紅白玫瑰之爭: 曼聯與列斯聯
一講到曼聯既死敵，大家可能會諗起利物浦同曼城，但唔知比較年輕既球迷熟唔熟悉列斯聯呢？佢地喺2004年降班，相隔16年，終於成功重返英超。講到曼聯同列斯聯之間既鬥爭，就要由15世紀開始。
15世紀中期，曼聯所屬既蘭開夏郡(Lancashire)，同埋列斯聯所屬既約克郡(Yorkshire)不斷打仗，戰事被後人稱為玫瑰戰爭(War of the Roses)。而兩隊既主場球衣既顏色，正正對應左蘭開夏紅玫瑰(曼聯)，同埋約克白玫瑰(列斯聯)。去到18世紀，英國爆發工業革命，曼徹斯特同列斯兩個城市喺工業發展上競爭激烈。加上歷史原因，更加確立左日後曼聯同列斯聯既鬥爭同仇恨。
第二次世界大戰之後，羽翼漸豐既曼聯同當時得令既列斯聯鬥到難分難解，最後曼聯以較佳得失球差贏得1964-1965年既聯賽冠軍。1960-1970年代，列斯聯喺本地聯賽成績較為佔優，但係曼聯喺1968年捧走歐冠盃，列斯聯只能喺1975年決賽飲恨得倒亞軍。
去到1990年代，曼聯同列斯聯既鬥爭更加白熱化。1991-1992球季，列斯聯以4分領先曼聯，攞走冠軍。但捧盃之際，列斯聯將簡東拿賣比曼聯，為曼聯日後既輝煌盛世鋪路。之後簡東拿帶領曼聯喺五年內贏得四個聯賽冠軍，佢亦成為曼聯史上最偉大既傳奇之一，有「奧脫福大帝」稱號。
咁多年嚟，曼聯同列斯聯喺球場內外都衝突不斷：比較出名既爭執有堅尼同夏蘭特、碧咸同羅比堅尼等；球迷亦不時喺比賽中互相「問候」，列斯聯球迷更加會”ManU”去侮辱慕尼黑空難既死難者(唔建議跟住做)。
雖然曼聯同列斯聯係幾十年嚟既死敵，亦有唔少球員由列斯聯轉投曼聯，就好似筆者偶像阿倫史密夫，同埋後防超級大佬里奧費迪南，兩個都一直深受曼聯球迷愛戴。
過去曼聯同列斯聯對碰110次，曼聯贏左48次，比起列斯聯既26次多。時至今日，列斯聯今季重返英超，有幾場令球迷津津樂道既勝仗，仲打起左班福特同達拉斯。由戰場到工廠到球場，曼聯同列斯聯既紅白玫瑰之爭，睇嚟又會激戰多一排啦。
————————
中意睇我文章既
記得follow我Instagram @ngsickball
15世紀中期，曼聯所屬既蘭開夏郡(Lancashire)，同埋列斯聯所屬既約克郡(Yorkshire)不斷打仗，戰事被後人稱為玫瑰戰爭(War of the Roses)。而兩隊既主場球衣既顏色，正正對應左蘭開夏紅玫瑰(曼聯)，同埋約克白玫瑰(列斯聯)。去到18世紀，英國爆發工業革命，曼徹斯特同列斯兩個城市喺工業發展上競爭激烈。加上歷史原因，更加確立左日後曼聯同列斯聯既鬥爭同仇恨。
第二次世界大戰之後，羽翼漸豐既曼聯同當時得令既列斯聯鬥到難分難解，最後曼聯以較佳得失球差贏得1964-1965年既聯賽冠軍。1960-1970年代，列斯聯喺本地聯賽成績較為佔優，但係曼聯喺1968年捧走歐冠盃，列斯聯只能喺1975年決賽飲恨得倒亞軍。
去到1990年代，曼聯同列斯聯既鬥爭更加白熱化。1991-1992球季，列斯聯以4分領先曼聯，攞走冠軍。但捧盃之際，列斯聯將簡東拿賣比曼聯，為曼聯日後既輝煌盛世鋪路。之後簡東拿帶領曼聯喺五年內贏得四個聯賽冠軍，佢亦成為曼聯史上最偉大既傳奇之一，有「奧脫福大帝」稱號。
咁多年嚟，曼聯同列斯聯喺球場內外都衝突不斷：比較出名既爭執有堅尼同夏蘭特、碧咸同羅比堅尼等；球迷亦不時喺比賽中互相「問候」，列斯聯球迷更加會”ManU”去侮辱慕尼黑空難既死難者(唔建議跟住做)。
雖然曼聯同列斯聯係幾十年嚟既死敵，亦有唔少球員由列斯聯轉投曼聯，就好似筆者偶像阿倫史密夫，同埋後防超級大佬里奧費迪南，兩個都一直深受曼聯球迷愛戴。
過去曼聯同列斯聯對碰110次，曼聯贏左48次，比起列斯聯既26次多。時至今日，列斯聯今季重返英超，有幾場令球迷津津樂道既勝仗，仲打起左班福特同達拉斯。由戰場到工廠到球場，曼聯同列斯聯既紅白玫瑰之爭，睇嚟又會激戰多一排啦。
————————
中意睇我文章既
記得follow我Instagram @ngsickball