歐超聯亂局點收科？
2021年4月19日，係改變世界足球壇既一日。以皇馬主席佩雷斯為首，12間英超、西甲、意甲勁旅聯合宣佈合組「歐洲超級足球聯賽」(European Super League)。呢個舉動除左震驚全球球迷，仲令到歐洲足協好嬲。有消息指出，歐洲足協同國際足協將會禁止所有歐超聯既球員去代表國家隊出賽，意味住以上12隊既球員都唔能夠參加嚟緊既世界盃同歐洲國家盃，同埋佢地喺本土聯賽同歐聯歐霸，都有機會被DQ。唔少球隊名宿都反對呢個聯賽，但同時又有好多球迷好期待強強對碰。到底歐超聯係點嚟既呢？
歐超聯之起源
一個字「錢」。球會同歐洲足協關係一直都因為錢銀問題而不和，好多球會都覺得歐洲足協係淨係識得cap水既吸血鬼，制度又腐敗。歐洲足協希望擴充歐聯，但豪門球隊普遍唔想同d次一級既球隊無窮無盡咁踢比賽，given that當中既大部份收入都係歸歐洲足協，所以先至決定另起爐灶，成立歐超聯，唔再受歐洲足協既擺佈。
歐超聯參戰球隊
面臨歐洲賽、本土聯賽被DQ，同埋國際賽禁賽既佢地，我相信都預左要硬食歐洲足協既制裁。個重點只係在於，佢地呢個舉動，能唔能夠得到球迷既支持，畢竟football without fans is nothing。
歐洲足協同英西意足協
理論上係今次亂局既最大受害者。豪門球隊自立門戶，如果最後真係奪權成功，歐洲足球勢必變得更加商業化。當球會置自身利益先於國際賽事，世界盃同歐洲國家盃隨時會變成奧運水平。仲有其他歐洲賽事同本土聯賽，想像下如果未來既歐聯歐霸冇左一大堆講緊係全球最受歡迎既球隊，會流失幾多觀眾同轉播費收入？英超冇晒big 6，西甲意甲都冇左三隊班霸，你仲有幾想睇？
冇份參與歐超聯既其他英西意球會
同樣地，呢d相對細規模既球會都係今次亂局既受害者。歐超聯既founder clubs係冇升降制度，完全係一個小圈子聯賽。簡單d嚟講，埋倒堆就有得玩。咁樣亦係表示，其餘球隊想加入歐超聯，就要打生打死去爭剩低既名額，但founder clubs就無論成績如何，都可以永續歐超聯。另外，12隊參加歐超聯既隊伍都表明希望繼續參與本土聯賽，意味住聯賽賽程有機會要遷就佢地而作出改動，造成唔公平既情況。加上，如果最後歐超聯球隊都冇被DQ，下季就要同時兼顧好幾項唔同賽事。到時佢地選擇出正選去打歐超聯，副選去打本土聯賽既話，英超、西甲、意甲既吸引力都會減低。少左觀眾就自然少左轉播同贊助收入，有份打歐超聯既球隊賺到盆滿缽滿；冇份玩既就係萎縮既球市之下越賺越少。
廣大球迷
球迷對歐超聯既睇法好兩極。有d覺得大飽眼福，每星期都可以睇倒最頂尖既球隊對碰；亦都有球迷聚焦喺足球本身既意義同公平問題，反對金錢足球。歐聯歐霸以至各國本土聯賽，其中一個引人入勝既地方，就係underdog，以蔗渣價錢煮出燒鵝味道既小球會殺低豪門班霸。未來歐超聯，球迷仲有冇機會見倒呢d畫面？
歐超聯隊伍既球員可能事件牽涉既因素太多，暫時未見有好多球員表態。未來會唔會有歐超聯隊伍既球員高調反對，甚至拒絕出賽，定係掉返轉爭相要求轉會至有份打歐超聯既球隊，都係未知之數。不過年青球員就有件事好值得擔心。12 founder clubs都借左唔少青訓球員去本土低組別或者其他歐洲球隊，如果歐洲足協同本土聯賽都唔承認佢地，唔比佢地參與賽事既話，佢地就冇得喺其他成年一隊度，透過正式比賽去磨練自己。與此同時，佢地喺激烈既歐超聯比賽，又有幾多出場機會去慢慢成長。
除非各個parties都當冇事發生，如果唔係，都將會徹徹底底咁改變世界球壇生態。唔知最後呢個歐超聯亂局會點收科呢？
後記
筆者係一個曼聯球迷，對於曼聯加入歐超聯，雖然失望但唔覺得詫異，因為大家都知格拉沙有幾咁貪錢。只不過有一個隱憂，就係球會多年嚟引以為傲既青訓系統。希望曼聯同歐超聯都唔好毀左我地班後生仔啦。
————————
中意睇我文章既
記得follow我Instagram @ngsickball
歐超聯之起源
一個字「錢」。球會同歐洲足協關係一直都因為錢銀問題而不和，好多球會都覺得歐洲足協係淨係識得cap水既吸血鬼，制度又腐敗。歐洲足協希望擴充歐聯，但豪門球隊普遍唔想同d次一級既球隊無窮無盡咁踢比賽，given that當中既大部份收入都係歸歐洲足協，所以先至決定另起爐灶，成立歐超聯，唔再受歐洲足協既擺佈。
歐超聯參戰球隊
面臨歐洲賽、本土聯賽被DQ，同埋國際賽禁賽既佢地，我相信都預左要硬食歐洲足協既制裁。個重點只係在於，佢地呢個舉動，能唔能夠得到球迷既支持，畢竟football without fans is nothing。
歐洲足協同英西意足協
理論上係今次亂局既最大受害者。豪門球隊自立門戶，如果最後真係奪權成功，歐洲足球勢必變得更加商業化。當球會置自身利益先於國際賽事，世界盃同歐洲國家盃隨時會變成奧運水平。仲有其他歐洲賽事同本土聯賽，想像下如果未來既歐聯歐霸冇左一大堆講緊係全球最受歡迎既球隊，會流失幾多觀眾同轉播費收入？英超冇晒big 6，西甲意甲都冇左三隊班霸，你仲有幾想睇？
冇份參與歐超聯既其他英西意球會
同樣地，呢d相對細規模既球會都係今次亂局既受害者。歐超聯既founder clubs係冇升降制度，完全係一個小圈子聯賽。簡單d嚟講，埋倒堆就有得玩。咁樣亦係表示，其餘球隊想加入歐超聯，就要打生打死去爭剩低既名額，但founder clubs就無論成績如何，都可以永續歐超聯。另外，12隊參加歐超聯既隊伍都表明希望繼續參與本土聯賽，意味住聯賽賽程有機會要遷就佢地而作出改動，造成唔公平既情況。加上，如果最後歐超聯球隊都冇被DQ，下季就要同時兼顧好幾項唔同賽事。到時佢地選擇出正選去打歐超聯，副選去打本土聯賽既話，英超、西甲、意甲既吸引力都會減低。少左觀眾就自然少左轉播同贊助收入，有份打歐超聯既球隊賺到盆滿缽滿；冇份玩既就係萎縮既球市之下越賺越少。
廣大球迷
球迷對歐超聯既睇法好兩極。有d覺得大飽眼福，每星期都可以睇倒最頂尖既球隊對碰；亦都有球迷聚焦喺足球本身既意義同公平問題，反對金錢足球。歐聯歐霸以至各國本土聯賽，其中一個引人入勝既地方，就係underdog，以蔗渣價錢煮出燒鵝味道既小球會殺低豪門班霸。未來歐超聯，球迷仲有冇機會見倒呢d畫面？
歐超聯隊伍既球員可能事件牽涉既因素太多，暫時未見有好多球員表態。未來會唔會有歐超聯隊伍既球員高調反對，甚至拒絕出賽，定係掉返轉爭相要求轉會至有份打歐超聯既球隊，都係未知之數。不過年青球員就有件事好值得擔心。12 founder clubs都借左唔少青訓球員去本土低組別或者其他歐洲球隊，如果歐洲足協同本土聯賽都唔承認佢地，唔比佢地參與賽事既話，佢地就冇得喺其他成年一隊度，透過正式比賽去磨練自己。與此同時，佢地喺激烈既歐超聯比賽，又有幾多出場機會去慢慢成長。
除非各個parties都當冇事發生，如果唔係，都將會徹徹底底咁改變世界球壇生態。唔知最後呢個歐超聯亂局會點收科呢？
後記
筆者係一個曼聯球迷，對於曼聯加入歐超聯，雖然失望但唔覺得詫異，因為大家都知格拉沙有幾咁貪錢。只不過有一個隱憂，就係球會多年嚟引以為傲既青訓系統。希望曼聯同歐超聯都唔好毀左我地班後生仔啦。
————————
中意睇我文章既
記得follow我Instagram @ngsickball