第16輪英超非Big 6對決推介 水晶宮 vs 李斯特城
你覺唔覺你撐嘅Big 6球隊今週sure win唔洗睇? 想唔想轉下睇冇Big 6嘅比賽? 兩隊非Big 6對決紛紛中仲精彩過你隊Big 6輕取人地，邊個話冇Big 6就冇話題。
今週推水晶宮 vs 李斯特城。水晶宮上個禮拜俾利物浦炒7球，啱啱打多一個都照樣輸維拉3球，防守簡直穿曬窿。李城啱啱喺略為劣勢下逼和曼聯，暫時依然保持到前四位。
今場波嘅亮點係防反對決。兩隊可以話係除英超打防反最勁果兩隊非Big 6球隊，而兩隊亦都成功令熱刺失分。要估邊隊贏面大d，亦都可以由熱刺方面着手講下。論整體實力當然係熱刺>李城>水晶宮，一般嚟講實力較強嘅會head住嚟打，而實力較弱嘅做防守嘅時間會比較多，而實力較弱如果咁啱踢開防守性足球，要佢地縮嘅後面就更多得心應手。相反，若果實力較強嘅要主攻，而面對嘅仲要係打防反得心應手嘅球隊，即係叫摩連奴唔泊大巴推曬上前攻擊，咁架大巴死曬火係絕對唔奇，所以熱刺對住兩隊防反球隊都贏唔到，咁樣都算係一種解釋。
講咗咁耐熱刺，講返場比賽先。好似頭先咁講，李城牌面上勁過水晶宮，按返頭先嘅邏輯，李城會head住嚟打，水晶宮防守嘅時間會比較多，然後等機會打反擊，繼而出現李城不勝嘅爆冷賽果。望住水晶宮而家咁嘅近況，又的確幾難令人信李城贏唔到。當然筆者都覺得整體嚟講李城贏面大d，不過若果唔理贏輸淨係講好唔好睇，正正因為水晶宮處於戰術效果有利同近況極水皮嘅矛盾狀態，所以今場會更加好睇。
先講李城攻勢，喺打最順手嘅防反果陣，唔洗擔心冇攻勢。另一方面，因為預計李城會拎多d控球率，所以亦都會出現打組織做攻勢嘅情況，但對住條穿窿防線，仲有個走位一流嘅華迪，亦都唔洗擔心攻勢。
至於水晶宮攻勢，筆者覺得可以參考下上場李城對曼聯嘅比賽。果場曼聯有一定數量幾有威脅嘅攻勢，而大部分都係有球員(多數係般奴費南迪斯)放致命傳送俾曼聯嘅快翼接應而成，從上場比賽可見李城面對昵類進攻套路唔係幾招架到，以玫淨係拉舒福特都起碼有3個必入球(至於佢入唔曬係咪廢昵度唔作討論)。咁啱水晶宮嘅打法都類似，前面有幾隻快翼可以接應到長傳，所以可以預期雖然李城會主導攻勢，但水晶宮有機會偷襲都會幾有威脅，所以唔洗驚兩邊冇攻勢。
仲有另一個好睇嘅地方，就係防反門派嘅對碰。喺英超嘅防反球隊入面，熱刺係打假9支點型(支點係哈利卡尼)，曼聯係10號位支點型(支點係般奴費南迪斯)，李城係傳統9號位支點型(支點係華迪)，而水晶宮就冇一個既定嘅支點，沙夏今季改踢前鋒之後拉返後嘅情況比以前少，4隊雖然都係踢防反，但反擊時嘅支點處理都唔同，今次有其中2種類型睇，若果你唔覺得防反唔好睇，甚至幾欣賞摩氏足球，不妨可以用嚟同作為防反足球標誌嘅摩連奴果套比較下，應該會幾得意。
眾所周知聖誕快車攞人命，而防守式足球一般冇進攻式足球消耗咁多體能，咁啱兩隊都係偏向防守式，所以筆者覺得今場會係兩隊都夠氣嘅一場，只要水晶宮唔會又因為對手係前列球隊所以放軟手腳，咁應該唔會幾悶。
今週推水晶宮 vs 李斯特城。水晶宮上個禮拜俾利物浦炒7球，啱啱打多一個都照樣輸維拉3球，防守簡直穿曬窿。李城啱啱喺略為劣勢下逼和曼聯，暫時依然保持到前四位。
今場波嘅亮點係防反對決。兩隊可以話係除英超打防反最勁果兩隊非Big 6球隊，而兩隊亦都成功令熱刺失分。要估邊隊贏面大d，亦都可以由熱刺方面着手講下。論整體實力當然係熱刺>李城>水晶宮，一般嚟講實力較強嘅會head住嚟打，而實力較弱嘅做防守嘅時間會比較多，而實力較弱如果咁啱踢開防守性足球，要佢地縮嘅後面就更多得心應手。相反，若果實力較強嘅要主攻，而面對嘅仲要係打防反得心應手嘅球隊，即係叫摩連奴唔泊大巴推曬上前攻擊，咁架大巴死曬火係絕對唔奇，所以熱刺對住兩隊防反球隊都贏唔到，咁樣都算係一種解釋。
講咗咁耐熱刺，講返場比賽先。好似頭先咁講，李城牌面上勁過水晶宮，按返頭先嘅邏輯，李城會head住嚟打，水晶宮防守嘅時間會比較多，然後等機會打反擊，繼而出現李城不勝嘅爆冷賽果。望住水晶宮而家咁嘅近況，又的確幾難令人信李城贏唔到。當然筆者都覺得整體嚟講李城贏面大d，不過若果唔理贏輸淨係講好唔好睇，正正因為水晶宮處於戰術效果有利同近況極水皮嘅矛盾狀態，所以今場會更加好睇。
先講李城攻勢，喺打最順手嘅防反果陣，唔洗擔心冇攻勢。另一方面，因為預計李城會拎多d控球率，所以亦都會出現打組織做攻勢嘅情況，但對住條穿窿防線，仲有個走位一流嘅華迪，亦都唔洗擔心攻勢。
至於水晶宮攻勢，筆者覺得可以參考下上場李城對曼聯嘅比賽。果場曼聯有一定數量幾有威脅嘅攻勢，而大部分都係有球員(多數係般奴費南迪斯)放致命傳送俾曼聯嘅快翼接應而成，從上場比賽可見李城面對昵類進攻套路唔係幾招架到，以玫淨係拉舒福特都起碼有3個必入球(至於佢入唔曬係咪廢昵度唔作討論)。咁啱水晶宮嘅打法都類似，前面有幾隻快翼可以接應到長傳，所以可以預期雖然李城會主導攻勢，但水晶宮有機會偷襲都會幾有威脅，所以唔洗驚兩邊冇攻勢。
仲有另一個好睇嘅地方，就係防反門派嘅對碰。喺英超嘅防反球隊入面，熱刺係打假9支點型(支點係哈利卡尼)，曼聯係10號位支點型(支點係般奴費南迪斯)，李城係傳統9號位支點型(支點係華迪)，而水晶宮就冇一個既定嘅支點，沙夏今季改踢前鋒之後拉返後嘅情況比以前少，4隊雖然都係踢防反，但反擊時嘅支點處理都唔同，今次有其中2種類型睇，若果你唔覺得防反唔好睇，甚至幾欣賞摩氏足球，不妨可以用嚟同作為防反足球標誌嘅摩連奴果套比較下，應該會幾得意。
眾所周知聖誕快車攞人命，而防守式足球一般冇進攻式足球消耗咁多體能，咁啱兩隊都係偏向防守式，所以筆者覺得今場會係兩隊都夠氣嘅一場，只要水晶宮唔會又因為對手係前列球隊所以放軟手腳，咁應該唔會幾悶。