一個A0扮A1既男仔
明明係A0，點解要扮A1呢？一堆黑人問號出晒嚟。只有個男仔最清楚，佢自己先會明。
幾乎每個A0既男仔都渴望拍拖，想試下情侶之間個種甜蜜同心動，每次個男仔一諗到呢到都會「唉」一聲，做左十幾年人都未拍過拖，就好似一世人無搭過飛機咁，無嘗試過個種滋味。
佢每晚係床上面都有幻想拍拖個種甜蜜，FF大家相處既情景，越FF就越投入，越投入就越痛，更加恨拍拖。
佢自問自己個樣唔差，身邊亦有不少女性朋友，就係無女朋友。甚至連佢身邊既朋友都唔明白，點解佢一直A0，朋友都好希望佢快啲有女朋友。朋友對佢既期望，佢更加唔甘心一直A0。
之後，佢不斷去speed dating既活動去認識異性，但一係啲女仔眼角高唔show佢，就係啲女仔唔符合自己既條件，幾乎次次都食白果。身邊既朋友都有介紹女仔俾佢識，結果大家都知，就緊係又唔得。
眼見每個朋友都拍過拖，唔少朋友藉佢A0嚟笑佢，佢唔想再俾人笑，決定扮自己係拍過拖，係一個A1既男仔，跟住同身邊既朋友講佢既拍拖經驗，話佢自己發展地下戀，無公開過，將所有同個女仔拍拖既細節講到似層層咁，佢身邊既朋友都俾佢呃到，仲對佢改觀，咁就足以令佢自high。
但佢自己心知係講緊大話，自己個內心都唔舒服，好自責自己講大話，要用扮拍過拖去掩飾自己A0既事實，明明知自己A0，仲要同身邊既朋友講自己點樣同個前度甜蜜，其實根本無拍過拖，更加灰，更加難受。
一個無拍過拖既男仔，己經好慘，仲要係朋友面前扮A1，個種痛得個男仔先明。
幾乎每個A0既男仔都渴望拍拖，想試下情侶之間個種甜蜜同心動，每次個男仔一諗到呢到都會「唉」一聲，做左十幾年人都未拍過拖，就好似一世人無搭過飛機咁，無嘗試過個種滋味。
佢每晚係床上面都有幻想拍拖個種甜蜜，FF大家相處既情景，越FF就越投入，越投入就越痛，更加恨拍拖。
佢自問自己個樣唔差，身邊亦有不少女性朋友，就係無女朋友。甚至連佢身邊既朋友都唔明白，點解佢一直A0，朋友都好希望佢快啲有女朋友。朋友對佢既期望，佢更加唔甘心一直A0。
之後，佢不斷去speed dating既活動去認識異性，但一係啲女仔眼角高唔show佢，就係啲女仔唔符合自己既條件，幾乎次次都食白果。身邊既朋友都有介紹女仔俾佢識，結果大家都知，就緊係又唔得。
眼見每個朋友都拍過拖，唔少朋友藉佢A0嚟笑佢，佢唔想再俾人笑，決定扮自己係拍過拖，係一個A1既男仔，跟住同身邊既朋友講佢既拍拖經驗，話佢自己發展地下戀，無公開過，將所有同個女仔拍拖既細節講到似層層咁，佢身邊既朋友都俾佢呃到，仲對佢改觀，咁就足以令佢自high。
但佢自己心知係講緊大話，自己個內心都唔舒服，好自責自己講大話，要用扮拍過拖去掩飾自己A0既事實，明明知自己A0，仲要同身邊既朋友講自己點樣同個前度甜蜜，其實根本無拍過拖，更加灰，更加難受。
一個無拍過拖既男仔，己經好慘，仲要係朋友面前扮A1，個種痛得個男仔先明。