銀牌之後：傑志同東方點揀亞冠外援？
高級組銀牌終於打完，6216人嘅入場人數算係近年新高，而傑志亦都喺呢場兩強對碰之中，憑住林志堅同林恩許嘅入球，以2-1擊敗東方龍獅。對呢兩隊而言，呢場波除咗要爭奪銀牌錦標之外，同時係陣中外援有冇份出戰亞冠嘅考牌戰 (特別係出戰外圍賽嘅傑志)。而喺今次銀牌決賽之後，相信兩隊喺亞冠外援嘅人選上都開始有啲眉目：
先講講傑志，今場嘅其中一個焦點當然係賽前加盟嘅前匈牙利國腳中場華杜斯。睇返華杜斯嘅資料，佢嘅打法係一個box-to-box嘅中場，或者係未同隊波夾熟嘅緣故，今場佢主要嘅工作都係負責中場掃蕩同埋駁腳，雖然工作簡單不過已經相當稱職。傑志有佢坐鎮中場之下，成功喺進攻上解放黃洋同埋林柱機，兩個嘅進攻表現都比平時好。如果大家記得初初踢傑志同埋港隊嘅黃洋，佢唔單止可以負責中場派牌控制節奏，後上進攻同樣耍家。估計傑志喺亞冠都會排出類近嘅中場線，只係林柱機換咗做可以專注進攻嘅林嘉緯，威力相信比以前由黃洋擔任防中更加大。
另一邊廂，隨住費蘭度近期穩坐正選，銀牌決賽亦都交出可人嘅表現，預計佢將會力壓羅勳奴，擔任三箭頭嘅左路進攻手，為艾力士同埋踢返正前鋒之後表現正常返嘅辛祖提供進攻彈藥。加埋亞援穩膽金東進，3+1嘅最後一個外援名額會係邊個，相信都係球迷們熱烈討論嘅話題之一。不過睇返傑志目前嘅大軍名單：李毅凱外借去飛馬之後，可以踢中堅嘅球員就剩返艾里奧、金東進、金奉珍同埋可以客串嘅黃洋。以金奉珍今場復任中堅之後嘅穩陣表現同埋唔錯嘅用波能力，相信最後一個位都係屬於呢名韓國球員架啦。
至於東方龍獅，其實以目前班底而言，踢亞冠真係幾頭痕：防線冇咗歸化未夠一年嘅羅拔圖，靠米曹拍住曾至孝或者吳偉超都好難俾到人信心。而以迪高同埋白鶴為首嘅中場線，今日喺傑志嘅緊迫之下表現亦都走樣；負責串連中前場嘅勞高對住金東進之下冇啖好食；單箭頭洛迪古斯冇供應之下同樣孤掌難鳴。雖然話追和嗰一球反擊係打得唔錯，但係以今場嘅表現嚟睇，出到去踢亞冠全場受壓嘅機會實在不低。對東方龍獅嚟講，亞援米曹同中場核心迪高基本上就係必然之選，不過喺勞高同今場有入波嘅美路史拿域；同埋喺基奧雲尼同洛迪古斯之間，相信牛丸要二揀一都仲係好頭痕，但係對筆者嚟講，呢兩個選擇都應該係後者秤先。
但係對東方龍獅而言，其實更大嘅問題係陣中嘅本地球員陣容深度真係好薄弱：除咗葉鴻輝、白鶴、李康廉等部份港隊主力之外，其他本地球員都確實稱唔上係本地一線嘅球員。萬一徐德帥、鞠盈智呢啲球員keep住有傷的話，對於東方龍獅嚟講喺亞冠調兵遣將會係一個大問題。老老實實，趁住轉會窗仲未閂，快啲簽返幾個本地球員頂檔啦。
最後關於呢場銀牌決賽，都有少少嘢想講：(1) 相比起舊年銀牌決賽嘅佈陣同臨場調動，牛丸今次確實保守咗好多，亦固然比果斷㩒掣嘅朱志光比下去；(2) 東方龍獅有冇諗過搵個守門員教練返嚟，幫手搞搞葉鴻輝開波嘅問題？失第二球之前嗰段，佢不論生波定死球其實都真係處理得唔好。輸第二球之前嘅界外球，就係解圍嘅時候處理得差所引致。既然王振鵬有守門員教練指導之下，穩定性都大幅提高，東方龍獅確實不妨試下搵個教練返嚟，幫下葉鴻輝手。
(圖片來源: 香港足總)
先講講傑志，今場嘅其中一個焦點當然係賽前加盟嘅前匈牙利國腳中場華杜斯。睇返華杜斯嘅資料，佢嘅打法係一個box-to-box嘅中場，或者係未同隊波夾熟嘅緣故，今場佢主要嘅工作都係負責中場掃蕩同埋駁腳，雖然工作簡單不過已經相當稱職。傑志有佢坐鎮中場之下，成功喺進攻上解放黃洋同埋林柱機，兩個嘅進攻表現都比平時好。如果大家記得初初踢傑志同埋港隊嘅黃洋，佢唔單止可以負責中場派牌控制節奏，後上進攻同樣耍家。估計傑志喺亞冠都會排出類近嘅中場線，只係林柱機換咗做可以專注進攻嘅林嘉緯，威力相信比以前由黃洋擔任防中更加大。
另一邊廂，隨住費蘭度近期穩坐正選，銀牌決賽亦都交出可人嘅表現，預計佢將會力壓羅勳奴，擔任三箭頭嘅左路進攻手，為艾力士同埋踢返正前鋒之後表現正常返嘅辛祖提供進攻彈藥。加埋亞援穩膽金東進，3+1嘅最後一個外援名額會係邊個，相信都係球迷們熱烈討論嘅話題之一。不過睇返傑志目前嘅大軍名單：李毅凱外借去飛馬之後，可以踢中堅嘅球員就剩返艾里奧、金東進、金奉珍同埋可以客串嘅黃洋。以金奉珍今場復任中堅之後嘅穩陣表現同埋唔錯嘅用波能力，相信最後一個位都係屬於呢名韓國球員架啦。
至於東方龍獅，其實以目前班底而言，踢亞冠真係幾頭痕：防線冇咗歸化未夠一年嘅羅拔圖，靠米曹拍住曾至孝或者吳偉超都好難俾到人信心。而以迪高同埋白鶴為首嘅中場線，今日喺傑志嘅緊迫之下表現亦都走樣；負責串連中前場嘅勞高對住金東進之下冇啖好食；單箭頭洛迪古斯冇供應之下同樣孤掌難鳴。雖然話追和嗰一球反擊係打得唔錯，但係以今場嘅表現嚟睇，出到去踢亞冠全場受壓嘅機會實在不低。對東方龍獅嚟講，亞援米曹同中場核心迪高基本上就係必然之選，不過喺勞高同今場有入波嘅美路史拿域；同埋喺基奧雲尼同洛迪古斯之間，相信牛丸要二揀一都仲係好頭痕，但係對筆者嚟講，呢兩個選擇都應該係後者秤先。
但係對東方龍獅而言，其實更大嘅問題係陣中嘅本地球員陣容深度真係好薄弱：除咗葉鴻輝、白鶴、李康廉等部份港隊主力之外，其他本地球員都確實稱唔上係本地一線嘅球員。萬一徐德帥、鞠盈智呢啲球員keep住有傷的話，對於東方龍獅嚟講喺亞冠調兵遣將會係一個大問題。老老實實，趁住轉會窗仲未閂，快啲簽返幾個本地球員頂檔啦。
最後關於呢場銀牌決賽，都有少少嘢想講：(1) 相比起舊年銀牌決賽嘅佈陣同臨場調動，牛丸今次確實保守咗好多，亦固然比果斷㩒掣嘅朱志光比下去；(2) 東方龍獅有冇諗過搵個守門員教練返嚟，幫手搞搞葉鴻輝開波嘅問題？失第二球之前嗰段，佢不論生波定死球其實都真係處理得唔好。輸第二球之前嘅界外球，就係解圍嘅時候處理得差所引致。既然王振鵬有守門員教練指導之下，穩定性都大幅提高，東方龍獅確實不妨試下搵個教練返嚟，幫下葉鴻輝手。
(圖片來源: 香港足總)