賽後筆記：輸七球...
https://www.youtube.com/watch?v=V1He8J9wkBY輸七球，咪當交下學費囉。
由開賽開始，形勢就對東方龍獅不利：黃梓浩頭鎚護空門，結果個波落喺自己前臂，紅牌實屬不幸亦打亂球隊部署。落後一球兼打少一個，形勢上更為捱打。今場正選上陣嘅中堅黃志聰喺級數上明顯有距離：防守嘅時候避波、跟甩人，兩次無謂嘅犯規換嚟輸十二碼同埋被逐，今場派佢上陣嘅決定，絕對值得質疑。
可幸嘅係其他球員技術雖有不足，但係仍然嘗試以戰意補足，只係人數所限，同埋體力、集中力下滑之下，面對廣州恆大嘅進攻實在力有不逮；至於門將葉鴻輝繼續神勇嘅表現，雖然開賽初段略嫌未入局，不過救出一球十二碼之後，於門前力挽狂瀾，實在不亞於喺港隊嘅演出，所失嘅七球其實都係非戰之罪。
用呢套陣容迎戰亞冠盃嘅賽事，捱打可以話係意料中事，亦真係好難怪責球員級數上嘅差異。最大嘅問題係：一個可以為籃球隊出錢請前NBA球員坐鎮嘅贊助商同管理層，點解幫唔到足球隊出錢，組一個適合嘅陣容踢亞洲比賽呢？輸呢七球，咪當交下學費，買個教訓囉。
最後，對東方龍獅呢六場波只有一個期望：送葉鴻輝出去。
由開賽開始，形勢就對東方龍獅不利：黃梓浩頭鎚護空門，結果個波落喺自己前臂，紅牌實屬不幸亦打亂球隊部署。落後一球兼打少一個，形勢上更為捱打。今場正選上陣嘅中堅黃志聰喺級數上明顯有距離：防守嘅時候避波、跟甩人，兩次無謂嘅犯規換嚟輸十二碼同埋被逐，今場派佢上陣嘅決定，絕對值得質疑。
可幸嘅係其他球員技術雖有不足，但係仍然嘗試以戰意補足，只係人數所限，同埋體力、集中力下滑之下，面對廣州恆大嘅進攻實在力有不逮；至於門將葉鴻輝繼續神勇嘅表現，雖然開賽初段略嫌未入局，不過救出一球十二碼之後，於門前力挽狂瀾，實在不亞於喺港隊嘅演出，所失嘅七球其實都係非戰之罪。
用呢套陣容迎戰亞冠盃嘅賽事，捱打可以話係意料中事，亦真係好難怪責球員級數上嘅差異。最大嘅問題係：一個可以為籃球隊出錢請前NBA球員坐鎮嘅贊助商同管理層，點解幫唔到足球隊出錢，組一個適合嘅陣容踢亞洲比賽呢？輸呢七球，咪當交下學費，買個教訓囉。
最後，對東方龍獅呢六場波只有一個期望：送葉鴻輝出去。