四個points話你知：點解港隊輸比列支敦士登，大家咁激動
輸波咋嘛，點解大家咁激動？四個points話你知點解。其實都唔係真係好關對手到低係咪魚腩事。
1. 港隊衝緊FIFA積分，贏波要緊
港隊喺國際賽(包括友誼賽)既表現，係會直接影響年尾亞洲盃外圍賽第三圈既抽籤檔次。港隊而家排緊12，係pot 2包尾，如果比排13既新加坡反超，就會跌落pot 3。簡單d嚟講，守唔住pot 2，你同組既對手實力就會更強。今次輸比世界排名比自己更低既列支敦士登，會扣唔少分，變相下場對柬埔寨係非勝不可。所以今次輸波，絕對唔係咩只係輸左一場friendly咁小事。(幅圖未必好updated，但大家明咬得幾緊)
2. 選人佈陣匪夷所思
港隊正選11人入面，有三個左閘(孫銘謙左翼、陳晉一左閘、費蘭度左中堅)，然後冇右閘(個位係中堅周緣德打，但陣中其實有三個右閘)，未開波球迷已經好擔心，開左波之後就發現原來真係要擔心。表面上係442，打落其實似352多d。唔知新任領隊韋斯活有咩心思，但球員踢起上嚟，playing out of position，明顯係無所適從，力不從心。
進攻方面，安排安永佳拉邊，祖連奴喺禁區等待機會，咁點解唔係揾個中鋒做返支點呢。隊中咁多翼鋒，個個狀態唔錯，又點解唔係因應人手去打返兩翼一正前呢。
喺中超邊路如魚得水既一仔，擺喺左中堅位不單止浪費左佢側擊能力，因為要壓上前出波，對方一打反擊就好容易回唔切防。傑志時期既周緣德，已經話左比大家知佢打唔掂右閘同三中堅既右邊。今場呢個擺位，再一次放大佢速度慢轉身慢既缺點。如果真係想試三中堅，一係你就試周子謙打右中堅，一係就等勞列斯、余煒廉、徐宏傑、梁諾恆出得返先慢慢試。要知道攻守轉換既時候由四後衛轉三後衛，係需要球員有良好默契同埋上乘戰術執行力，國家隊/代表隊係唔容易做倒，有幾可一齊練波啫？
37歲既費蘭度應該都係第一次打自由人，球商同組織能力兼備，都踢到拼了所有斷氣方休，但係去到6 70分鐘個速率已經跟唔上，令防守壓力倍增。到底係今場試玩新野，定以後都諗住打自由人，真係要問韋斯活先知。
你以為賽前部署已經好炒車，點知臨場調動係更加出事。72分鐘，史提芬彭利拿入替顏卓彬，竟然係打防中。今次防中冇陳俊樂同胡晉銘，係會影響調兵遣將，但你補選完顏樂楓又唔用，不如唔好帶佢去。叫一個擅於入楔既射手去墮後派牌同中路掃蕩，唔知有冇捱夜睇波既球迷，以為自己發夢睇錯。
3. 友誼賽試陣都唔用盡換人名額
攞friendly嚟試陣，發掘唔同戰術陣式，本來係冇問題。但既然係做實驗，點解唔盡量比最多球員上場？睇辦又好，比球員感受比賽氣氛都好，百利而無一害，偏偏韋斯活就唔去做。
4. 球場先係戰場，唔係記者會
安達臣突然劈炮走人，要接火棒當然困難重重。港隊近年都以嘗試逼搶為主，一路跌跌碰碰咁學習。新領隊想控球在腳，令個進攻立體d，就係咪代表一定要完全放棄逼搶？有自己睇法係ok，但第一場領軍就要球員將舊時所學推倒重來，係賭好大。新官上任，太急於表現自己，結果就失禮人前。幾百個球迷山長水遠去一個歐洲小國，就係為左睇一班可能每星期港超都見倒既人，除左愛，都係愛。點知個領隊比d咁既野你睇，冇多謝球迷不特止，仲要話你批評得佢，就係唔識波。港超你又唔點睇，咩成績都未有就咁搶口，又點樣令人信服，點樣得球迷歡心。贏人唔該就喺球場度贏，記者會只係比你跌落地揦返拃沙架咋。
講到尾都係期望問題。你話安達臣係咪教得好好咩，唔同意神化佢(突然轉軚唔續約走人，都影響左對佢觀感)，但至少睇倒港隊有改變，唔再係一味死守。大家嬲個位係，明明可以做得更多，做得更好，就因為排陣同戰術出錯，一場本來有機會贏既比賽，最後將勝利拱手相讓，敗興而歸。實驗失敗唔可怕，最可怕係衰左唔認之餘，為左面子繼續錯落去。西木sir，你真係好自為之啦，想證明你先係識波嗰個，帶領港隊打好波就得架啦。
-------------------------------------------------------------------------------------------------
中意睇我文章既
記得follow我Instagram @ng.sickball
1. 港隊衝緊FIFA積分，贏波要緊
港隊喺國際賽(包括友誼賽)既表現，係會直接影響年尾亞洲盃外圍賽第三圈既抽籤檔次。港隊而家排緊12，係pot 2包尾，如果比排13既新加坡反超，就會跌落pot 3。簡單d嚟講，守唔住pot 2，你同組既對手實力就會更強。今次輸比世界排名比自己更低既列支敦士登，會扣唔少分，變相下場對柬埔寨係非勝不可。所以今次輸波，絕對唔係咩只係輸左一場friendly咁小事。(幅圖未必好updated，但大家明咬得幾緊)
2. 選人佈陣匪夷所思
港隊正選11人入面，有三個左閘(孫銘謙左翼、陳晉一左閘、費蘭度左中堅)，然後冇右閘(個位係中堅周緣德打，但陣中其實有三個右閘)，未開波球迷已經好擔心，開左波之後就發現原來真係要擔心。表面上係442，打落其實似352多d。唔知新任領隊韋斯活有咩心思，但球員踢起上嚟，playing out of position，明顯係無所適從，力不從心。
進攻方面，安排安永佳拉邊，祖連奴喺禁區等待機會，咁點解唔係揾個中鋒做返支點呢。隊中咁多翼鋒，個個狀態唔錯，又點解唔係因應人手去打返兩翼一正前呢。
喺中超邊路如魚得水既一仔，擺喺左中堅位不單止浪費左佢側擊能力，因為要壓上前出波，對方一打反擊就好容易回唔切防。傑志時期既周緣德，已經話左比大家知佢打唔掂右閘同三中堅既右邊。今場呢個擺位，再一次放大佢速度慢轉身慢既缺點。如果真係想試三中堅，一係你就試周子謙打右中堅，一係就等勞列斯、余煒廉、徐宏傑、梁諾恆出得返先慢慢試。要知道攻守轉換既時候由四後衛轉三後衛，係需要球員有良好默契同埋上乘戰術執行力，國家隊/代表隊係唔容易做倒，有幾可一齊練波啫？
37歲既費蘭度應該都係第一次打自由人，球商同組織能力兼備，都踢到拼了所有斷氣方休，但係去到6 70分鐘個速率已經跟唔上，令防守壓力倍增。到底係今場試玩新野，定以後都諗住打自由人，真係要問韋斯活先知。
你以為賽前部署已經好炒車，點知臨場調動係更加出事。72分鐘，史提芬彭利拿入替顏卓彬，竟然係打防中。今次防中冇陳俊樂同胡晉銘，係會影響調兵遣將，但你補選完顏樂楓又唔用，不如唔好帶佢去。叫一個擅於入楔既射手去墮後派牌同中路掃蕩，唔知有冇捱夜睇波既球迷，以為自己發夢睇錯。
3. 友誼賽試陣都唔用盡換人名額
攞friendly嚟試陣，發掘唔同戰術陣式，本來係冇問題。但既然係做實驗，點解唔盡量比最多球員上場？睇辦又好，比球員感受比賽氣氛都好，百利而無一害，偏偏韋斯活就唔去做。
4. 球場先係戰場，唔係記者會
安達臣突然劈炮走人，要接火棒當然困難重重。港隊近年都以嘗試逼搶為主，一路跌跌碰碰咁學習。新領隊想控球在腳，令個進攻立體d，就係咪代表一定要完全放棄逼搶？有自己睇法係ok，但第一場領軍就要球員將舊時所學推倒重來，係賭好大。新官上任，太急於表現自己，結果就失禮人前。幾百個球迷山長水遠去一個歐洲小國，就係為左睇一班可能每星期港超都見倒既人，除左愛，都係愛。點知個領隊比d咁既野你睇，冇多謝球迷不特止，仲要話你批評得佢，就係唔識波。港超你又唔點睇，咩成績都未有就咁搶口，又點樣令人信服，點樣得球迷歡心。贏人唔該就喺球場度贏，記者會只係比你跌落地揦返拃沙架咋。
講到尾都係期望問題。你話安達臣係咪教得好好咩，唔同意神化佢(突然轉軚唔續約走人，都影響左對佢觀感)，但至少睇倒港隊有改變，唔再係一味死守。大家嬲個位係，明明可以做得更多，做得更好，就因為排陣同戰術出錯，一場本來有機會贏既比賽，最後將勝利拱手相讓，敗興而歸。實驗失敗唔可怕，最可怕係衰左唔認之餘，為左面子繼續錯落去。西木sir，你真係好自為之啦，想證明你先係識波嗰個，帶領港隊打好波就得架啦。
-------------------------------------------------------------------------------------------------
中意睇我文章既
記得follow我Instagram @ng.sickball