朝聖世界盃！
2018俄羅斯世界盃終於曲終人散，結果法國於決賽成功以4比2取勝，第二次勇奪世界盃冠軍！綜觀整屆世界盃賽事，話題性十足，新加入VAR元素，感覺上被判罰十二碼既次數比以往多。此外，亦有好多絕殺既場面出現，縱使有部分傳統強隊提早畢業或未能晉身決賽週，都無減今屆世界盃既可觀性。
能夠到現場親身觀看世界盃足球賽，相信係每一位球迷既夢想。而小編十分有幸地終於能夠於今屆世界盃完夢，睇左兩場16強賽事，分別係法國對阿根廷及克羅地亞對丹麥！
法國對阿根廷
C組首名對D組次名
地點：喀山體育場 (Kazan Arena)
喀山 (Kazan)： 俄羅斯其中一個發展規模較大既城市，去俄羅斯旅行，普遍主要去莫斯科同聖彼得堡兩大城市。但其實喀山都十分值得一去，市內有唔少歷史遺跡建設，適合鍾意睇風景既朋友。由克里姆林宮延伸出去有條步行街，兩旁有不同既餐廳及酒吧，行到攰又可以坐底飲番杯，都幾寫意！
《喀山克里姆林宮》
《步行街》
球場方面，喀山體育場係俄超球隊喀山鲁賓(Rubin Kazan)既主場，球場落成時間唔耐，係一座新式同現代化既體育場館。除左足球比賽外，亦都舉辦過世界游泳錦標賽。至於配套方面亦做得十分好，不論坐巴士或鐵路都輕鬆到達。係一個值得朝聖既場館！
《喀山體育場 (Kazan Arena)》
《場內景色》
買波飛時係上年11月既事，由於當時世界盃分組仲未抽籤，所以根本未知對賽，及後全靠盧祖 (Marcos Rojo)係對尼日尼亞最後個場分組賽於 86分鐘射入致勝入球，保住阿根廷係D組以次名出線，從而促成左16強法國對阿根廷尼場大戰！
比賽過程唔洗多講，相信係咁多場16強賽事中數一數二精彩！現場方面一面倒係支持阿根廷既球迷，上半場尾段迪馬利亞 (Di María) 射入世界波追和時，球場氣氛已經達至臨界點，當下半場開頭反勝2比1時，更加進入到瘋狂既狀態。但奈何，法國隊始終技勝一籌，最終已4比3取勝晉級！
https://youtu.be/cvNPkNaTR-M《阿根廷領先2比1後》
阿根廷出局，意味住當代球皇美斯 (Messi)既世界盃夢又遠左一大步，要奪得世界盃，除左要靠自己本身外，好多時候都要靠際遇。有人會將佢同馬勒當拿 (Maradona) 去比，話佢唔夠馬勒當拿 (Maradona) 係因為佢始終都未能夠幫阿根廷拎世界盃冠軍。但對小編黎講，美斯 (Messi) 足球生涯份 CV，已經足以證明佢係當代球皇有餘，唔需要其他人去比亦唔需要世界盃冠軍去證明！
《當代球皇 - 美斯》
克羅地亞對丹麥
C組次名對D組首名
地點：下諾夫哥羅德體育場 (Nizhny Novgorod Stadium)
下諾夫哥羅德(Nizhny Novgorod) ： 位於莫斯科同喀山中間既一個城市，若非今屆世界盃，相信對尼座城市都感到十分陌生，去旅行亦都唔會特登黎尼個城市。遊覽後覺得尼個城市仲係一個發展中既城市，係俄羅斯黎講應該算係二線城市，你唔會見到好多繁華既景象，但二線城市往往都有佢獨特既氣息，搵唔到繁華城市個種熱鬧，反而會保留住一種簡樸既美，對鍾意寧靜深度遊既旅客，會係一個唔錯既地方！《市內叮叮》
《市集地攤》
球場方面，俄羅斯政府為配合2018世界盃賽事既舉行而專登興建，於2018年竣工，應該係其中一座最新既世界盃球場，設計充滿時代感，座落係伏加河河畔，令到整個伏加河景色增添左唔少美感！《伏加河景色》
《下諾夫哥羅德體育場 (Nizhny Novgorod Stadium)》
《場內景色》
克羅地亞同丹麥本身兩隊並唔係足球大國，睇落應該係一場戲碼唔係咁高既16強賽事。但非也，當小編知道尼場比賽既戲碼時，反而十分期待。心水清既球迷應該會知道，尼場正正係熱刺新舊中場既對決！艾歷臣（Eriksson）對摩迪 (Modrić)。結果係由摩迪 (Modrić)領軍既克羅地亞勝出！當今屆世界盃舉行前，大家既眼光都放晒係擁有黃金中場既比利時。但其實，克羅地亞條中場線亦都可以用黃金黎形容，你有夏薩特 (Hazard) 同迪布尼 (De Bruyne)，我有摩迪 (Modrić)同拉傑迪 (Rakitić)。加上下線較著數既情況下，克羅地亞最終順利能夠殺入今屆世界盃既決賽！
世界盃有感
世界盃，四年一屆既全球盛事，對小編黎講，意義已經超出左運動本身。每個比賽國家都有國民不理艱辛、千里迢迢、攀山涉水去到現場為自己國家打氣。當你去到球賽舉辦城市，經過大街小巷，不同球迷黎自不同國家都會主動同你HI FIVE擊掌。你會反問自己點解一項足球比賽會吸引到咁多球迷，個份凝聚力，連平日對足球冷感既人都會熱情起黎，係愛？定係責任？係魔力呀！係足球既魔力呀 xyz！小編十分有幸能夠親身感受世界盃帶來既氣氛，但同時間亦感受到一份落寞，皆因每當有外國球迷見到黎至亞洲既面孔，第一句都會問Are you from Japan ? Or Korea ? 我就會答 Sorry, I am from Hong Kong. 然後部分外國球迷就會有一份疑惑既面孔出現。我都好想可以親身支持自己地方既球隊出戰世界盃決賽週，但奈何短時間內同可見既將來都應該幾難。加油呀香港隊，若果能夠係有生之年親身現場支持香港隊出戰世界盃決賽週，可以話死而無憾！[b]《克羅地亞球迷》
《法國球迷》
《阿根廷球迷》
能夠到現場親身觀看世界盃足球賽，相信係每一位球迷既夢想。而小編十分有幸地終於能夠於今屆世界盃完夢，睇左兩場16強賽事，分別係法國對阿根廷及克羅地亞對丹麥！
法國對阿根廷
C組首名對D組次名
地點：喀山體育場 (Kazan Arena)
喀山 (Kazan)： 俄羅斯其中一個發展規模較大既城市，去俄羅斯旅行，普遍主要去莫斯科同聖彼得堡兩大城市。但其實喀山都十分值得一去，市內有唔少歷史遺跡建設，適合鍾意睇風景既朋友。由克里姆林宮延伸出去有條步行街，兩旁有不同既餐廳及酒吧，行到攰又可以坐底飲番杯，都幾寫意！
《喀山克里姆林宮》
《步行街》
球場方面，喀山體育場係俄超球隊喀山鲁賓(Rubin Kazan)既主場，球場落成時間唔耐，係一座新式同現代化既體育場館。除左足球比賽外，亦都舉辦過世界游泳錦標賽。至於配套方面亦做得十分好，不論坐巴士或鐵路都輕鬆到達。係一個值得朝聖既場館！
《喀山體育場 (Kazan Arena)》
《場內景色》
買波飛時係上年11月既事，由於當時世界盃分組仲未抽籤，所以根本未知對賽，及後全靠盧祖 (Marcos Rojo)係對尼日尼亞最後個場分組賽於 86分鐘射入致勝入球，保住阿根廷係D組以次名出線，從而促成左16強法國對阿根廷尼場大戰！
比賽過程唔洗多講，相信係咁多場16強賽事中數一數二精彩！現場方面一面倒係支持阿根廷既球迷，上半場尾段迪馬利亞 (Di María) 射入世界波追和時，球場氣氛已經達至臨界點，當下半場開頭反勝2比1時，更加進入到瘋狂既狀態。但奈何，法國隊始終技勝一籌，最終已4比3取勝晉級！
https://youtu.be/cvNPkNaTR-M《阿根廷領先2比1後》
阿根廷出局，意味住當代球皇美斯 (Messi)既世界盃夢又遠左一大步，要奪得世界盃，除左要靠自己本身外，好多時候都要靠際遇。有人會將佢同馬勒當拿 (Maradona) 去比，話佢唔夠馬勒當拿 (Maradona) 係因為佢始終都未能夠幫阿根廷拎世界盃冠軍。但對小編黎講，美斯 (Messi) 足球生涯份 CV，已經足以證明佢係當代球皇有餘，唔需要其他人去比亦唔需要世界盃冠軍去證明！
《當代球皇 - 美斯》
克羅地亞對丹麥
C組次名對D組首名
地點：下諾夫哥羅德體育場 (Nizhny Novgorod Stadium)
下諾夫哥羅德(Nizhny Novgorod) ： 位於莫斯科同喀山中間既一個城市，若非今屆世界盃，相信對尼座城市都感到十分陌生，去旅行亦都唔會特登黎尼個城市。遊覽後覺得尼個城市仲係一個發展中既城市，係俄羅斯黎講應該算係二線城市，你唔會見到好多繁華既景象，但二線城市往往都有佢獨特既氣息，搵唔到繁華城市個種熱鬧，反而會保留住一種簡樸既美，對鍾意寧靜深度遊既旅客，會係一個唔錯既地方！《市內叮叮》
《市集地攤》
球場方面，俄羅斯政府為配合2018世界盃賽事既舉行而專登興建，於2018年竣工，應該係其中一座最新既世界盃球場，設計充滿時代感，座落係伏加河河畔，令到整個伏加河景色增添左唔少美感！《伏加河景色》
《下諾夫哥羅德體育場 (Nizhny Novgorod Stadium)》
《場內景色》
克羅地亞同丹麥本身兩隊並唔係足球大國，睇落應該係一場戲碼唔係咁高既16強賽事。但非也，當小編知道尼場比賽既戲碼時，反而十分期待。心水清既球迷應該會知道，尼場正正係熱刺新舊中場既對決！艾歷臣（Eriksson）對摩迪 (Modrić)。結果係由摩迪 (Modrić)領軍既克羅地亞勝出！當今屆世界盃舉行前，大家既眼光都放晒係擁有黃金中場既比利時。但其實，克羅地亞條中場線亦都可以用黃金黎形容，你有夏薩特 (Hazard) 同迪布尼 (De Bruyne)，我有摩迪 (Modrić)同拉傑迪 (Rakitić)。加上下線較著數既情況下，克羅地亞最終順利能夠殺入今屆世界盃既決賽！
世界盃有感
世界盃，四年一屆既全球盛事，對小編黎講，意義已經超出左運動本身。每個比賽國家都有國民不理艱辛、千里迢迢、攀山涉水去到現場為自己國家打氣。當你去到球賽舉辦城市，經過大街小巷，不同球迷黎自不同國家都會主動同你HI FIVE擊掌。你會反問自己點解一項足球比賽會吸引到咁多球迷，個份凝聚力，連平日對足球冷感既人都會熱情起黎，係愛？定係責任？係魔力呀！係足球既魔力呀 xyz！小編十分有幸能夠親身感受世界盃帶來既氣氛，但同時間亦感受到一份落寞，皆因每當有外國球迷見到黎至亞洲既面孔，第一句都會問Are you from Japan ? Or Korea ? 我就會答 Sorry, I am from Hong Kong. 然後部分外國球迷就會有一份疑惑既面孔出現。我都好想可以親身支持自己地方既球隊出戰世界盃決賽週，但奈何短時間內同可見既將來都應該幾難。加油呀香港隊，若果能夠係有生之年親身現場支持香港隊出戰世界盃決賽週，可以話死而無憾！[b]《克羅地亞球迷》
《法國球迷》
《阿根廷球迷》