上班達人 - 異人無數
有人講過 : 成世人溜溜長，總會遇到幾個人渣。
其中一個人渣有百份之五十機會係你老细。其餘百份之五十機會係你老细個老细。[人之初，性本善]呢個由哲學難題進化到現今成為生物基因改造嘅研究方案都未能揾到令人滿意嘅結論。所以，人渣係自有永有？定係由行為性經驗變異出嚟喇？透過一啲個案，我哋由呢一點出發，希望揾到人渣點諗嘢，點能解釋佢嘅存在，從而揾到同人渣共享並存嘅空間 (co-working space) (呢個英文term講明同人渣一齊做嘢嘅地方原來喺外太空)。究竟，人渣本身係賤人，定係好人做賤嘢變人渣，還是好人俾賤人迫佢做埋啲賤嘢變人渣，又會唔會係啲好人見到啲賤人做賤嘢反而有運行就學做人渣，抑或啲好人俾啲賤人搞到自己都變成人渣就想迫其他好人做賤嘢都變埋人渣，可能啲賤人見到啲好人俾佢迫做賤嘢個死樣會零舍興奮而樂做人渣。我哋一齊出發！
類型一 : 如果你有料就你企係度插我，晤係我企係度插你啦。仲要駁咀！死蠢！
呢個個案係講一個可能係廚師既下屬，唔跟佢老细指示做仲想搏出位。呢個就係佢老細俾佢嘅工作評估。個案關於個老细認為自己比下屬有料，又忍受唔到被駁咀。其實佢係好人嚟㗎，佢之所以成為人渣其實係因為你哋迫佢。係你哋無料扮四條，插你係袋錢入你袋。你哋唔識講多謝仲要駁咀，所以佢唯有起勢用力狂插，連一mm都入晒。死蠢！呢啲人渣根本當你係一碌濕度百分之一百二十嘅廢柴。試問一條濕柴就算俾火燒佢一係就燒唔著，就算燒得著都只會係支支聲。偏偏你又唔答「知知知」又唔保持緘默，仲答「唔係…..其實…..我以為…..」呀嗰啲濕柴唔應該發出嘅聲音。呢類人渣最怕你唔回應，你死魚咁佢就無新嘅燃料再燒呢條廢柴。
類型二 : 你睇吓，講講下走咗去幾無禮貌！
情景係一個大會議室。受害人係一個資深專業人仕合顆人。個老細明知佢用專業法一定唔夠打，所以佢用咗特權法。即係俾咗少少錢咁唔識就大晒嘞。先嚟一記我識就唔洗請你啦，請得你嚟，你呢樣唔得，嗰樣又做唔到……無非收唔夠錢……最後受害人尊嚴落地更袋埋雙親返工……力頂十九幾分鐘後，终於爆咗。拋出一句 : 老细，係，我出去做埋啲嘢俾你。老细追插 : 錢就識收…… 受害人還拖: 唔講錢， 我先出去做嘢。頭也不回就走咗出去。個老细用上面嗰句說話收咗個尾嘞。
啲人渣自己無料又唔認，錢又唔想俾，以為得佢一個有阿媽生，其他人的母親都俾佢跪安晒。用惡去掩飾佢嘅自卑同埋無能。等無人敢挑戰佢。其實佢好可憐，因為好驚俾人知道佢無料，又驚自己俾人揾笨，更驚既是俾佢老豆鬧。無錯，呢啲就係富二代老细嘅典型。
其實呢類老细本身都無諗過要變成人渣，只不過佢好唔好彩，佢老豆或者佢老母成功挑戰命運，建立咗一個不單只係成功直頭係好成功嘅企業。佢哋付出努力同汗水，百折不撓，由無到有，再由有到富有，當中人生高高低低，克服重重困難嘅經歷直情可以出本書。咁你呢？講緊你呀富二代！一出世啲困難就俾你個運籌唯握嘅老豆搞掂威晒。嗰啲正常困難，即係嗰啲透過自己思考，努力就可以超越嘅難關呀。都唔輪到你去搞。試問咁你又點可以累積信心，建立威信呢。到你滿懷熱血想做好件事，你個老總又揾班開國功臣幫倒你。
無錯，係幫「倒」你，考驗你，製造啲𡃤嘢機會俾你。因為你天生就係斯人，所以必先苦其心志，勞其筋骨，餓其體膚，空乏其身，行拂亂其所為，所以動心忍性，曾益其所不能。人恒過，然後能改……死未？成段嘢嘅簡議係 : 不斷跣你，搞到你𡃤晒嘢，做乜都係錯，咁錯得多咪識改，改得到咪做到人上人囉。大佬呀。你估個個都係超人咩？成班老海鮮加埋撈咗幾百年，你一條乜乜都唔識嘅鼻涕蟲，每日都怕俾人跣俾人揾笨又唔敢問怕俾老總鬧蠢。去到段嘢前五句已經俾人收咗皮做咗紙板廢人啦，仲話做人上人。日日俾啲人用啲而得你死唧眼光望住你，好似話緊你係二世祖呀，廢柴呀咁。繼續詐儍扮勁偷生到都已經偷笑啦。活係啲咁唔係人嘅陰影之下，有乜法子唔性格扭曲再扭曲再扭曲咁扭下扭下變咗人渣吖。
曾經有人話過 : 點解係我問，唔係你哋問呀！點解我老豆唔係李+X......
但我又聽過另一句說話 : 喂，你唔happy可以辭職; 佢無得走...…
點呀？係咪舒服咗啲呀？覺得自己都唔係咁慘啫。慘得過人渣老细？氹下自己啦各位。
其中一個人渣有百份之五十機會係你老细。其餘百份之五十機會係你老细個老细。[人之初，性本善]呢個由哲學難題進化到現今成為生物基因改造嘅研究方案都未能揾到令人滿意嘅結論。所以，人渣係自有永有？定係由行為性經驗變異出嚟喇？透過一啲個案，我哋由呢一點出發，希望揾到人渣點諗嘢，點能解釋佢嘅存在，從而揾到同人渣共享並存嘅空間 (co-working space) (呢個英文term講明同人渣一齊做嘢嘅地方原來喺外太空)。究竟，人渣本身係賤人，定係好人做賤嘢變人渣，還是好人俾賤人迫佢做埋啲賤嘢變人渣，又會唔會係啲好人見到啲賤人做賤嘢反而有運行就學做人渣，抑或啲好人俾啲賤人搞到自己都變成人渣就想迫其他好人做賤嘢都變埋人渣，可能啲賤人見到啲好人俾佢迫做賤嘢個死樣會零舍興奮而樂做人渣。我哋一齊出發！
類型一 : 如果你有料就你企係度插我，晤係我企係度插你啦。仲要駁咀！死蠢！
呢個個案係講一個可能係廚師既下屬，唔跟佢老细指示做仲想搏出位。呢個就係佢老細俾佢嘅工作評估。個案關於個老细認為自己比下屬有料，又忍受唔到被駁咀。其實佢係好人嚟㗎，佢之所以成為人渣其實係因為你哋迫佢。係你哋無料扮四條，插你係袋錢入你袋。你哋唔識講多謝仲要駁咀，所以佢唯有起勢用力狂插，連一mm都入晒。死蠢！呢啲人渣根本當你係一碌濕度百分之一百二十嘅廢柴。試問一條濕柴就算俾火燒佢一係就燒唔著，就算燒得著都只會係支支聲。偏偏你又唔答「知知知」又唔保持緘默，仲答「唔係…..其實…..我以為…..」呀嗰啲濕柴唔應該發出嘅聲音。呢類人渣最怕你唔回應，你死魚咁佢就無新嘅燃料再燒呢條廢柴。
類型二 : 你睇吓，講講下走咗去幾無禮貌！
情景係一個大會議室。受害人係一個資深專業人仕合顆人。個老細明知佢用專業法一定唔夠打，所以佢用咗特權法。即係俾咗少少錢咁唔識就大晒嘞。先嚟一記我識就唔洗請你啦，請得你嚟，你呢樣唔得，嗰樣又做唔到……無非收唔夠錢……最後受害人尊嚴落地更袋埋雙親返工……力頂十九幾分鐘後，终於爆咗。拋出一句 : 老细，係，我出去做埋啲嘢俾你。老细追插 : 錢就識收…… 受害人還拖: 唔講錢， 我先出去做嘢。頭也不回就走咗出去。個老细用上面嗰句說話收咗個尾嘞。
啲人渣自己無料又唔認，錢又唔想俾，以為得佢一個有阿媽生，其他人的母親都俾佢跪安晒。用惡去掩飾佢嘅自卑同埋無能。等無人敢挑戰佢。其實佢好可憐，因為好驚俾人知道佢無料，又驚自己俾人揾笨，更驚既是俾佢老豆鬧。無錯，呢啲就係富二代老细嘅典型。
其實呢類老细本身都無諗過要變成人渣，只不過佢好唔好彩，佢老豆或者佢老母成功挑戰命運，建立咗一個不單只係成功直頭係好成功嘅企業。佢哋付出努力同汗水，百折不撓，由無到有，再由有到富有，當中人生高高低低，克服重重困難嘅經歷直情可以出本書。咁你呢？講緊你呀富二代！一出世啲困難就俾你個運籌唯握嘅老豆搞掂威晒。嗰啲正常困難，即係嗰啲透過自己思考，努力就可以超越嘅難關呀。都唔輪到你去搞。試問咁你又點可以累積信心，建立威信呢。到你滿懷熱血想做好件事，你個老總又揾班開國功臣幫倒你。
無錯，係幫「倒」你，考驗你，製造啲𡃤嘢機會俾你。因為你天生就係斯人，所以必先苦其心志，勞其筋骨，餓其體膚，空乏其身，行拂亂其所為，所以動心忍性，曾益其所不能。人恒過，然後能改……死未？成段嘢嘅簡議係 : 不斷跣你，搞到你𡃤晒嘢，做乜都係錯，咁錯得多咪識改，改得到咪做到人上人囉。大佬呀。你估個個都係超人咩？成班老海鮮加埋撈咗幾百年，你一條乜乜都唔識嘅鼻涕蟲，每日都怕俾人跣俾人揾笨又唔敢問怕俾老總鬧蠢。去到段嘢前五句已經俾人收咗皮做咗紙板廢人啦，仲話做人上人。日日俾啲人用啲而得你死唧眼光望住你，好似話緊你係二世祖呀，廢柴呀咁。繼續詐儍扮勁偷生到都已經偷笑啦。活係啲咁唔係人嘅陰影之下，有乜法子唔性格扭曲再扭曲再扭曲咁扭下扭下變咗人渣吖。
曾經有人話過 : 點解係我問，唔係你哋問呀！點解我老豆唔係李+X......
但我又聽過另一句說話 : 喂，你唔happy可以辭職; 佢無得走...…
點呀？係咪舒服咗啲呀？覺得自己都唔係咁慘啫。慘得過人渣老细？氹下自己啦各位。