趁天還未冷食8大新款軟雪糕♪雪糕♫雪糕♩
Woh~~雪糕好好味道！不過根據天文台預測，氣溫下星期就會急降，怕凍人仕真係要把握時間，趁天還未冷盡情食！尤其係以下8款近期先推出/近期大熱嘅款式，(唱)如果而家唔食，(可能)以後就冇機會再食(/唱)！
Emack & Bolio's / 中環
餐廳資料：http://bit.ly/209tpqF
位於中環嘅超人氣層層疊雪糕，考驗員工一個脆筒疊十球雪糕嘅平衡力之餘，亦同時挑戰食家胃容量！雪糕口味有好多種如椰絲朱古力、香桃、特濃咖啡朱古力曲奇、花生醬及黑莓配黑白朱古力碎等。脆筒亦可選擇彩虹朱古力針、棉花糖脆脆，唔少食家都覺得頗貴同偏美式口味，但未試過嘅咪俾個機會佢囉！人一世物一世！
圖片由會員Miranda Yiu、貪食兔提供
Maple Yogurt / 西環
餐廳資料：http://bit.ly/1GI9Q26
呢間雪糕店瑟縮於屋苑商場地舖，特色係呢間乳酪雪糕夠清新同幼滑，好多人食過都大讚！如果想食特別口味，可以檸檬雪葩x香橙果乾x牛油蛋糕x茉莉茶果凍或者係菠蘿果乾x玫瑰花釀x士多啤梨布甸x麥芽餅碎呢兩種組合~~若果講到適合呢個季節食嘅口味，就肯肯定係由楓糖漿x燕麥片x芒果布甸x麥芽餅碎組合嘅Golden Harvest雪糕！順帶一提，雖然間店話係西環區，不過其實香港大學地鐵站出會近啲！
圖片由會員PPPurplesun、蒙奇奇提供
MYOC / 銅鑼灣
餐廳資料：http://bit.ly/1KEMpBD
仲食曲奇/冬甩夾雪糕？呢度有Pancake夾雪糕啊！而且仲要Pancake同雪糕都係自家製，雪糕口味有紅豆/焦糖/雲呢嗱，而搭配嘅班戟口味則有紫薯、抹茶及原味，由於每日供應款式不同，所以食唔食到自己想要嘅味都有少少講運氣！圖片由會員cutely3001、natfoodiary_、Foodie Buddies提供
Sweet Monster / 旺角
餐廳資料：http://bit.ly/209DiVk
來自韓國嘅真‧爆谷雪糕，一個價錢兩種享受！而且呢度嘅爆谷全部不經油炸，就算選食落同時又鹹又甜嘅芝士焦糖味都唔怕即刻變肥仔！另外佢哋仲有Tiramisu配雪糕，原味同開心果味令味道層次更豐富！想增肥就選邪惡系Nutella香蕉啦！
圖片由會員hktastycrush、poortravellers提供
京林屋 / 銅鑼灣
餐廳資料：http://bit.ly/1OXLxQm
來自京都、有過百年歷史嘅抹茶老店，作為抹茶控點可以唔抽時間去朝個聖先？重點係，呢度仲有香港限定芭菲，由上而下分別有抹茶雪糕(<<廢話)、蕨餅、白玉、士多啤梨、寒天、紅豆、蜜桃，味道唔係話相當有驚喜，想食得穩陣啲可以選特濃焙茶雪山，上面果球焙茶雪糕好好食！
圖片由會員Agnes The Foodie、chiudaiwei、hkfoodtalk提供
What's Dogs / 尖沙咀
餐廳資料：http://bit.ly/209Fs7h
而家話食腸仔食煙肉易致癌……咁熱狗店點算？冇理由剩食熱狗個包架嘛！唔怕！夾雪糕咪得囉！剩夾雲呢嗱雪糕又得，加多啲錢夾配料如似Oreo餅碎、爆谷、朱古力彩針、粟米片亦得！平均嚟講唔過$30一件，以特色同食得人飽飽嚟講都唔算貴！圖片由會員natfoodiary_、ooonly4food提供
Be-Juiced / 中環
餐廳資料：http://bit.ly/209FEU3
永遠在減肥中？呢款令人無罪惡感嘅Acai Bowl(疑似雪糕)就最啱你！佢係用有機巴西莓、冰香蕉、Chia Seeds同生果結合而成嘅冰品，上面Toppings可以自選！你可以話佢似Smoothies，但好多人試過返嚟都話佢係超健康版嘅雪糕！
圖片由會員<IVY>、ruthyeelok提供
Via Tokyo / 銅鑼灣
餐廳資料：http://bit.ly/1GL1Iha
呢間雪糕店唔使多加介紹啦？只係單單睇佢店外面日日都有人排隊就知佢嘅雪糕有一定質素！佢哋早前推出了新口味——玉露玄米茶雪糕，同抹茶相比少一份苦澀，多一份清新！值得注意呢款口味係期間限定，錯過咗唔知幾時先再有得食！
圖片由會員Lawrence Lau、herbert提供
無論任何天氣都要食雪糕：http://bit.ly/1PVsoxJ
怕凍就食雞煲：http://bit.ly/1NCf9zI
Emack & Bolio's / 中環
餐廳資料：http://bit.ly/209tpqF
位於中環嘅超人氣層層疊雪糕，考驗員工一個脆筒疊十球雪糕嘅平衡力之餘，亦同時挑戰食家胃容量！雪糕口味有好多種如椰絲朱古力、香桃、特濃咖啡朱古力曲奇、花生醬及黑莓配黑白朱古力碎等。脆筒亦可選擇彩虹朱古力針、棉花糖脆脆，唔少食家都覺得頗貴同偏美式口味，但未試過嘅咪俾個機會佢囉！人一世物一世！
圖片由會員Miranda Yiu、貪食兔提供
Maple Yogurt / 西環
餐廳資料：http://bit.ly/1GI9Q26
呢間雪糕店瑟縮於屋苑商場地舖，特色係呢間乳酪雪糕夠清新同幼滑，好多人食過都大讚！如果想食特別口味，可以檸檬雪葩x香橙果乾x牛油蛋糕x茉莉茶果凍或者係菠蘿果乾x玫瑰花釀x士多啤梨布甸x麥芽餅碎呢兩種組合~~若果講到適合呢個季節食嘅口味，就肯肯定係由楓糖漿x燕麥片x芒果布甸x麥芽餅碎組合嘅Golden Harvest雪糕！順帶一提，雖然間店話係西環區，不過其實香港大學地鐵站出會近啲！
圖片由會員PPPurplesun、蒙奇奇提供
MYOC / 銅鑼灣
餐廳資料：http://bit.ly/1KEMpBD
仲食曲奇/冬甩夾雪糕？呢度有Pancake夾雪糕啊！而且仲要Pancake同雪糕都係自家製，雪糕口味有紅豆/焦糖/雲呢嗱，而搭配嘅班戟口味則有紫薯、抹茶及原味，由於每日供應款式不同，所以食唔食到自己想要嘅味都有少少講運氣！圖片由會員cutely3001、natfoodiary_、Foodie Buddies提供
Sweet Monster / 旺角
餐廳資料：http://bit.ly/209DiVk
來自韓國嘅真‧爆谷雪糕，一個價錢兩種享受！而且呢度嘅爆谷全部不經油炸，就算選食落同時又鹹又甜嘅芝士焦糖味都唔怕即刻變肥仔！另外佢哋仲有Tiramisu配雪糕，原味同開心果味令味道層次更豐富！想增肥就選邪惡系Nutella香蕉啦！
圖片由會員hktastycrush、poortravellers提供
京林屋 / 銅鑼灣
餐廳資料：http://bit.ly/1OXLxQm
來自京都、有過百年歷史嘅抹茶老店，作為抹茶控點可以唔抽時間去朝個聖先？重點係，呢度仲有香港限定芭菲，由上而下分別有抹茶雪糕(<<廢話)、蕨餅、白玉、士多啤梨、寒天、紅豆、蜜桃，味道唔係話相當有驚喜，想食得穩陣啲可以選特濃焙茶雪山，上面果球焙茶雪糕好好食！
圖片由會員Agnes The Foodie、chiudaiwei、hkfoodtalk提供
What's Dogs / 尖沙咀
餐廳資料：http://bit.ly/209Fs7h
而家話食腸仔食煙肉易致癌……咁熱狗店點算？冇理由剩食熱狗個包架嘛！唔怕！夾雪糕咪得囉！剩夾雲呢嗱雪糕又得，加多啲錢夾配料如似Oreo餅碎、爆谷、朱古力彩針、粟米片亦得！平均嚟講唔過$30一件，以特色同食得人飽飽嚟講都唔算貴！圖片由會員natfoodiary_、ooonly4food提供
Be-Juiced / 中環
餐廳資料：http://bit.ly/209FEU3
永遠在減肥中？呢款令人無罪惡感嘅Acai Bowl(疑似雪糕)就最啱你！佢係用有機巴西莓、冰香蕉、Chia Seeds同生果結合而成嘅冰品，上面Toppings可以自選！你可以話佢似Smoothies，但好多人試過返嚟都話佢係超健康版嘅雪糕！
圖片由會員<IVY>、ruthyeelok提供
Via Tokyo / 銅鑼灣
餐廳資料：http://bit.ly/1GL1Iha
呢間雪糕店唔使多加介紹啦？只係單單睇佢店外面日日都有人排隊就知佢嘅雪糕有一定質素！佢哋早前推出了新口味——玉露玄米茶雪糕，同抹茶相比少一份苦澀，多一份清新！值得注意呢款口味係期間限定，錯過咗唔知幾時先再有得食！
圖片由會員Lawrence Lau、herbert提供
無論任何天氣都要食雪糕：http://bit.ly/1PVsoxJ
怕凍就食雞煲：http://bit.ly/1NCf9zI