成也換人，敗也換人: 寫在理文失落港超後
天王山之戰，理文兩度領先之下都比傑志2:2追平，最終都係以2分之差，失落聯賽冠軍。球員努力左成季，最後都功虧一簣，難免覺得唔甘心。今場波理文上下的確係將士用命，但單靠決心係唔足以贏得比賽。去到聯賽最後一戰，兩軍戰術配置調整都好有限，不過教練臨場換人就係優勝劣敗既關鍵啦。
比賽去到70分鐘，當時傑志啱啱憑住後備入替既羅素頂入扳平一球，而理文個response，竟然係以馮慶燁換入基華尼頓。列斯奧同被換走既基華尼頓個表情，仲錯愕過看台上班球迷。如果理文和波都可以攞冠軍，守到完場就話合理，但傑志先係想維持比數嗰隊。如果教練曾昭達嗰下冇即時叫停換人，係想推火華上前同洛迪古斯打雙中鋒，更加令人匪夷所思，甚至有廖化作先鋒既感覺。最後火華空門不入，理文就咁就同冠軍擦身而過。不過都唔可以怪哂後衛腳既佢，相信佢都未必有諗過有一日自己要打前鋒，仲要係一場決定性既比賽。
久攻不下既理文，無論係兩翼側擊傳中，定係中路大腳斬入禁區，都無功而還(嗱，點解唔試下地面組織先？)。無計可施之下，去到87分鐘，換入中村祐人同張憙延兩名進攻球員。捱到比賽末段先嚟加強攻力，又明知對手一定會各施各法去拖時間，點會唔係為時已晚呢。
傑志追平之後，其實理文一路都控制戰局，但就係改寫唔倒賽果。如果達sir安排個戰術係全軍壓前，然後不斷高空轟炸對手禁區，點解會選擇換入速度快同擅打反擊既Marcus，而唔係左右腳都出倒波，傳中又有相當質素既鄭兆均？
理文上場菁英盃四強得以絕殺東方，全靠兩位後備奇兵均仔同施沙，貢獻一個助攻、一個入球，達sir兩個關鍵調動可以話係居功至偉。但成也換人，敗也換人，理文上場憑住換人贏波，今場就喺換人犯下幾個致命錯誤。不一樣既調動，種下不一樣既結果，希望理文可以痛定思痛，繼續努力，喺菁英盃決賽同亞洲賽再創佳績。
————————
中意睇我文章既
記得follow我Instagram @ng.sickball
比賽去到70分鐘，當時傑志啱啱憑住後備入替既羅素頂入扳平一球，而理文個response，竟然係以馮慶燁換入基華尼頓。列斯奧同被換走既基華尼頓個表情，仲錯愕過看台上班球迷。如果理文和波都可以攞冠軍，守到完場就話合理，但傑志先係想維持比數嗰隊。如果教練曾昭達嗰下冇即時叫停換人，係想推火華上前同洛迪古斯打雙中鋒，更加令人匪夷所思，甚至有廖化作先鋒既感覺。最後火華空門不入，理文就咁就同冠軍擦身而過。不過都唔可以怪哂後衛腳既佢，相信佢都未必有諗過有一日自己要打前鋒，仲要係一場決定性既比賽。
久攻不下既理文，無論係兩翼側擊傳中，定係中路大腳斬入禁區，都無功而還(嗱，點解唔試下地面組織先？)。無計可施之下，去到87分鐘，換入中村祐人同張憙延兩名進攻球員。捱到比賽末段先嚟加強攻力，又明知對手一定會各施各法去拖時間，點會唔係為時已晚呢。
傑志追平之後，其實理文一路都控制戰局，但就係改寫唔倒賽果。如果達sir安排個戰術係全軍壓前，然後不斷高空轟炸對手禁區，點解會選擇換入速度快同擅打反擊既Marcus，而唔係左右腳都出倒波，傳中又有相當質素既鄭兆均？
理文上場菁英盃四強得以絕殺東方，全靠兩位後備奇兵均仔同施沙，貢獻一個助攻、一個入球，達sir兩個關鍵調動可以話係居功至偉。但成也換人，敗也換人，理文上場憑住換人贏波，今場就喺換人犯下幾個致命錯誤。不一樣既調動，種下不一樣既結果，希望理文可以痛定思痛，繼續努力，喺菁英盃決賽同亞洲賽再創佳績。
————————
中意睇我文章既
記得follow我Instagram @ng.sickball