生日飯。食乜
人人都有生日。係人都有嘅嘢就無乜獨特性。咁平凡無乜好講。但人類好醒，識得喺平凡中顯不平凡，所以有咗生活品味呢家嘢。好似人人都有嘅body，就靠著衫show taste; 人人都有嘅生日，就靠驚喜去show quali。
生日有乜搞作？有啲人好鬼緊張，請晒假由朝砌到晚; 有啲人就話無所謂，嗱！話咋！佢話佢無所謂就好好地，如果你都無所謂就即係代表你唔咩嘢佢，你唔咩嘢佢呢，你就隨時要付出一生都無可拯救的後悔。咁咩嘢究竟係咩嘢嚟嘅呢？咩嘢呢家嘢就好似家傳秘技一樣，只有知嘅人至知，甚至連嗰啲你以為佢知嘅人其實佢都只係扮知。所以，生日搞啲乜其實有好深谌嘅學問。
生日飯，可能係最基本。同干炒牛河一樣，越普通平凡越呃唔到人，越考品味。生日飯食乜好取決予生日嗰個係乜水，初會少見例見定常見，是羣戲定係獨脚，是短聚定係長租。今日主攻獨腳例見短中聚。呢種格鬥模式主要對手通常一般都係識咗一段唔短嘅日子，可以單獨相處每年特定情況例見，即係年年有今日嗰種呢。生日最常用，有時會係舊相識記念日、有缘無份分手日、初日夜吻見遇等等奇奇怪怪得你兩個至明啲係咩嘢嚟嫁嘅日子。又各有原因各有忙就最好短中聚。即係三至六個鐘嗰啲囉。呢類型生日飯食乜。
好多人會將重點放喺食乜嘢餐，
俄、埃、星、日、川、美、泰
印、法、京、韓
越、潮、粤、中、意
花多眼亂，擾亂視聽。搞到你驚晒，又唔知人哋鍾意食乜，又驚佢呢排食得多，厭咗！所以無論諗住食乜，一定要早啲約，咁就無咁易撞餐啦。
又或者放喺食乜款式，即係正常餐或者係其他花臣嘢，好似係打邊爐，爐端燒，自助餐，放题，燒烤，蒸籠塔，迴轉，又呢樣又嗰樣咁。
全部都係虚招，有破壞無建設，搞到都唔知出嚟為乜。想煮嘢食就返屋企啦。再唔係book個廚房玩煮飯仔吖笨！獨腳例見短中聚绝對無須搞呢啲花臣。成年無見大把嘢吹，仲搞呢搞路。熱完身就夠鐘散band啦。千祈唔好揾自己笨。
紥好個馬，出招！一出手就要入，係入晒個種。一攤就凍，一等就謝。所以揾有位book嘅地方，唔使等嘅地方 ，一入即坐，短中聚時間無多。再用排雲掌盡探虛實，搜索精劣濃淡貴賤多寡。要揾餐牌簡明易解，點餐輕鬆自在的地方。再嚟太極套路運走四方，亦徐亦疾，快慢有致。就係揾一間上餐速度適當，等你可以用最舒服嘅心情去享受美食同埋短中聚嘅時光。
獨腳例見短中聚最重是時間管理。全程得三幾個鐘，又耐無見，狀態是半熟未透似要翻撻。所以一出閘就係前戲，最多唔可以多過五份一時間，花嘅時間越多就越悶，就越生外。搞唔起情緒，之後啲嘢就唔容易。搞好前戲，之後交談時性就可以返番好似以前一樣，會好舒服好交心。收個尾要收得靚就要留住最少一個鐘，俾佢完整交待最後嗰個內容。咁就fit過London。
仲領會唔到，就用師傳教落嘅絕學，求其斷估就得嫁喇。所謂: 一切皆是命，半點不尤人。聚舊是本，食飯是形式。千祈唔好本末倒置。要揾返初心。Friend就點搞都得，唔Friend就…….當俾鬼壓囉。咁就可以做到「無壓聚餐」囉！花臣嘅嘢並唔係咁用㗎！唔信？咪試咗先講啦。
曾經有人講過: 人人都可以係食神，只要有心。
喂？咁即係食乜啫？我識條鐵咩？我又唔係close noodle。可能係食「老感」囉。乜唔係嘅咩？
生日有乜搞作？有啲人好鬼緊張，請晒假由朝砌到晚; 有啲人就話無所謂，嗱！話咋！佢話佢無所謂就好好地，如果你都無所謂就即係代表你唔咩嘢佢，你唔咩嘢佢呢，你就隨時要付出一生都無可拯救的後悔。咁咩嘢究竟係咩嘢嚟嘅呢？咩嘢呢家嘢就好似家傳秘技一樣，只有知嘅人至知，甚至連嗰啲你以為佢知嘅人其實佢都只係扮知。所以，生日搞啲乜其實有好深谌嘅學問。
生日飯，可能係最基本。同干炒牛河一樣，越普通平凡越呃唔到人，越考品味。生日飯食乜好取決予生日嗰個係乜水，初會少見例見定常見，是羣戲定係獨脚，是短聚定係長租。今日主攻獨腳例見短中聚。呢種格鬥模式主要對手通常一般都係識咗一段唔短嘅日子，可以單獨相處每年特定情況例見，即係年年有今日嗰種呢。生日最常用，有時會係舊相識記念日、有缘無份分手日、初日夜吻見遇等等奇奇怪怪得你兩個至明啲係咩嘢嚟嫁嘅日子。又各有原因各有忙就最好短中聚。即係三至六個鐘嗰啲囉。呢類型生日飯食乜。
好多人會將重點放喺食乜嘢餐，
俄、埃、星、日、川、美、泰
印、法、京、韓
越、潮、粤、中、意
花多眼亂，擾亂視聽。搞到你驚晒，又唔知人哋鍾意食乜，又驚佢呢排食得多，厭咗！所以無論諗住食乜，一定要早啲約，咁就無咁易撞餐啦。
又或者放喺食乜款式，即係正常餐或者係其他花臣嘢，好似係打邊爐，爐端燒，自助餐，放题，燒烤，蒸籠塔，迴轉，又呢樣又嗰樣咁。
全部都係虚招，有破壞無建設，搞到都唔知出嚟為乜。想煮嘢食就返屋企啦。再唔係book個廚房玩煮飯仔吖笨！獨腳例見短中聚绝對無須搞呢啲花臣。成年無見大把嘢吹，仲搞呢搞路。熱完身就夠鐘散band啦。千祈唔好揾自己笨。
紥好個馬，出招！一出手就要入，係入晒個種。一攤就凍，一等就謝。所以揾有位book嘅地方，唔使等嘅地方 ，一入即坐，短中聚時間無多。再用排雲掌盡探虛實，搜索精劣濃淡貴賤多寡。要揾餐牌簡明易解，點餐輕鬆自在的地方。再嚟太極套路運走四方，亦徐亦疾，快慢有致。就係揾一間上餐速度適當，等你可以用最舒服嘅心情去享受美食同埋短中聚嘅時光。
獨腳例見短中聚最重是時間管理。全程得三幾個鐘，又耐無見，狀態是半熟未透似要翻撻。所以一出閘就係前戲，最多唔可以多過五份一時間，花嘅時間越多就越悶，就越生外。搞唔起情緒，之後啲嘢就唔容易。搞好前戲，之後交談時性就可以返番好似以前一樣，會好舒服好交心。收個尾要收得靚就要留住最少一個鐘，俾佢完整交待最後嗰個內容。咁就fit過London。
仲領會唔到，就用師傳教落嘅絕學，求其斷估就得嫁喇。所謂: 一切皆是命，半點不尤人。聚舊是本，食飯是形式。千祈唔好本末倒置。要揾返初心。Friend就點搞都得，唔Friend就…….當俾鬼壓囉。咁就可以做到「無壓聚餐」囉！花臣嘅嘢並唔係咁用㗎！唔信？咪試咗先講啦。
曾經有人講過: 人人都可以係食神，只要有心。
喂？咁即係食乜啫？我識條鐵咩？我又唔係close noodle。可能係食「老感」囉。乜唔係嘅咩？