[香港美食] 友緣再聚「怡東軒」@ 怡東軒 (怡東酒店丨銅鑼灣)

近日食圈話題都離不開即將結業既 怡東酒店，這屹立銅鑼灣46載既酒店，為不少香港人記載着美好回憶，而酒店內的米芝蓮中菜廳 怡東軒 更令不少食友依依不捨，這晚來到，「友」緣再會......

頭盤，來一客趣緻的 盆栽小蘿蔔，醒目的食友都估到其真正身份是鹹水角，蘿蔔皮鬆脆可口，餡料亦不過鹹，真是睇得又食得


有樣東東差不多每次中菜也不可少，手揼叉燒，肥瘦度恰到好處，肉鬆軟蜜甜，一口一件的份量實在討好，高質!

來怡東軒，一定要飲湯呀! 這晚來一盅滋補的 松茸榆耳黃耳燉雪蓮子，用松茸、榆耳和雪蓮子等燉製而成，湯頭清香撲鼻，滋潤無比，女生喝後有養顏之效


去過怡東軒的朋友定必試過這裡既金魚餃，不過今晚就品嚐另一道 玉鱗魚躍逐金波，這道曾獲香港旅發局「美食之最大賞---至高榮譽金獎」的名菜，簡直可用美如畫來形容，有可愛的魚肉餃、「五指山」則是羊肚菌、亦有製成瀑布的蟹黃蛋黃海膽和製成川河的菜汁蒸蛋，將一幅立體畫放落肚感覺如何? 真係要試過才知!


再來另一道名菜 - 古法酒香鹽焗雞，要預早一日預訂，大廚先炒熱粗鹽，再用之醃製雞隻並置於約 220 度中焗熟，侍者於客人面前將鹽焗雞解體，芳香撲鼻，雞件皮香肉嫩又香濃，鹹度適中！


記得要廚房留下雞汁，既可拌飯又可撈米粉，令大家吃不停口! 每晚只供應兩隻，想吃的朋友知點做喇


盡吸雞油後，來一道 雞湯野生雲耳煮萬壽果 中和一下，鮮雞湯非常清新，木瓜肉又軟糯香甜，配合非常健康有益的雲耳，實在好吃

單尾是 醬油和牛崧炒飯，飯粒晶瑩，每粒也沾滿牛油香，用料十足，每口也吃到和牛粒，是味蕾的極至享受


甜品環節，有比利至愛的 懷舊栗子西米焗布甸，甜品焗得香身撲鼻，中間則是軟稔的栗蓉，去一點甜膩感，超滿足

此情此景，以 天下無不散之筵席 實在很貼切，怡東軒，友緣再會!

地址: 銅鑼灣告士打道281號香港怡東酒店2樓
電話: 2837 6790

食物: 9/10
環境: 8/10
服務: 9/10
價錢: 7/10

推介指數: 84/100