我有個朋友係做設計嘅
我有個朋友係做設計嘅
設計呢樣嘢，我識條鐵咩！但係喺嗰個時代呢個地方，做設計嘅都係好型，做廣告設計直情係天之嬌子，最有腦最醒嘅最潮嘅都去晒做廣告設計，見到佢咁有型，我都試個想轉行做廣告，揾佢一齊度張CV，我出橋，佢出Artwork。最後，成張A4紙白雪雪，剩係喺正中間有幾粒细英文字寫咗我嘅英譯中文名。結果……得到好多interview嘅機會，更好彩嘅係……設計公司又好，廣告公司又好，雜誌公司又好，無一間請我，如果唔係宜家可能揸緊兜。無天份就係無天份……無得挾硬嚟……雖然係咁，我仲可以成日同人講……我個朋友係做廣告設計嘅。
呢個朋友細細個就對Arts好上心，畫公仔呀做手工搞絲網印刷乜都玩得好好。我第一件自己做絲網印嘅T恤都係佢幫我救返嘅。佢連會考都自己報多科Arts，佢對Arts嘅認定同追求可能連佢自己都唔知道可以去到咁盡，我有個朋友會考Arts係攞A嘅。
好多人中學那些年嘅時代都係渾渾噩噩九流流，以宜家嘅說法就係宅男廢青，去到一個程度連Pop Music都唔知係乜。我之所以愛上幾段情歌，鍾意咗唱海市蜃樓嗰個咁有品味嘅二撇鷄歌手都係因為佢肯借盒cassette 俾我，無錯，係cassette 。我一生人第一次去紅館，喺嗰個年代唔係去睇演唱會，竟然係去睇香港管絃樂團演奏披頭四，幾有taste？就係佢帶我哋去㗎嘞，$20學生飛。我有個朋好有taste。
中學時代，由於行緊十年衰運，年年都係掹車邊緊緊升到班。嗰一年流年運好，有貴人扶持，佢係其中一個貴人，佢教我physics，結果我70分，佢就……71分，連佢自己都話好彩佢仲可以高過我1分……我有個朋友教過我Physics。
對Arts有追求嘅人，好多時都胆拖藝術家性格。乜嘢係藝術家性格呢？簡單嚟講就係成日都會袋住鍾意……唔鍾意……，我覺得……乜你唔覺得咩……好正……有feel……無乜feel……有啲嘢喎……呢啲咁嘅所謂理據話俾你聽佢點解咁咁咁…….其實佢哋可能都好enjoy呢種無任何原因就鍾意唔鍾意嘅態度同埋取向……有時都真係好有型，可能因為夠離地啦。不過，呢種離地其實好奢侈，因為要佢哋compromise大家都要付出好大代價。舉個例，去大排檔打邊爐，如果佢想食龍蝦刺身，但又無龍蝦刺身嘅話……佢會揀情願唔食，然後自己隊啤……但你又唔使點理佢㗎喎，佢只係想做佢自己想做嘅嘢。我有個好型嘅朋友。
人生總有高低，時代亦天天在變。佢哋呢啲本來走喺前面做創作嘅人，都會有俾更新嘅嘢趕過頭嘅時侯。要佢哋由過去嘅光輝走出嚟，我哋呢啲凡人根本無能力感受到佢哋被無奈煎熬折騰嘅痛苦，反反覆覆compromise嘅代價可能係十幾二十年嘅掙扎直至接受再去到沉澱……我有個去到另一個境界嘅朋友。
有人曾經講過，你同佢friend係因為咁你就會覺得自己好啲。就好似喺男人四十裏頭，我係張學友，佢係葛民輝咁。其實真正大部分時候我係葛民輝，佢係張學友先啱。潮流文化，聽歌睇戲我全部睇佢頭，面嗰沾就唔在講，心入面我覺得我做到佢個friend，我真係好光榮。佢成日會話我好醒，睇啲嘢好通，我知佢係真心嘅。但係其實好多嘢我都係喺佢度先知道，佢inspire咗我好多唔同方面嘅嘢，擴闊咗我好多眼光，好多時我甚至為咗超越佢或者唔想令佢失望，又或者可以繼續喺嗰樣同佢吹水，我會好努力咁想去了解嗰啲嘢。我有一個令我好有光榮感嘅朋友。
做得朋友就總有兩句，希望朋友好，話有時盡咗，就算知道係想為朋友好，但下下用呢套都未必個個都受，「為你好」呢句嘢唔係大晒嘅，我一生受用！原來一路以為係我提醒緊佢，其實從來都係佢一直點醒緊我。佢對我嘅包容去到一個程度連我自己對自己都做唔到……呢啲係唔係就係做兄弟，唔使講嘢？有今生，無來世，我有一個用佢自己嘅方式點醒我嘅朋友。
佢好易就可以令到自己好開心，打舖靚機，入個靚波，食舖靚牌，娶個乖老婆，揀中隻靚股，飲杯酒，摇舖靚骰，開個靚大話，食支煙，睇場戲，放下狗，講下黃子華，笑下周星馳，評下王家偉，上下網，睇個靚ad，吹下水，妖下天下事，任由佢自己一個……佢都可以好開心，好滿足咁面露笑容，就係咁簡單。所以由細到大好多人都想親近佢，甚至有女同學同我講，佢哋圍內都有講做佢女朋友應該都會好幸福。其實，同佢做朋友從來都係好舒服好自在，一啲壓力都無……我有一個同佢一齊就可以好自在嘅朋友。
世事無常，話走就走，從前以後種種點滴，見面再講……
See you again……
設計呢樣嘢，我識條鐵咩！但係喺嗰個時代呢個地方，做設計嘅都係好型，做廣告設計直情係天之嬌子，最有腦最醒嘅最潮嘅都去晒做廣告設計，見到佢咁有型，我都試個想轉行做廣告，揾佢一齊度張CV，我出橋，佢出Artwork。最後，成張A4紙白雪雪，剩係喺正中間有幾粒细英文字寫咗我嘅英譯中文名。結果……得到好多interview嘅機會，更好彩嘅係……設計公司又好，廣告公司又好，雜誌公司又好，無一間請我，如果唔係宜家可能揸緊兜。無天份就係無天份……無得挾硬嚟……雖然係咁，我仲可以成日同人講……我個朋友係做廣告設計嘅。
呢個朋友細細個就對Arts好上心，畫公仔呀做手工搞絲網印刷乜都玩得好好。我第一件自己做絲網印嘅T恤都係佢幫我救返嘅。佢連會考都自己報多科Arts，佢對Arts嘅認定同追求可能連佢自己都唔知道可以去到咁盡，我有個朋友會考Arts係攞A嘅。
好多人中學那些年嘅時代都係渾渾噩噩九流流，以宜家嘅說法就係宅男廢青，去到一個程度連Pop Music都唔知係乜。我之所以愛上幾段情歌，鍾意咗唱海市蜃樓嗰個咁有品味嘅二撇鷄歌手都係因為佢肯借盒cassette 俾我，無錯，係cassette 。我一生人第一次去紅館，喺嗰個年代唔係去睇演唱會，竟然係去睇香港管絃樂團演奏披頭四，幾有taste？就係佢帶我哋去㗎嘞，$20學生飛。我有個朋好有taste。
中學時代，由於行緊十年衰運，年年都係掹車邊緊緊升到班。嗰一年流年運好，有貴人扶持，佢係其中一個貴人，佢教我physics，結果我70分，佢就……71分，連佢自己都話好彩佢仲可以高過我1分……我有個朋友教過我Physics。
對Arts有追求嘅人，好多時都胆拖藝術家性格。乜嘢係藝術家性格呢？簡單嚟講就係成日都會袋住鍾意……唔鍾意……，我覺得……乜你唔覺得咩……好正……有feel……無乜feel……有啲嘢喎……呢啲咁嘅所謂理據話俾你聽佢點解咁咁咁…….其實佢哋可能都好enjoy呢種無任何原因就鍾意唔鍾意嘅態度同埋取向……有時都真係好有型，可能因為夠離地啦。不過，呢種離地其實好奢侈，因為要佢哋compromise大家都要付出好大代價。舉個例，去大排檔打邊爐，如果佢想食龍蝦刺身，但又無龍蝦刺身嘅話……佢會揀情願唔食，然後自己隊啤……但你又唔使點理佢㗎喎，佢只係想做佢自己想做嘅嘢。我有個好型嘅朋友。
人生總有高低，時代亦天天在變。佢哋呢啲本來走喺前面做創作嘅人，都會有俾更新嘅嘢趕過頭嘅時侯。要佢哋由過去嘅光輝走出嚟，我哋呢啲凡人根本無能力感受到佢哋被無奈煎熬折騰嘅痛苦，反反覆覆compromise嘅代價可能係十幾二十年嘅掙扎直至接受再去到沉澱……我有個去到另一個境界嘅朋友。
有人曾經講過，你同佢friend係因為咁你就會覺得自己好啲。就好似喺男人四十裏頭，我係張學友，佢係葛民輝咁。其實真正大部分時候我係葛民輝，佢係張學友先啱。潮流文化，聽歌睇戲我全部睇佢頭，面嗰沾就唔在講，心入面我覺得我做到佢個friend，我真係好光榮。佢成日會話我好醒，睇啲嘢好通，我知佢係真心嘅。但係其實好多嘢我都係喺佢度先知道，佢inspire咗我好多唔同方面嘅嘢，擴闊咗我好多眼光，好多時我甚至為咗超越佢或者唔想令佢失望，又或者可以繼續喺嗰樣同佢吹水，我會好努力咁想去了解嗰啲嘢。我有一個令我好有光榮感嘅朋友。
做得朋友就總有兩句，希望朋友好，話有時盡咗，就算知道係想為朋友好，但下下用呢套都未必個個都受，「為你好」呢句嘢唔係大晒嘅，我一生受用！原來一路以為係我提醒緊佢，其實從來都係佢一直點醒緊我。佢對我嘅包容去到一個程度連我自己對自己都做唔到……呢啲係唔係就係做兄弟，唔使講嘢？有今生，無來世，我有一個用佢自己嘅方式點醒我嘅朋友。
佢好易就可以令到自己好開心，打舖靚機，入個靚波，食舖靚牌，娶個乖老婆，揀中隻靚股，飲杯酒，摇舖靚骰，開個靚大話，食支煙，睇場戲，放下狗，講下黃子華，笑下周星馳，評下王家偉，上下網，睇個靚ad，吹下水，妖下天下事，任由佢自己一個……佢都可以好開心，好滿足咁面露笑容，就係咁簡單。所以由細到大好多人都想親近佢，甚至有女同學同我講，佢哋圍內都有講做佢女朋友應該都會好幸福。其實，同佢做朋友從來都係好舒服好自在，一啲壓力都無……我有一個同佢一齊就可以好自在嘅朋友。
世事無常，話走就走，從前以後種種點滴，見面再講……
See you again……
