「確認」完又「確認」，確認咗大半季的A米終於賣得成

顯示分享連結

內地足球(用錢)揚威歐洲球壇，確係幾令中國球迷興奮，尤其是一眾內地媒體，過去大半年不斷地報道、證實和確認貝盧斯科尼將AC米蘭賣盤予中資財團中歐體育的消息，「證實」完又「確認」，「確認」完又「證實」，都未見成事， 騙徒手法真是.....

搞咗大半季，靜了好一排的「確認」消息近日又再在市面上出現，雖然今次的消息仍然唔係來自官方，但就係來自「官台」央視，睇怕都應該係真，唔係再講吓添都季尾啦！

雖然消息是來自中國央央大台中央人民電視CCTV，但可能「中國愛造假，外國貨可信」的信念實在太深入民心，所以內地媒體都係援引《意大利足球》的消息來作報道，其實《意大利足球》講明消息是來自中國的央視，單料根本唔關意大利媒體事。明明係自己國家嘅報道，俾外國傳媒引述過吓，就即刻覺得可信性大增，真係有自信到呢！
今次除咗講央視日前吹風話，交易必定會在3月3日前完成，好快就會舉行官方發佈會「確認」外，其實再無任何具有新意的內容。AC米蘭99.9%股權將會由中歐體育擁有，貝盧斯科尼只會象徵式持有0.1%股份，呢個安排之前一早已經講過。公佈完之後無咗下文，肯定當中出現咗大問題，例如有人拗數唔認數之類，不過負面嘢內媒好少會講，所以幾個月來都仍然係講「買啦」、「就買啦」、「米蘭有救啦」咁！

其實在幾個月前，貝盧斯科尼係曾經出過一次官方公佈，承認買賣雙方已簽訂初步協議，呢次亦係唯一真正的官方消息，之後的所有「確認」、 「證實」、「落實」，其實都只屬內媒的翻炒或「傳聞」。就算央視，都只係一家傳媒，唔係米蘭或中歐嘅官方發言人，最多只係報道，邊有資格「確認」？

所以話呢，具中國特色的足球新聞，尤其是涉及到所謂國家民族尊嚴的，唔留心閱讀，就隨時中伏。

http://www.cctv1zaixianzhibo.com/news/?43336.html

如果喜歡我們的文章，請即分享到︰