最快2018年復出…. 伊巴收咧，隨時「收山」！
歐霸進軍之路，曼聯又過一關，昨晚驚險擊退安德列治入四強，但慘烈地傷出了主力鋒將伊巴謙莫域，而且傷勢頗為嚴重，摩連奴坦言情況不容樂觀。
英國各大傳媒的報道，都指今次伊巴傷勢非輕，預計今季難有已無復出希望。BBC英國廣播公司話，今季能再見到伊巴在場上會很驚奇。天空體育指有消息表示伊巴今個球季已經報銷。太陽報指伊巴是前十字韌帶撕裂。ESPN話收到消息，伊巴最快都要明年一月才可回歸。郵報、快報、電訊報等，都指伊巴今季已經game over，只待醫生出報告確認養傷期，部分更指伊巴年紀一把，長傷手尾長，復元慢，對安德列治此仗可能已成為了他的掛靴之戰！
今季一直狀態良好的伊巴，今次之所以搞到咁傷，係因為跳起頂波後落地時單腳着地，加上當時踢到近90分鐘，雙腿已超出負荷，所以承受不了，整條右腿向後「拗柴」了一下。從片段可見呢下都真係幾傷，伊巴立即倒地，表情十分痛苦，與平時的霸氣模樣形成強烈對比。軍醫搞完一輪，都係要扶佢返入更衣室，無法參予加時階段的賽事。
有記者賽後追問摩連奴，對伊巴季尾復出是否可以審慎樂觀？豈料摩佬好凝重咁答：「相當悲觀 (fairly negative)。」曼聯迷聽見都幾晴天霹靂，皆因有連場大戰即將來臨，對曼城爭前四，對切爾達爭歐霸錦標，都係關乎整季努力能否開花結果的關鍵戰役。
曼聯已經有全隊入球第二最多的馬達提早收咧，另外史摩寧和鍾斯一對後防傷了一個月，還要等多最少大半個月才返戰陣，加上今場在比賽早段亦是傷得不輕的洛祖，仲有最重要的伊巴…… 真係屋漏兼逢夜雨，沒有最壞，只有更壞。
http://www.espnfc.com/manchester-united/story/3109038/manchester-uniteds-zlatan-ibrahimovic-likely-out-until-at-least-january-with-knee-injury-sourceshttps://youtu.be/aklJMbZnlBo