哥帥，是帥，會唔會變得要靚唔要命呢？
今個週末有兩場紅藍會，曼市打吡同利市打吡。
其中，聯賽第二既曼聯主場鬥已經拉開八分既榜首曼城，尤其觸目。
摩佬鬥哥帥，防反鬥全攻，高佬鬥精悍。仲要被講到，如果紅魔今場輸波，將會大幅拋離十一分，話就話球季一半都未過，要將多十一分既曼城拉落馬，似乎真係不太可能。
哥帥主張要贏，仲要贏好睇，唔要高Q大棍，由龍門開始，一腳兩腳咁搓上去。呢種Tiki-Taka，哥帥已經喺西甲同德甲證明咗係work既。上年佢黎到英超開始執教曼城，上半季勁到嚇死人既進攻簡直橫掃千軍，下半季後防不穩，加上英超無真魚腩，未能如上半季神勇。經過一年，今年英超只係和咗場，其他全勝，仲要失球唔多，仲見到好多上季不太搶眼既Sterling 同Stones 超進化咁。加上新加入既球員，用2.0黎形容好似都唔夠。
哥帥對足球既熱情係絕對無容置疑，上星期險勝修咸頓之後，佢竟然捉住修咸頓既Nathan Redmond訓話。
去片：https://www.youtube.com/watch?v=c1qtHEVV3mM睇片覺得Redmond好似無Hard feeling，雖然惹黎唔少批評，不過事後二人表示內容是正面的建言。(Source: BBC) (另附加早前足球自由仁有關是次事件的貼文係咪要轉會喇-哥迪奧拿賽後與對手球員激情對話-哥帥-只係想話比佢知佢打得好好)但係無論如何，點睇都似係因為佢既熱枕先會咁做。
不過佢呢團火，換個角度睇，其實都幾固執。就以上年歐聯16強對摩納哥為例，第一回合拎住兩球在手，第二回合作客依然對攻，最終以作客入球不敵對手出局。係，對住第一回合作客既摩納哥都比人入3球，人地番到主場，的確未必守得住，但係都未致於要對攻呱。
講番黎緊既打吡，而家領先緊8分，就算打和，8分差距唔會縮短，領先8分過聖誕，話今季佢地應該會奪冠都唔太過分。
反之，摩佬點睇都唔會同曼城搶控球，拍定兩架大巴再加神龍，一下反防或者死球轟炸得手，領先8分變5分，再加上特登派二線換黎既一敗就變得無乜價值。對士氣既打擊就更加估唔到。
不過哥帥係哥帥，摩佬係摩佬，次次鬥法都係咁，如果唔係邊有咁多好波睇。
只係有時會覺得，悅目同冠軍只可以二㨂一，㨂悅目係咪真係值得呢。
其中，聯賽第二既曼聯主場鬥已經拉開八分既榜首曼城，尤其觸目。
摩佬鬥哥帥，防反鬥全攻，高佬鬥精悍。仲要被講到，如果紅魔今場輸波，將會大幅拋離十一分，話就話球季一半都未過，要將多十一分既曼城拉落馬，似乎真係不太可能。
哥帥主張要贏，仲要贏好睇，唔要高Q大棍，由龍門開始，一腳兩腳咁搓上去。呢種Tiki-Taka，哥帥已經喺西甲同德甲證明咗係work既。上年佢黎到英超開始執教曼城，上半季勁到嚇死人既進攻簡直橫掃千軍，下半季後防不穩，加上英超無真魚腩，未能如上半季神勇。經過一年，今年英超只係和咗場，其他全勝，仲要失球唔多，仲見到好多上季不太搶眼既Sterling 同Stones 超進化咁。加上新加入既球員，用2.0黎形容好似都唔夠。
哥帥對足球既熱情係絕對無容置疑，上星期險勝修咸頓之後，佢竟然捉住修咸頓既Nathan Redmond訓話。
去片：https://www.youtube.com/watch?v=c1qtHEVV3mM睇片覺得Redmond好似無Hard feeling，雖然惹黎唔少批評，不過事後二人表示內容是正面的建言。(Source: BBC) (另附加早前足球自由仁有關是次事件的貼文係咪要轉會喇-哥迪奧拿賽後與對手球員激情對話-哥帥-只係想話比佢知佢打得好好)但係無論如何，點睇都似係因為佢既熱枕先會咁做。
不過佢呢團火，換個角度睇，其實都幾固執。就以上年歐聯16強對摩納哥為例，第一回合拎住兩球在手，第二回合作客依然對攻，最終以作客入球不敵對手出局。係，對住第一回合作客既摩納哥都比人入3球，人地番到主場，的確未必守得住，但係都未致於要對攻呱。
講番黎緊既打吡，而家領先緊8分，就算打和，8分差距唔會縮短，領先8分過聖誕，話今季佢地應該會奪冠都唔太過分。
反之，摩佬點睇都唔會同曼城搶控球，拍定兩架大巴再加神龍，一下反防或者死球轟炸得手，領先8分變5分，再加上特登派二線換黎既一敗就變得無乜價值。對士氣既打擊就更加估唔到。
不過哥帥係哥帥，摩佬係摩佬，次次鬥法都係咁，如果唔係邊有咁多好波睇。
只係有時會覺得，悅目同冠軍只可以二㨂一，㨂悅目係咪真係值得呢。