望住電視等待嘅自由 – 向暴力說「畢」

望住電視等待嘅自由 – 向暴力說「畢」
又一個望著電視等待嘅晚上。

今次唔係追嚟追去，又唔係TG放題，更加唔係不對等暴力。今次係向暴力說「畢」。向政府暴力說「畢」，向政治暴力說「畢」，向成為政府犧牲品嘅過份暴力使用者說「畢」，向成為被政府強迫利用的過份暴力使用者說「畢」。呢個「畢」係完畢個「畢」。令所有不義完畢。

仲享有緊自由資格嘅四百幾萬選民中; 有二百九十幾萬人係自願上枱又或者俾人擺上枱咁走咗出嚟投票; 其中又有百幾二百萬人慌死有今生無來世咁借咗今日呢個投一次少一次嘅自由公投機會對現今社會不平作出站台。本來呢個選舉係講下巴士站搬位呀，加多個公園仔呀，咁呀嗰啲細眉細眼嘢。不過，正正係咁，一人一票喺呢種咁貼地嘅選舉發揮咗最能表達民意民心嘅作用。


民心清楚表達咗:
對只顧個人利益嘅政棍不滿，好似姓何呀，姓麥呀，姓周呀，姓鄭呀嗰班鞋童咁;
對政府最近嘅所作所為不滿;
對被政府迫做打手嘅單位不滿;
對為自由而抗爭嘅每一個生命痛心，嚎哭，吼叫……

你聽到未呀？你話過政府係唔會做傷害市民嘅工作。咁你就做民心所向嘅工作啦。俾自己一個機會，唔好再令人傷心啦。

慶幸今日仍有睇住電視等待嘅自由，今日等到嘅係對自由價值嘅呐喊，對爭取自由嘅每一個生命嘅嚎哭……