點解會喺2020年仲入手FujiFilm X70？點解唔買XF 10？
點解會喺2020年仲入手四年前推出嘅FujiFilm X70？
點解唔買Fujifilm XF10或者GR系列？
我用三個理由話你知。
一、平，平，平，又有反mon。
相信好多朋友都有聽過一代街拍神器，理光嘅GR啦，28MM配上2.8光圈，機身又細又薄，的確好吸引。但GR無論一手或者二手價錢都企得好硬，同樣配備28MM f2.8鏡頭嘅Fujfilm X70價錢就親民少少。目前二手價格大概由$2000至＄2700（視乎成色同配件）就可以入手，佢2016年推出，對焦同各項性能都算夠用。最重要係作為輕便隨身機，佢仲可以反MON自拍，行山、聚會都好好用。如果同GR比我覺得各有千秋，GR鏡頭比較銳利但同時紫邊問題都比較嚴重，而出品顏色各有風味，真係見仁見智。我個人就比較喜歡Fujifilm嘅效果，咁點解唔買更新更平嘅XF 10?因為性能幾乎一樣但少咗反mon，又少啲配件可以玩，同埋比較上X70對焦用落感覺比XF10快少少。而且有反mon對多角度拍攝同埋拍下影片都好有用，雖然未支援4K，但日用已經好夠。
二、可以變成21MM廣角
對比XF10呢一點係絕對優勢，而理光GR都有個21MM嘅轉接，所以我覺得如果真係識相機一定唔會用GR同XF10比較，因為個定位真係好唔同。X70可以外接一個轉接鏡，令原本嘅等效28MM變成21MM，行山想影下大景，或者多人自拍都好方便。安裝方法亦都好簡單同穩陣，就咁擰實佢就用到，新手都好易上手。如果無聞相要求，呢個21MM絕對非常好用。而呢個配件，係X70專用，暫時XF10都未有原廠呢類配件。
三、外接取景器
如果你覺得無用可以skip咗呢個point，但我相信用下腦就會明白佢其實好有用。行山或者去旅行，有時陽光好猛烈，令你睇mon真係會有困難，咁就可以靠光學取景構圖。而且用咗光學取景你亦可以關閉Live View功能，令機身慳返啲電。不過裝咗光學取景器嘅話，反mon就可以無咁方便睇個畫面。
圖片：Fujifilm X70 外接21MM，Snapseed微調JPG
總結
小弟買X70其實主要係作為行山用同埋有時隨身帶住影下相，所以21MM對我嚟講都幾有用。有好多人會話XF10像素高啲，但我覺得作為隨身機有幾何會裁相或者大執張相，16MP夠用。當初反而用GR作為對比，GR的確好吸引，但對我而言GR嘅吸引反而係菲林時代嘅GR1系列，數碼化後隨住科技進步，隨身機越造越輕便，GR特色都開始淡化。不過，相機選擇其實好主觀，當參考下好啦，畢亮每人使用習慣唔同，口味又唔同好難有明確標準。
點解唔買Fujifilm XF10或者GR系列？
我用三個理由話你知。
一、平，平，平，又有反mon。
相信好多朋友都有聽過一代街拍神器，理光嘅GR啦，28MM配上2.8光圈，機身又細又薄，的確好吸引。但GR無論一手或者二手價錢都企得好硬，同樣配備28MM f2.8鏡頭嘅Fujfilm X70價錢就親民少少。目前二手價格大概由$2000至＄2700（視乎成色同配件）就可以入手，佢2016年推出，對焦同各項性能都算夠用。最重要係作為輕便隨身機，佢仲可以反MON自拍，行山、聚會都好好用。如果同GR比我覺得各有千秋，GR鏡頭比較銳利但同時紫邊問題都比較嚴重，而出品顏色各有風味，真係見仁見智。我個人就比較喜歡Fujifilm嘅效果，咁點解唔買更新更平嘅XF 10?因為性能幾乎一樣但少咗反mon，又少啲配件可以玩，同埋比較上X70對焦用落感覺比XF10快少少。而且有反mon對多角度拍攝同埋拍下影片都好有用，雖然未支援4K，但日用已經好夠。
二、可以變成21MM廣角
對比XF10呢一點係絕對優勢，而理光GR都有個21MM嘅轉接，所以我覺得如果真係識相機一定唔會用GR同XF10比較，因為個定位真係好唔同。X70可以外接一個轉接鏡，令原本嘅等效28MM變成21MM，行山想影下大景，或者多人自拍都好方便。安裝方法亦都好簡單同穩陣，就咁擰實佢就用到，新手都好易上手。如果無聞相要求，呢個21MM絕對非常好用。而呢個配件，係X70專用，暫時XF10都未有原廠呢類配件。
三、外接取景器
如果你覺得無用可以skip咗呢個point，但我相信用下腦就會明白佢其實好有用。行山或者去旅行，有時陽光好猛烈，令你睇mon真係會有困難，咁就可以靠光學取景構圖。而且用咗光學取景你亦可以關閉Live View功能，令機身慳返啲電。不過裝咗光學取景器嘅話，反mon就可以無咁方便睇個畫面。
圖片：Fujifilm X70 外接21MM，Snapseed微調JPG
總結
小弟買X70其實主要係作為行山用同埋有時隨身帶住影下相，所以21MM對我嚟講都幾有用。有好多人會話XF10像素高啲，但我覺得作為隨身機有幾何會裁相或者大執張相，16MP夠用。當初反而用GR作為對比，GR的確好吸引，但對我而言GR嘅吸引反而係菲林時代嘅GR1系列，數碼化後隨住科技進步，隨身機越造越輕便，GR特色都開始淡化。不過，相機選擇其實好主觀，當參考下好啦，畢亮每人使用習慣唔同，口味又唔同好難有明確標準。