Ibe亦沒有召回 Joao Carlos Teixeira，相信即使 Joao Carlos Teixeira係白禮頓表現不俗但要係下季重回利物浦常規陣容亦非易事。

除此之外，Joao Carlos Teixeira其實已經 22歲不算十分年輕，要爭一席正選絕不易事。

個人觀點：
Joao Carlos Teixeira的個人能力例如控球、盤扭能力都不用懷疑，但問題係係利物浦陣中相同位置上有古天奴、拉蘭拿，較後的中場中有軒達臣，加上個人速度偏慢，如果下季可以重回利物浦陣中並把握到上述球員受傷而獲得的上陣時間的話，Joao Carlos Teixeira才有機會係利物浦獲得成功。不過即使無法成為利物浦的常規球員，相信以 Joao Carlos Teixeira的能力依然能係英超立足。



個人認為上位可能：3.5 (5分最高)

https://www.youtube.com/watch?v=3lfYrstTPk0

覺得小弟寫得都 ok的話或者想要更多 Liverpool資訊，可以到 facebook 專頁按個讚，支持下啦。
https://www.facebook.com/myheartisredlfc

如果喜歡我們的文章，請即分享到︰