[香港美食] 嚐味星洲 @ 翠韻軒 (尖沙咀)

喜愛新加坡菜朋友，機會來喇，最近出席了美心主辦既一個晚宴，原來是介紹美心中菜期間限定既「嚐味星洲」推廣，是次更邀得 新加坡 名廚 張偉忠師傅 出任客席大廚，看來盛意十足!

頭盤先有 大巴窯鹵豬手 和 芽籠鹵豬粉腸，前者挺入味的，並有大量骨膠原，是女生恩物，後者則挺爽口彈牙，味道不俗


接下來是人氣的 肉鬆黃金脆魚皮，師傅特別加入富鹹香的鹹蛋粒和肉鬆來炒，令魚皮更香口，味道層次更豐富


鴛鴦蒜黑豚肉骨茶 ，口味經師傅調配過以迎合港人口味，胡椒味不重，用上較名貴的黑豚肉，所以飲湯之餘亦不能錯過肉排喔~


是日亮點為這味 獅城甘香蟹，用上菲律賓大肉蟹，配以特調的 甘香醬，此醬料由師傅加入大量香料，包括炸蝦米等再用超過一個半小時「推」出來的，鮮香辣俱全，配上香嫩肉蟹，一級棒!!!


經典的 新加坡麥皮蝦 怎能錯過，以金絲麥皮牛油來炒，「金絲」以蛋汁以慢火快炒而成，所以會帶一點蛋香，蝦肉爽甜，不錯吃

賣相挺特別的有 星洲海南雞飯，雞肉尚算嫩滑，配以三色醬，特別之處在於雞飯以珍珠米及雞湯煮成，並以球形上枱，玩味十足~


比利十分喜歡這味 亞參咖喱龍躉球，亞參即羅望子，混入咖喱更惹味及富有層次感，魚肉嫩滑，沾上咖喱汁後味道迴異，茄子不可不試，盡吸咖喱等醬汁之精華!


甜品前，再來一碗 地道檳城蝦麵，湯底濃郁，特別加入了紫薑蝦米等，極富蝦鮮香味，用上粗身麵條伴吃

甜品當然富星州特色，斑蘭椰汁糕 以斑蘭葉製作，再加入糯米和椰漿，與坊間吃到的不盡相同


而最期待的還有 榴槤凍布甸，以貓山王製作，較重奶味，中和一點榴槤的濃烈的味道，質感非常香滑，值得一試!
很飽滿的一餐! 「嚐味星洲」系列尚有其他菜式的，並由即日起供應至9月14日，詳情就去美心網頁睇睇喇

地址: 尖沙咀梳士巴利道10號文化中心餐廳大樓1-2樓
電話: 2722 0932
食物: 7/10
環境: 7/10
服務: 7/10
價錢: 7/10

推介指數: 70/100