MK又點？網民稱馮盈盈可能係下一個DO姐

2018年香港小姐已經完滿結束，今屆參選佳麗的質素平均算是高質，而最後的結果也大路，令大家心服口服，今屆港姐司儀組合與往年有少少變化，雖然沒有了曾志偉，但就有Do姐做領軍，帶著農夫二人、陸浩明、麥明詩和馮盈盈等人做司儀，陣容也算是吸睛。而麥明詩和馮盈盈作為港姐前輩，雖然有主持開《後生仔傾下計》的清談節目，不過主持大show還是第一次，難免會緊張，但整個賽事完結之後，網民就激讚馮盈盈的表現非常優秀，令他們眼前一亮。麥明詩和馮盈盈其實不是主要負責Mc，只是在問答環節作補充，講到泳裝問答環節，馮盈盈的機智和轉數完美打圓場。在11號李明芙（Samantha）出場時，麥明詩負責問問題，問到關於公平的問題：「香港小姐得女仔可以參加會唔會唔公平？」起初Samantha都答到問題，但其後麥明詩追問：「如果邊個佳麗當選咗你會覺得唔公平？」Samantha開始支吾以對，流露出尷尬嘅神情。Dodo姐見到Samantha面有難色，就馬上說：「唔洗逼住揀一個㗎。唔一定唔公平㗎嘛。」不過麥明詩當下就「get唔到」Do姐是給落台階Samantha，反而向Do姐講：「Dodo姐咁nice嘅，我覺得好唔公平呀！我之前參選都冇咁樣…」隨即Do姐話麥明詩：「仲想點呀！你係香港小姐嚟㗎嘛！」結果窒到麥明詩只識得尷尬笑，但就令全場歡呼！
而馮盈盈看見麥明詩如此尷尬，就馬上補一句「係呀，所以好收聲啦！如果唔係被話唔公平。」成功打圓場，真的很叻女呀！更有網民力捧她做Do姐接班人，向專業主持人的路進發！對於網民的讚賞，馮盈盈也有在社交網絡上回應，提到自己由參選港姐到卸任，再有幸成為港姐司儀之一，感覺一切好神奇，還感謝Do姐在台前不斷為他們打圓場同主持大局。
一眾出爐港姐到《後生仔傾下計》開live清談，馮盈盈馬上就變回那個說話跳制、high爆的她，主持風格完美轉換自如呀，連季軍丁子田也也認不住大讚她說話叻、轉數快，還表示自己都自愧不如。


相比起平日在《後生仔傾下計》經常講黃色話題，說話語出驚人的表演，馮盈盈說話是識分場合，在大場面的表現非常得體呀！
（圖片來源：網絡、TVB、馮盈盈IG）