另一半係球迷既入嚟: 世界盃女友/男友指南
話咁快又到四年一度既世界盃。賽事將會喺11月20號晚正式開鑼。今屆世界盃將會喺位於西亞既阿拉伯國家卡塔爾舉行。係球迷既你地，如果要另一半的話，唔知佢又認唔認識足球係咩一回事呢。至於唔係球迷既你地，另一半都好可能會睇下波既，咁就要睇下呢篇「世界盃女友／男友指南」啦！
1. 參賽選手
「曼聯贏定利物浦會攞冠軍呀？」
世界盃既參賽者都係國家隊嚟，你地另一半平日捧開既曼聯同利物浦，係國家聯賽入面既球會，而唔係國家隊，所以係冇份參加世界盃架。不過佢地有唔少既球員都會代表返自己國家參賽既。
2. 賽事時間
「點解你晚晚都捱夜睇波架？」今屆世界盃喺卡塔爾舉行，雖然係亞洲國家，但都慢香港五個鐘頭。場波喺當地時間下晝至夜晚踢，咁香港人咪有機會要凌晨捱夜睇波囉。
「世界盃不嬲係11月12月踢架咩？」
唔係，世界盃以往都係8月搞，卡塔爾呢屆係歷史上第一次喺冬季舉行。因為卡塔爾8月會熱到成50度，所以變相要改喺而家(25-30度)進行，唔係邊個球員肯同你踢呀？
「場波幾時完啫？」
一場足球比賽一般嚟講都係90分鐘，不過場波有時可能會成兩個幾鐘頭。因為去到一場定生死既淘汰賽階段，90分鐘和波既話，係要踢多30分鐘既，如果都仲未決定倒勝負，就要射十二碼架啦，所以係答唔倒你場波exactly幾時完架。
3. 比賽內容
「咩係越位呀？」
越位係指進攻球員犯規既一種。最尾一個防守球員(守門員)，當進攻球員位置比尾二防守球員企得更前，就會構成越位啦。
「咩係VAR呀？」
VAR = video assistant referee 影像助理裁判，啫係喺比賽途中暫停，然後即時replay返一d爭議性場面，例如手球(守門員以外既球員唔可以用手掂波)、十二碼、越位等等，輔助球證作出判決。不過VAR好多時候反而令到個判決有更多爭議，詳情可以問返你另一半，總之記住VAR有好多反對聲音。
4. 睇波心態
「輸波咋嘛，有咩好喊啫」
中意一樣野就自然投入，投入就自然緊張，緊張就自然有情緒。同埋老老實實，輸波真係可以好傷心囉。與其深究佢點解會喊，不如攬下佢安慰下佢好過啦，你一定識得點樣安慰佢既。
「唔緊要啦下場再嚟過」
記得記得唔好亂講呢句！因為去到世界盃既中段，會開始進入淘汰賽。輸波嗰隊係直接foul出局，四年之後先有機會再嚟過架。
5. 卡塔爾爭議
今屆卡塔爾世界盃，有冇發現聽得最多，唔係邊隊大熱門， 而係今屆有幾多爭議。首先，卡塔爾因為天氣問題，將世界盃改期至11月舉行。以往世界盃都係球季完結之後先開始，球員踢完球會既聯賽賽事，休息下操下之後先為國家隊備戰。但今屆世界盃喺球季中段進行，一嚟需要暫停球季去遷就世界盃，二嚟唔少球員喺呢段時間既球會比賽都受左傷，搞到冇得參加世界盃。球員受傷，或多或少都減低左世界盃既可觀性。
主辦國卡塔爾亦喺唔同方面廣受抨擊。今屆可能係唯一一屆唔比飲酒既世界盃，因為彈出又彈入，最後都係聲稱為左守護宗教信仰而實施禁酒令；卡塔爾亦禁止所有參賽隊伍同球迷展示任何有關LGBT既標語；佢地仲要喺建造世界盃場館期間，亦被揭發罔顧勞工權益等。
6. 其他特別注意事項
A. 我要支持邊隊好？
如果你冇特別preference
請同另一半支持同一個國家，以免炒大鑊。不過記住唔係個個一定中意最勁嗰隊，例如筆者就係英格蘭球迷，即使隊波咁多年嚟都恨鐵不成鋼，筆者都係義無反顧咁支持架。
如果你另一半係兩大球王球迷
首先，兩大球王咩獎項都拎過，就係未贏過世界盃。C朗最近深受好多傳聞困擾，佢所屬既葡萄牙亦身陷死亡之組，老實講奪冠機會真係唔大；美斯所屬既阿根廷算係今屆大熱門之一，今屆亦將會係佢最後一屆世界盃。如果你另一半係佢地球迷，難免今次會特別緊張。例如部份美斯球迷今屆係anyone but Portugal，因為唔想C朗拎倒世界盃而美斯冇反之亦然，所以記得更加要handle with care。
如果你另一半係意大利球迷
除非佢主動提起，如果唔係都盡量唔好同佢傾任何關於世界盃既事，因為意大利今屆冇份參賽。
B. 另一半睇波睇得狂熱，點應對？幾斯文既人，去到睇波既時候，都可能會好激動。粗口呢d就少不免，真係唔使大驚小怪。當你另一半大嗌「比牌呀」/「十二碼」/「黑哨」(球證判決唔公平) /「越位呀」既時候，請毫不猶疑地表示認同，同佢一齊嗌。放心啦，完場之後，你個另一半就會變返正常架啦。
有個球迷男朋友/女朋友既你地，可能未必明白22個男人追住個波有咩咁好睇，但兩個人相處就係互相遷就同陪伴。你肯抽時間去陪佢做佢中意做既事，或者等佢可以安心睇波，唔使怕你發脾氣，係一個好好表達愛意既方法嚟架。至於有個唔識波既女朋友／男朋友既你地，人地完全睇唔明都肯陪你，就唔好嫌人煩同乜都問啦，睇波又好，拍拖又好，都係想開心啫。
最後，聽講將share呢篇文比越多人，搵倒另一半既機會就越大架啦。識做啦咁 :o)
————————
中意睇我文章既
記得follow我Instagram @ng.sickball
1. 參賽選手
「曼聯贏定利物浦會攞冠軍呀？」
世界盃既參賽者都係國家隊嚟，你地另一半平日捧開既曼聯同利物浦，係國家聯賽入面既球會，而唔係國家隊，所以係冇份參加世界盃架。不過佢地有唔少既球員都會代表返自己國家參賽既。
2. 賽事時間
「點解你晚晚都捱夜睇波架？」今屆世界盃喺卡塔爾舉行，雖然係亞洲國家，但都慢香港五個鐘頭。場波喺當地時間下晝至夜晚踢，咁香港人咪有機會要凌晨捱夜睇波囉。
「世界盃不嬲係11月12月踢架咩？」
唔係，世界盃以往都係8月搞，卡塔爾呢屆係歷史上第一次喺冬季舉行。因為卡塔爾8月會熱到成50度，所以變相要改喺而家(25-30度)進行，唔係邊個球員肯同你踢呀？
「場波幾時完啫？」
一場足球比賽一般嚟講都係90分鐘，不過場波有時可能會成兩個幾鐘頭。因為去到一場定生死既淘汰賽階段，90分鐘和波既話，係要踢多30分鐘既，如果都仲未決定倒勝負，就要射十二碼架啦，所以係答唔倒你場波exactly幾時完架。
3. 比賽內容
「咩係越位呀？」
越位係指進攻球員犯規既一種。最尾一個防守球員(守門員)，當進攻球員位置比尾二防守球員企得更前，就會構成越位啦。
「咩係VAR呀？」
VAR = video assistant referee 影像助理裁判，啫係喺比賽途中暫停，然後即時replay返一d爭議性場面，例如手球(守門員以外既球員唔可以用手掂波)、十二碼、越位等等，輔助球證作出判決。不過VAR好多時候反而令到個判決有更多爭議，詳情可以問返你另一半，總之記住VAR有好多反對聲音。
4. 睇波心態
「輸波咋嘛，有咩好喊啫」
中意一樣野就自然投入，投入就自然緊張，緊張就自然有情緒。同埋老老實實，輸波真係可以好傷心囉。與其深究佢點解會喊，不如攬下佢安慰下佢好過啦，你一定識得點樣安慰佢既。
「唔緊要啦下場再嚟過」
記得記得唔好亂講呢句！因為去到世界盃既中段，會開始進入淘汰賽。輸波嗰隊係直接foul出局，四年之後先有機會再嚟過架。
5. 卡塔爾爭議
今屆卡塔爾世界盃，有冇發現聽得最多，唔係邊隊大熱門， 而係今屆有幾多爭議。首先，卡塔爾因為天氣問題，將世界盃改期至11月舉行。以往世界盃都係球季完結之後先開始，球員踢完球會既聯賽賽事，休息下操下之後先為國家隊備戰。但今屆世界盃喺球季中段進行，一嚟需要暫停球季去遷就世界盃，二嚟唔少球員喺呢段時間既球會比賽都受左傷，搞到冇得參加世界盃。球員受傷，或多或少都減低左世界盃既可觀性。
主辦國卡塔爾亦喺唔同方面廣受抨擊。今屆可能係唯一一屆唔比飲酒既世界盃，因為彈出又彈入，最後都係聲稱為左守護宗教信仰而實施禁酒令；卡塔爾亦禁止所有參賽隊伍同球迷展示任何有關LGBT既標語；佢地仲要喺建造世界盃場館期間，亦被揭發罔顧勞工權益等。
6. 其他特別注意事項
A. 我要支持邊隊好？
如果你冇特別preference
請同另一半支持同一個國家，以免炒大鑊。不過記住唔係個個一定中意最勁嗰隊，例如筆者就係英格蘭球迷，即使隊波咁多年嚟都恨鐵不成鋼，筆者都係義無反顧咁支持架。
如果你另一半係兩大球王球迷
首先，兩大球王咩獎項都拎過，就係未贏過世界盃。C朗最近深受好多傳聞困擾，佢所屬既葡萄牙亦身陷死亡之組，老實講奪冠機會真係唔大；美斯所屬既阿根廷算係今屆大熱門之一，今屆亦將會係佢最後一屆世界盃。如果你另一半係佢地球迷，難免今次會特別緊張。例如部份美斯球迷今屆係anyone but Portugal，因為唔想C朗拎倒世界盃而美斯冇反之亦然，所以記得更加要handle with care。
如果你另一半係意大利球迷
除非佢主動提起，如果唔係都盡量唔好同佢傾任何關於世界盃既事，因為意大利今屆冇份參賽。
B. 另一半睇波睇得狂熱，點應對？幾斯文既人，去到睇波既時候，都可能會好激動。粗口呢d就少不免，真係唔使大驚小怪。當你另一半大嗌「比牌呀」/「十二碼」/「黑哨」(球證判決唔公平) /「越位呀」既時候，請毫不猶疑地表示認同，同佢一齊嗌。放心啦，完場之後，你個另一半就會變返正常架啦。
有個球迷男朋友/女朋友既你地，可能未必明白22個男人追住個波有咩咁好睇，但兩個人相處就係互相遷就同陪伴。你肯抽時間去陪佢做佢中意做既事，或者等佢可以安心睇波，唔使怕你發脾氣，係一個好好表達愛意既方法嚟架。至於有個唔識波既女朋友／男朋友既你地，人地完全睇唔明都肯陪你，就唔好嫌人煩同乜都問啦，睇波又好，拍拖又好，都係想開心啫。
最後，聽講將share呢篇文比越多人，搵倒另一半既機會就越大架啦。識做啦咁 :o)
————————
中意睇我文章既
記得follow我Instagram @ng.sickball