利物浦對般尼打破英超控球紀錄......

第二輪英超賽事，上一週啱啱贏咗阿仙奴嘅利物浦對住升班馬般尼係佔盡優勢下輸波，真係若要生活好......
利記今場除咗比數之外咩數據都贏到開巷，傳波次數比對手多6倍，射門次數多差唔多9倍，八成嘅控球比率仲打破埋英超紀錄...淨係計輸波嘅球隊的話.......

（第一位係2011/12球季，曼城最後一場對昆士柏流浪補時世紀反勝，結果靠得失球差壓倒曼聯贏冠軍。）

不過佢哋26次射門只有5次中目標，進攻欠銳利之餘防守亦好唔穩陣，上半場兩次失誤都被對手把握到輕鬆射入。
般尼就踢得簡單直接得多，防守反擊非常奏效。
出現得最多嘅傳球組合就係由龍門Heaton長傳俾前鋒Voke，避開中場壓逼目標明確。

今次嘅慘敗顯示咗瘋狂逼搶戰術嘅不足，以及利物浦球員仍然未完全適應呢個戰術，攻守都未達標。聯賽啱啱先開始，Klopp真係要諗諗計喇！
繼續不專業球評，多謝大家提點同支持。
啱睇就上嚟facebook page 擺低個like，睇唔過眼就更加要上嚟講下你點睇！