準備降班的兩隊 有咩荀貨推介？
想知道更多英超英冠消息歡迎like同follow我地嘅page: https://www.facebook.com/leagueinengland
英超餘下不足10場，今季長期佔據最後兩名嘅西布朗同錫菲聯基本上都已經救唔返，準備等下季落英冠。同一時間，4月亦都係各支球隊為下季做預備物色一下轉會目標嘅階段，根據過往經驗喺降班球隊絕對可以揾到好球員，而且有機會壓下價從而簽到荀貨，咁究竟上述2支霉到不得了嘅球隊會揾到咩荀球員呢？
西布朗—技術型翼鋒馬菲亞斯彭利拿(Matheus Pereira)+迪安加拿(Grady Diangana)2個球員都算係少數西布朗今季打得比較正常，有時有d嘢睇下嘅球員，彭利拿可以講係全隊技術最好嘅球員，上季嘅英冠有16球助攻，屬於近期最多，而今季都證明咗有能力喺英超立足，修咸頓、白禮頓等等組織性較強同埋講求戰術嘅球隊可以考慮下。迪安加拿有速度亦有少少技術，間唔中亦會過下人，打防反突破嘅球隊，例如紐卡素同富咸事但一隊護級成功之後，可以諗諗。不過西布朗今季羅致迪安加拿都用咗千幾萬磅，所以未必肯平放，但以佢實力就算有英人身份加持又未至於值到2千萬，所以可能會係紐卡素或者富咸排得比較後嘅目標。
西布朗—剛入選英格蘭的龍門森莊士東(Sam Johnstone)
森莊士東既係曼聯青訓，又係英人身份，仲要啱啱入選埋國家隊，西布朗降班之後跳槽絕對唔奇，雖然森莊士東比較似傳統門將，用波能力認真麻麻，但勝在反應幾好，對於唔偏向由後場猜上嘅球隊會幾啱用，例如夏天極有可能失去正選門將普比嘅般尼，揾返個類型同普比差唔多，又唔會太貴嘅莊士東就最啱。除此以外，最近又轉龍門嘅修咸頓，龍門老化嘅狼隊亦都可能有興趣。
錫菲聯—3中堅的重心翼衛巴度克(George Baldock)+史提芬斯(Enda Stevens)
雖然錫菲聯完全展現唔到可以生還嘅水平，但點講都好上季都曾經令人眼前一亮，果套3-5-2陣式有人叫佢做中堅疊瓦式助攻，其實即係中堅同翼衛有時會交換位置，變咗中堅做翼衛原本邊路出波嘅工作，亦即係話錫菲聯嘅一對正選翼衛巴度克同史提芬斯除咗可以踢翼衛之外，亦都可以踢中堅。另一方面，3-5-2陣式之下邊路球員基本上得2個翼衛，所以錫菲聯嘅邊一直都係由佢地兩個carry。而事實上，佢地兩個上季唔單止可以留後做防守，有時會殺埋上去進攻，成個翼鋒咁。當然，今季2個嘅表現都受球隊整體表現拖累，但見到佢地上季一個人處理錫菲聯嘅邊路加做中堅都處理得好好，喺而家閘位球員同埋多功能球員買少見少嘅情況下，絕對係有價有市。唯一嘅隱憂係驚佢地踢4後防守果陣防守力可能唔夠，始終3中堅陣式嘅特點係翼衛可以盡情發揮冇太多顧慮，但踢4後防果陣如果失咗位就會更加難補救，要一個踢慣3中堅嘅翼衛轉踢4後防可以會令佢嘅防守缺點放大，好似喺狼踢翼衛踢得好地地嘅杜靴迪(Matt Doherty)，去咗熱刺踢4後防就即刻現型咁。
錫菲聯—高效防中辛達貝治(Sander Berge)
辛達貝治係典型由次級聯賽加盟英超嘅年輕球員，喺揀錫菲聯作為英超嘅第一站好明顯就係用錫菲聯作跳板之後加盟其他名聲更大嘅英超球隊。而經過1季半之後，佢亦都喺英超賽場證明咗自己，攔截同埋中場控制方面都做得幾好，受傷之前一直都係錫菲聯嘅主力球員。而家錫菲聯基本上註定要降班，變相有契機俾佢跳糟去其他英超球隊，暫時嘅表現都唔洗驚冇球隊唔要。就算現有口嘅英超球隊覺得佢夠班或者唔啱踢都好，嚟緊升班嘅球隊都可以諗下，例如非常有可能升班嘅諾域治下季應該會失去從熱刺借入嘅中場史基普(Oliver Skipp)，同史迪普性質相近嘅辛達貝治絕對有可能屬於諾域治嘅考慮之列。
英超餘下不足10場，今季長期佔據最後兩名嘅西布朗同錫菲聯基本上都已經救唔返，準備等下季落英冠。同一時間，4月亦都係各支球隊為下季做預備物色一下轉會目標嘅階段，根據過往經驗喺降班球隊絕對可以揾到好球員，而且有機會壓下價從而簽到荀貨，咁究竟上述2支霉到不得了嘅球隊會揾到咩荀球員呢？
西布朗—技術型翼鋒馬菲亞斯彭利拿(Matheus Pereira)+迪安加拿(Grady Diangana)2個球員都算係少數西布朗今季打得比較正常，有時有d嘢睇下嘅球員，彭利拿可以講係全隊技術最好嘅球員，上季嘅英冠有16球助攻，屬於近期最多，而今季都證明咗有能力喺英超立足，修咸頓、白禮頓等等組織性較強同埋講求戰術嘅球隊可以考慮下。迪安加拿有速度亦有少少技術，間唔中亦會過下人，打防反突破嘅球隊，例如紐卡素同富咸事但一隊護級成功之後，可以諗諗。不過西布朗今季羅致迪安加拿都用咗千幾萬磅，所以未必肯平放，但以佢實力就算有英人身份加持又未至於值到2千萬，所以可能會係紐卡素或者富咸排得比較後嘅目標。
西布朗—剛入選英格蘭的龍門森莊士東(Sam Johnstone)
森莊士東既係曼聯青訓，又係英人身份，仲要啱啱入選埋國家隊，西布朗降班之後跳槽絕對唔奇，雖然森莊士東比較似傳統門將，用波能力認真麻麻，但勝在反應幾好，對於唔偏向由後場猜上嘅球隊會幾啱用，例如夏天極有可能失去正選門將普比嘅般尼，揾返個類型同普比差唔多，又唔會太貴嘅莊士東就最啱。除此以外，最近又轉龍門嘅修咸頓，龍門老化嘅狼隊亦都可能有興趣。
錫菲聯—3中堅的重心翼衛巴度克(George Baldock)+史提芬斯(Enda Stevens)
雖然錫菲聯完全展現唔到可以生還嘅水平，但點講都好上季都曾經令人眼前一亮，果套3-5-2陣式有人叫佢做中堅疊瓦式助攻，其實即係中堅同翼衛有時會交換位置，變咗中堅做翼衛原本邊路出波嘅工作，亦即係話錫菲聯嘅一對正選翼衛巴度克同史提芬斯除咗可以踢翼衛之外，亦都可以踢中堅。另一方面，3-5-2陣式之下邊路球員基本上得2個翼衛，所以錫菲聯嘅邊一直都係由佢地兩個carry。而事實上，佢地兩個上季唔單止可以留後做防守，有時會殺埋上去進攻，成個翼鋒咁。當然，今季2個嘅表現都受球隊整體表現拖累，但見到佢地上季一個人處理錫菲聯嘅邊路加做中堅都處理得好好，喺而家閘位球員同埋多功能球員買少見少嘅情況下，絕對係有價有市。唯一嘅隱憂係驚佢地踢4後防守果陣防守力可能唔夠，始終3中堅陣式嘅特點係翼衛可以盡情發揮冇太多顧慮，但踢4後防果陣如果失咗位就會更加難補救，要一個踢慣3中堅嘅翼衛轉踢4後防可以會令佢嘅防守缺點放大，好似喺狼踢翼衛踢得好地地嘅杜靴迪(Matt Doherty)，去咗熱刺踢4後防就即刻現型咁。
錫菲聯—高效防中辛達貝治(Sander Berge)
辛達貝治係典型由次級聯賽加盟英超嘅年輕球員，喺揀錫菲聯作為英超嘅第一站好明顯就係用錫菲聯作跳板之後加盟其他名聲更大嘅英超球隊。而經過1季半之後，佢亦都喺英超賽場證明咗自己，攔截同埋中場控制方面都做得幾好，受傷之前一直都係錫菲聯嘅主力球員。而家錫菲聯基本上註定要降班，變相有契機俾佢跳糟去其他英超球隊，暫時嘅表現都唔洗驚冇球隊唔要。就算現有口嘅英超球隊覺得佢夠班或者唔啱踢都好，嚟緊升班嘅球隊都可以諗下，例如非常有可能升班嘅諾域治下季應該會失去從熱刺借入嘅中場史基普(Oliver Skipp)，同史迪普性質相近嘅辛達貝治絕對有可能屬於諾域治嘅考慮之列。