原創分析：利物浦一月小檢，同樣的錯誤、不同的結果
踏入新一年 2017年，利物浦至今已經踢了八場比賽，包括對新特蘭、曼聯、史雲斯，足總盃兩次對 Plymouth、狼隊，聯賽盃兩次對修咸頓，可惜無論表現、成績都明顯未令人滿意。當中有外在因素，亦有內在球隊本身需要改善的問題。
先略談外在因素，對比其他英超球隊，利物浦一月賽程可謂密密麻麻，作為球迷，今個月已經有種「睇波睇到累」的感覺。雖然其中一個原因係當中有幾場比賽都係香港時間凌晨進行，但更重要係利物浦一個月已經踢了八場比賽，連球迷都覺得「睇波睇到累」，更何況球員，再加上對新特蘭的比賽係「聖誕快車」檔期，相信球員體力受到不少影響。
後防老問題
利物浦今季有不少失球，但同時失球當中大部份都係在兩種情況之下發生。
首先，利物浦防守上最大問題係制空力不足。係對曼聯比賽，摩連奴明白要在中場組織、入攝攻破利物浦大門絕非易事，因此下半場中段換入費蘭尼同時加強兩邊傳中和高空轟炸，結果利物浦面對高空波時明顯方寸大亂，最終利物浦痛失二分(雖然當時曼聯球員越位在先)。
之後對史雲斯時，利物浦同樣被史雲斯中鋒洛蘭迪以頭鎚攻破大門，根據 whoscored.com數據，當時洛蘭迪有 5次頭鎚爭頂成功，比利物浦任何一個球員都多，說明當利物浦面對高空轟炸時往往顯得力不從心。
其次係死球失球，無論對史雲斯抑或狼隊，利物浦係死守防守時往往未夠集中，利物浦因角球二傳被對方射破大門的畫面係過去一兩季都時有發生，只不過係過去因利物浦前鋒入球而沒有明顯表露出來，但當前場「啞火」時，利物浦就因後防重複犯錯而付出沉重成本。
排陣錯誤
係對曼城、曼聯以及史雲斯比賽，高普都讓拉蘭拿以翼鋒身份上陣。係對曼城、曼聯比賽，拉蘭拿的表現尚算不錯，但對史雲斯時，翼鋒位置明顯無法讓拉蘭拿發揮他的長處，甚至影響球隊進攻力。
對前列球隊時，中場往往成為兵家必爭之地，因此中場出身的拉蘭拿名義上雖然係翼鋒身份，但同時亦不惜體力回防迫搶，協助球隊中場補位，毫無疑問係對曼城、曼聯時，高普的戰術部署明顯取得成功，但史雲斯時卻是失敗而回。
拉蘭拿最大優勢係利用用不盡的體力在場上不斷走動補位，協助球隊助攻助守，同時係進攻上利用文尼、費明奴等拉開的空間入攝射門和組織。但對史雲斯比賽時，當對方大部份時間死守，禁區附近已經有八個或以上球員時，拉蘭拿係翼鋒位置反而暴露出他的缺點 – 缺乏速度、缺乏盤扭突破能力，直接影響球隊進攻。
係過去兩季無論羅渣士抑或高普時代，拉蘭拿已經「證明」翼鋒位置並非他的合適位置，同時「證明」只有中場中才可以令拉蘭拿如魚得水，結果上場高普再以拉蘭拿踢右翼鋒位置，結果再次證明該位置不適合拉蘭拿。
除此之外，係上場足總盃對狼隊比賽，高普以年輕球員 Ben Woodburn踢翼鋒位置，首先個人毫不懷疑 Ben Woodburn的才華，但 Ben Woodburn最擅長的位置並不是右翼鋒位置而係正前鋒，同時利物浦陣中另一年輕球員奧祖上季曾外借狼隊效力，如果以本身踢翼鋒位置出身的奧祖踢翼鋒加上奧祖對狼隊球員的了解，理論上效果應該更好。
信心不足
係對史雲斯以及狼隊比賽，利物浦係上半場不單無法打破缺口，更糟糕係在這兩場比賽的上半場都係零次射中龍門。
係過去幾場比賽，利物浦往往空有控球權而無法製造入球，個人感覺利物浦係進攻上除了缺乏文尼在邊路突破之外，其他球員亦缺乏射門的信心，有幾次係禁區可以射門時卻寧願傳球，同時球員亦缺乏盤扭強行帶球突破博取罰球或十二碼的意識，結果進攻時往往有隔靴抓癢之感。
青訓成救星 ?
係過去幾場比賽，不少球迷都認為利物浦係前場翼鋒位置極需一名具速度、突破能力的球員打破悶局，但係到目前為止，利物浦似乎依然未能在轉會市場尋找到適合球員「冬季進補」。在這種情況下，個人認為高普可以嘗試讓幾名年輕球員上陣小試牛刀。
近年利物浦青訓中不乏有潛質的翼鋒，從早年的史達寧、佐敦艾比，到今日的奧祖以及 Harry Wilson，個人相信幾名利物浦青訓出身球員都有能力在英超獲得立足之地。當中右翼鋒出身的 Harry Wilson也許可以成為利物浦翼鋒位置上的及時雨。
Harry Wilson以及奧祖都係近年利物浦青訓中比較受注目的年輕球員，Harry Wilson今季係各項 u23比賽射入 19球並交出 9 次助攻，係足總盃對 Plymouth比賽，後備上陣的 Harry Wilson亦展現出驚人的速度。如果利物浦冬季無法購入翼鋒球員的話，即使文尼不在狀態或無法上陣時，高普可以嘗試以 Harry Wilson、奧祖作為球隊的突破點。
總括而言，利物浦係文尼缺陣下表現一落千丈，後防老問題亦令利物浦失去兩個盃賽爭標機會，高普係一月的排陣輪換亦達不到預期效果，當塞內加爾係非洲盃出局後，文尼回歸能否拯救水深火熱的利物浦絕對係餘下球季的關鍵。
各位球迷如果想要更多 Liverpool資訊，可以到 facebook 專頁按個讚，支持下啦。
https://www.facebook.com/myheartisredlfc
先略談外在因素，對比其他英超球隊，利物浦一月賽程可謂密密麻麻，作為球迷，今個月已經有種「睇波睇到累」的感覺。雖然其中一個原因係當中有幾場比賽都係香港時間凌晨進行，但更重要係利物浦一個月已經踢了八場比賽，連球迷都覺得「睇波睇到累」，更何況球員，再加上對新特蘭的比賽係「聖誕快車」檔期，相信球員體力受到不少影響。
後防老問題
利物浦今季有不少失球，但同時失球當中大部份都係在兩種情況之下發生。
首先，利物浦防守上最大問題係制空力不足。係對曼聯比賽，摩連奴明白要在中場組織、入攝攻破利物浦大門絕非易事，因此下半場中段換入費蘭尼同時加強兩邊傳中和高空轟炸，結果利物浦面對高空波時明顯方寸大亂，最終利物浦痛失二分(雖然當時曼聯球員越位在先)。
之後對史雲斯時，利物浦同樣被史雲斯中鋒洛蘭迪以頭鎚攻破大門，根據 whoscored.com數據，當時洛蘭迪有 5次頭鎚爭頂成功，比利物浦任何一個球員都多，說明當利物浦面對高空轟炸時往往顯得力不從心。
其次係死球失球，無論對史雲斯抑或狼隊，利物浦係死守防守時往往未夠集中，利物浦因角球二傳被對方射破大門的畫面係過去一兩季都時有發生，只不過係過去因利物浦前鋒入球而沒有明顯表露出來，但當前場「啞火」時，利物浦就因後防重複犯錯而付出沉重成本。
排陣錯誤
係對曼城、曼聯以及史雲斯比賽，高普都讓拉蘭拿以翼鋒身份上陣。係對曼城、曼聯比賽，拉蘭拿的表現尚算不錯，但對史雲斯時，翼鋒位置明顯無法讓拉蘭拿發揮他的長處，甚至影響球隊進攻力。
對前列球隊時，中場往往成為兵家必爭之地，因此中場出身的拉蘭拿名義上雖然係翼鋒身份，但同時亦不惜體力回防迫搶，協助球隊中場補位，毫無疑問係對曼城、曼聯時，高普的戰術部署明顯取得成功，但史雲斯時卻是失敗而回。
拉蘭拿最大優勢係利用用不盡的體力在場上不斷走動補位，協助球隊助攻助守，同時係進攻上利用文尼、費明奴等拉開的空間入攝射門和組織。但對史雲斯比賽時，當對方大部份時間死守，禁區附近已經有八個或以上球員時，拉蘭拿係翼鋒位置反而暴露出他的缺點 – 缺乏速度、缺乏盤扭突破能力，直接影響球隊進攻。
係過去兩季無論羅渣士抑或高普時代，拉蘭拿已經「證明」翼鋒位置並非他的合適位置，同時「證明」只有中場中才可以令拉蘭拿如魚得水，結果上場高普再以拉蘭拿踢右翼鋒位置，結果再次證明該位置不適合拉蘭拿。
除此之外，係上場足總盃對狼隊比賽，高普以年輕球員 Ben Woodburn踢翼鋒位置，首先個人毫不懷疑 Ben Woodburn的才華，但 Ben Woodburn最擅長的位置並不是右翼鋒位置而係正前鋒，同時利物浦陣中另一年輕球員奧祖上季曾外借狼隊效力，如果以本身踢翼鋒位置出身的奧祖踢翼鋒加上奧祖對狼隊球員的了解，理論上效果應該更好。
信心不足
係對史雲斯以及狼隊比賽，利物浦係上半場不單無法打破缺口，更糟糕係在這兩場比賽的上半場都係零次射中龍門。
係過去幾場比賽，利物浦往往空有控球權而無法製造入球，個人感覺利物浦係進攻上除了缺乏文尼在邊路突破之外，其他球員亦缺乏射門的信心，有幾次係禁區可以射門時卻寧願傳球，同時球員亦缺乏盤扭強行帶球突破博取罰球或十二碼的意識，結果進攻時往往有隔靴抓癢之感。
青訓成救星 ?
係過去幾場比賽，不少球迷都認為利物浦係前場翼鋒位置極需一名具速度、突破能力的球員打破悶局，但係到目前為止，利物浦似乎依然未能在轉會市場尋找到適合球員「冬季進補」。在這種情況下，個人認為高普可以嘗試讓幾名年輕球員上陣小試牛刀。
近年利物浦青訓中不乏有潛質的翼鋒，從早年的史達寧、佐敦艾比，到今日的奧祖以及 Harry Wilson，個人相信幾名利物浦青訓出身球員都有能力在英超獲得立足之地。當中右翼鋒出身的 Harry Wilson也許可以成為利物浦翼鋒位置上的及時雨。
Harry Wilson以及奧祖都係近年利物浦青訓中比較受注目的年輕球員，Harry Wilson今季係各項 u23比賽射入 19球並交出 9 次助攻，係足總盃對 Plymouth比賽，後備上陣的 Harry Wilson亦展現出驚人的速度。如果利物浦冬季無法購入翼鋒球員的話，即使文尼不在狀態或無法上陣時，高普可以嘗試以 Harry Wilson、奧祖作為球隊的突破點。
總括而言，利物浦係文尼缺陣下表現一落千丈，後防老問題亦令利物浦失去兩個盃賽爭標機會，高普係一月的排陣輪換亦達不到預期效果，當塞內加爾係非洲盃出局後，文尼回歸能否拯救水深火熱的利物浦絕對係餘下球季的關鍵。
各位球迷如果想要更多 Liverpool資訊，可以到 facebook 專頁按個讚，支持下啦。
https://www.facebook.com/myheartisredlfc