贖身
贖身
成世人流流長總或多或少有做過一啲對人唔住，又或者虧欠過人嘅嘢……一個無履行到嘅承諾; 一次嘅背叛; 一趟不辭而別; 一次又一次嘅人間蒸發; 一次又一次嘅傷害……呢啲嘢係就係過咗去，亦可能好多時都唔多記得，甚至有時直程係完全無意識，好似根本就無發生過咁。但呢啲嘢從來無離開過你，你唔知幾時，佢就會閃出嚟同你say個hi又fit一聲唔見咗; 又或者佢會慢慢……慢慢咁粒聲唔出咁跟住你，無論你點唔理佢，點趕佢，佢都係粒聲唔出咁係要跟住你……搣唔甩……就係揻唔甩……
呢啲嘢未必會好困擾你，但對於某啲人嚟講，就可能會一直哽住，耿耿於懷……遲遲未能放低……嚴重嘅直投可以死人……
所謂「萬般帶不走，唯有業隨身」，發生咗嘅就係發生咗，變唔返轉頭，咁又有乜對策呢？一齊brainstorm 下。
1) 乜都唔做。
嘩！咁hea！？A，唔好睇少佢，佢可以有個好堅嘅Term做back up，「無為而治」，道家老子經典哲學思想。
「無為」一般包含著兩層含義：一是「崇尚天道」，即人與自然界之間的自然無為。提出「道法自然」、「天地生萬物，然生而不有，為而不恃，長而不宰」。
二是「崇尚人道，即人類活動應與天道般自然無為。提出「輔萬物之自然，而不敢為也」。
其中在「崇尚人道」又有兩層意思，一即提倡人應順應自然界，隨緣而動，不要隨意破壞自然的和諧與平衡；二即社會人際關係方面，提倡應統治者效法「道」的自然無為精神，儘量簡化社會的各種制度與規範以保持民間民風單純樸實……
喂，喂，喂！你噏乜春呀。簡單啲講精要就係「崇天道，崇人道」。喂，喂，喂！你又噏乜春呀？OK，OK，再白啲，咁咪即係「順住去」囉。唓！得就唔使哽住哽住啦。咁……既然境界去唔到咁高，試下其他啦……
2) 可以做啲嘢，向 · 前 · 看。
用未來彌補過去。比如，去道歉，等人地原諒你 ; 盡力去幫助嗰啲你對佢哋唔住嘅人，等佢哋原諒你，唔再怪你 ………將關係，怨氣修補。不過，呢個都只後彌補，並唔係改變，業仍然係隨身。
3) Innovative 啲，玩科技，時光倒流，返番去原點，做返令自己無悔嘅選擇。
吓？得唔得㗎？乜唔係有好多Time Travelers 走嚟走去咩？可能好多嘢你改返就連記憶同經歷都改埋你都唔知呢。呢個可能係最徹底嘅救贖方法。不過……要用你前半生嘅經歷同埋現在及後半生做交換，咁唔單只係救贖，直投係換運贖身，咁你又制唔制呢？要諗諗……
要救贖定贖身，任你揀，你會揀乜？
成世人流流長總或多或少有做過一啲對人唔住，又或者虧欠過人嘅嘢……一個無履行到嘅承諾; 一次嘅背叛; 一趟不辭而別; 一次又一次嘅人間蒸發; 一次又一次嘅傷害……呢啲嘢係就係過咗去，亦可能好多時都唔多記得，甚至有時直程係完全無意識，好似根本就無發生過咁。但呢啲嘢從來無離開過你，你唔知幾時，佢就會閃出嚟同你say個hi又fit一聲唔見咗; 又或者佢會慢慢……慢慢咁粒聲唔出咁跟住你，無論你點唔理佢，點趕佢，佢都係粒聲唔出咁係要跟住你……搣唔甩……就係揻唔甩……
呢啲嘢未必會好困擾你，但對於某啲人嚟講，就可能會一直哽住，耿耿於懷……遲遲未能放低……嚴重嘅直投可以死人……
所謂「萬般帶不走，唯有業隨身」，發生咗嘅就係發生咗，變唔返轉頭，咁又有乜對策呢？一齊brainstorm 下。
1) 乜都唔做。
嘩！咁hea！？A，唔好睇少佢，佢可以有個好堅嘅Term做back up，「無為而治」，道家老子經典哲學思想。
「無為」一般包含著兩層含義：一是「崇尚天道」，即人與自然界之間的自然無為。提出「道法自然」、「天地生萬物，然生而不有，為而不恃，長而不宰」。
二是「崇尚人道，即人類活動應與天道般自然無為。提出「輔萬物之自然，而不敢為也」。
其中在「崇尚人道」又有兩層意思，一即提倡人應順應自然界，隨緣而動，不要隨意破壞自然的和諧與平衡；二即社會人際關係方面，提倡應統治者效法「道」的自然無為精神，儘量簡化社會的各種制度與規範以保持民間民風單純樸實……
喂，喂，喂！你噏乜春呀。簡單啲講精要就係「崇天道，崇人道」。喂，喂，喂！你又噏乜春呀？OK，OK，再白啲，咁咪即係「順住去」囉。唓！得就唔使哽住哽住啦。咁……既然境界去唔到咁高，試下其他啦……
2) 可以做啲嘢，向 · 前 · 看。
用未來彌補過去。比如，去道歉，等人地原諒你 ; 盡力去幫助嗰啲你對佢哋唔住嘅人，等佢哋原諒你，唔再怪你 ………將關係，怨氣修補。不過，呢個都只後彌補，並唔係改變，業仍然係隨身。
3) Innovative 啲，玩科技，時光倒流，返番去原點，做返令自己無悔嘅選擇。
吓？得唔得㗎？乜唔係有好多Time Travelers 走嚟走去咩？可能好多嘢你改返就連記憶同經歷都改埋你都唔知呢。呢個可能係最徹底嘅救贖方法。不過……要用你前半生嘅經歷同埋現在及後半生做交換，咁唔單只係救贖，直投係換運贖身，咁你又制唔制呢？要諗諗……
要救贖定贖身，任你揀，你會揀乜？