永不放棄足球夢: 艾華頓
做職業足球員，係好多熱愛足球既人既夢想。尤其喺足球狂熱國度巴西，幾乎每個小朋友都自細就鍾意足球。東方前鋒艾華頓亦係其中之一。同大部份巴西外援唔同，艾華頓從未長期接受過正規青訓，嚟香港之前亦冇效力過任何職業球隊，但佢絕對係實力不容小覷既外援之一，仲係爭標份子東方既主力鋒將。
艾華頓16歲既時候，獲得當時仲喺巴甲既家鄉球隊青年人體育會青睞。可惜佢踢左U隊半年左右，就因為腳踝嚴重受傷比球隊放棄，令佢職業足球夢碎。之後佢一邊繼續學業，一邊挑戰業餘但高水平既五人足球，直至18歲服兵役。一次軍隊假期，佢喺勁旅國際體育會試訓成功，可惜軍隊唔肯比佢提早結束兵役，令佢再一次職業足球夢碎。
服完兵役之後，艾華頓做唔成足球員，就同好多本地球員一樣，去左做運輸。職業足球夢看似遙遙無期，直至2015年，佢比經理人推薦去香港球會試腳。由巴西南里奥格蘭德州嚟到香港黃大仙，本以為球員生涯漸入佳境，點知迎嚟既又係另一個難關。黃大仙當時外援註冊名額已滿，以為終於首踏職業賽場，點知又係得個等字。跟操半年之後，佢終於首嘗職業足球員滋味，仲成為球隊進攻主力。佢擅長盤扭，突破能力強，射術精湛，面對防守球員，尤其係1vs1既時候，往往可以冷靜作出最適當判斷。跟住佢先後效力標準灝天同陽光元朗，以傑出表現深得球迷歡心。
加盟東方龍獅之後，艾華頓就攀上職業生涯高峰。19-20球季，26場賽事入面，佢貢獻14入球同12助攻，帶領球隊連奪高級組銀牌同足總盃冠軍，仲榮獲兩項盃賽神射手同決賽最佳球員。上季佢因為受傷而錯過唔少賽事，今季一開季就喺菁英盃就交出優秀表現，肩負東方入球重任。
艾華頓經歷兩次同職業足球擦身而過。本來喺巴西經營家族運輸生意，但因為對足球既熱愛，決定跳出comfort zone，遠赴地球既另一端，追逐永不放棄既足球夢。一個職業生涯始於本地既外援，拎過球員之星同最受球迷歡迎球星兩個個人獎項，以及三個盃賽共四次冠軍，都算係球壇一時佳話。如今艾華頓既獎盃collection只係爭一個港超聯賽冠軍，今季到底可唔可以更上一層樓，就要睇下另外七隊既守衛守唔守得住呢個單對單快攻之鬼啦。
————————
NGSICKBALL x HKPL.DAILY 合作企劃
中意睇我文章既
記得follow我Instagram @ngsickball
艾華頓16歲既時候，獲得當時仲喺巴甲既家鄉球隊青年人體育會青睞。可惜佢踢左U隊半年左右，就因為腳踝嚴重受傷比球隊放棄，令佢職業足球夢碎。之後佢一邊繼續學業，一邊挑戰業餘但高水平既五人足球，直至18歲服兵役。一次軍隊假期，佢喺勁旅國際體育會試訓成功，可惜軍隊唔肯比佢提早結束兵役，令佢再一次職業足球夢碎。
服完兵役之後，艾華頓做唔成足球員，就同好多本地球員一樣，去左做運輸。職業足球夢看似遙遙無期，直至2015年，佢比經理人推薦去香港球會試腳。由巴西南里奥格蘭德州嚟到香港黃大仙，本以為球員生涯漸入佳境，點知迎嚟既又係另一個難關。黃大仙當時外援註冊名額已滿，以為終於首踏職業賽場，點知又係得個等字。跟操半年之後，佢終於首嘗職業足球員滋味，仲成為球隊進攻主力。佢擅長盤扭，突破能力強，射術精湛，面對防守球員，尤其係1vs1既時候，往往可以冷靜作出最適當判斷。跟住佢先後效力標準灝天同陽光元朗，以傑出表現深得球迷歡心。
加盟東方龍獅之後，艾華頓就攀上職業生涯高峰。19-20球季，26場賽事入面，佢貢獻14入球同12助攻，帶領球隊連奪高級組銀牌同足總盃冠軍，仲榮獲兩項盃賽神射手同決賽最佳球員。上季佢因為受傷而錯過唔少賽事，今季一開季就喺菁英盃就交出優秀表現，肩負東方入球重任。
艾華頓經歷兩次同職業足球擦身而過。本來喺巴西經營家族運輸生意，但因為對足球既熱愛，決定跳出comfort zone，遠赴地球既另一端，追逐永不放棄既足球夢。一個職業生涯始於本地既外援，拎過球員之星同最受球迷歡迎球星兩個個人獎項，以及三個盃賽共四次冠軍，都算係球壇一時佳話。如今艾華頓既獎盃collection只係爭一個港超聯賽冠軍，今季到底可唔可以更上一層樓，就要睇下另外七隊既守衛守唔守得住呢個單對單快攻之鬼啦。
————————
NGSICKBALL x HKPL.DAILY 合作企劃
中意睇我文章既
記得follow我Instagram @ngsickball