令人又愛又恨的李察利臣
有d球員深得廣大球迷敬重，但有d球員淨係得自家球迷力撐，其餘個個都對佢嗤之以鼻。啱啱代表巴西拎完奧運金牌既愛華頓既前鋒李察利臣就好明顯係後者啦。
出身自巴西既窮鄉僻壤，24歲既李察利臣細細個已經見慣子彈橫飛，見盡身邊人同毒品為伴。喺艱苦既生活中，足球係佢既救贖，係佢冇誤入歧途既關鍵。典型南美球員勵志故事，耳熟能詳但依舊振奮人心。輾轉之下，佢18-19球季以4000萬鎊加盟愛華頓，旋即成為球隊主力。佢盤扭技術高超，體格強壯得嚟走位靈活，自帶英超前鋒starter kit。佢除左控球在腳既時候威脅極大，連防守都交足功課，回防非常積極。呢位愛華頓核心攻擊球員，頭兩季都有13球進帳。雖然上季入球數字回落至7球，但作為全隊突破能力最強之人，佢喺進攻方面都係不可或缺，唯獨係有時會扮哂球王死扭唔傳，同埋把握力真係有待改進。
但係，李察利臣時不時都比人批評佢踢波好多小動作，好似trash talk、拉衫、詐死拖時間等等。連好多愛華頓球迷都坦言，佢係一個比較中意撩事鬥非既球員，所以先有咁多對家球迷討厭佢。毫無疑問，場內場外佢都幾惹火。佢會同卡法路雲爭射十二碼，要隊友拉開先settle倒。比加歷查喺Twitter話佢成日插水，佢就出gif圖叫人收聲。佢又串過雲迪克唔係世一後衛，話佢比唔上堤亞高施華同沙治奧拉莫斯，兼且強調自己輕鬆扭過佢。不過最經典既，都係粗野飛剷睇堤亞高艾蘭達拿嗰次，彈出又彈入既道歉。
都係嗰句，你中意佢，咪覺得佢好型；你唔中意佢，咪覺得佢又囂又串又奸詐。要麼愛到佢飛起，要麼憎佢憎到要生要死。(咦，點解咁似193？)李察利臣就係一個咁令人愛恨分明既球員。黑白對錯未必下下分得咁清楚(收山腳除外)，好多野自己做理直氣壯，人地做就絕對唔可以接受。足球有時就係要少少唔理性，如果唔係，呢個巴西mk仔又點會咁令人又愛又恨呢。
————————
中意睇我文章既
記得follow我Instagram @ngsickball
出身自巴西既窮鄉僻壤，24歲既李察利臣細細個已經見慣子彈橫飛，見盡身邊人同毒品為伴。喺艱苦既生活中，足球係佢既救贖，係佢冇誤入歧途既關鍵。典型南美球員勵志故事，耳熟能詳但依舊振奮人心。輾轉之下，佢18-19球季以4000萬鎊加盟愛華頓，旋即成為球隊主力。佢盤扭技術高超，體格強壯得嚟走位靈活，自帶英超前鋒starter kit。佢除左控球在腳既時候威脅極大，連防守都交足功課，回防非常積極。呢位愛華頓核心攻擊球員，頭兩季都有13球進帳。雖然上季入球數字回落至7球，但作為全隊突破能力最強之人，佢喺進攻方面都係不可或缺，唯獨係有時會扮哂球王死扭唔傳，同埋把握力真係有待改進。
但係，李察利臣時不時都比人批評佢踢波好多小動作，好似trash talk、拉衫、詐死拖時間等等。連好多愛華頓球迷都坦言，佢係一個比較中意撩事鬥非既球員，所以先有咁多對家球迷討厭佢。毫無疑問，場內場外佢都幾惹火。佢會同卡法路雲爭射十二碼，要隊友拉開先settle倒。比加歷查喺Twitter話佢成日插水，佢就出gif圖叫人收聲。佢又串過雲迪克唔係世一後衛，話佢比唔上堤亞高施華同沙治奧拉莫斯，兼且強調自己輕鬆扭過佢。不過最經典既，都係粗野飛剷睇堤亞高艾蘭達拿嗰次，彈出又彈入既道歉。
都係嗰句，你中意佢，咪覺得佢好型；你唔中意佢，咪覺得佢又囂又串又奸詐。要麼愛到佢飛起，要麼憎佢憎到要生要死。(咦，點解咁似193？)李察利臣就係一個咁令人愛恨分明既球員。黑白對錯未必下下分得咁清楚(收山腳除外)，好多野自己做理直氣壯，人地做就絕對唔可以接受。足球有時就係要少少唔理性，如果唔係，呢個巴西mk仔又點會咁令人又愛又恨呢。
————————
中意睇我文章既
記得follow我Instagram @ngsickball