光天化日之下
光天化日之下
人老咗就係包袱……………………你點睇？講中咗？
曾經聽過啲老人家講過，最希望嘅就係唔好成為啲後生嘅包袱…………呢種係現實社會孵化出嚟嘅無可奈何……孝道，責任，現實，心力………….同時間角力展現出嚟嘅一種「無可奈何」。
「久病床前無孝子」呢句話好多人都聽過。再申延又何只只是孝子，夫妻，兄弟，父母，朋友仲有各式各樣嘅關係都要承受，面對呢啲情況。
照顧老人家呢件事，以前好似容易啲。宜家，生活條件好咗，社會福利好咗，反而多咗人話送啲老人家去護老院，自己落手落腳照顧老人家又或者同老人家一齊住嘅意願低咗。咁係咪宜家啲人無以前啲人咁孝順呢？定係宜家啲人忙碌咗，唔得閒呢？定係老人比例比年輕人差距大咗，年輕人要全面照顧老人吃力咗呢？定係宜家啲人膊頭差咗，承擔力弱咗呢？呢個唔單指係社會問題，亦係文化改變嘅問題。喺西方國家文化，佢哋基本上無孝道呢樣嘢，自由自我嘅思想好強烈亦好吸引，咁我哋係咪俾佢哋呢種自由自我嘅浪漫情懷影響咗呢？
呢套電影，講嘅有關光天化日之下，發生緊啲令人髮指嘅事，向老人施虐，向智障人士施虐甚至性侵，赤裸裸地剝奪，沖洗人性尊嚴，日復日，時復時，將人嘅意志徹底消磨到盡，去到一個地步就係，死亡比生存成為一個更好嘅選擇，只係唔想自己郁手啫……或者係根本無勇氣自己郁手……又或者係連呢啖勇氣都已經被消磨殆盡……
「如果我有一日，瞓咗起唔到身，千祈唔好救我……」講呢句說話嘅人，佢做到咗，見住佢老友瞓咗，粒聲唔出咁沈默地望住佢，無叫佢起身，佢覺得咁樣對佢老友嚟講已經係最好不過……最好~不過……
佢老友死之前，能夠見到佢出嫁孫女嘅一面，呢個咁理所當然嘅事情，對佢嚟講已經係死而無憾嘅To-Do-List。順帶一提，佢個女對佢老豆嘅憎恨，影照出孤獨老人寄居院社的各有因由。令人眼前一亮嘅係佢個女，呢個兒童節目嘅Legendary，半分鐘，就只係半分鐘，已經見到功夫，見到大台手下無弱兵。
智障唔係代表無思想，無感情，無感覺，無尊嚴。小朋友對小朋友嘅童心，見到。不知道(唔係不顧)危險，想全力保護朋友嘅童心，見到。呢種情懷就好似當有人想欺負(或者咋帝欺負)一個六歲家姐，個四歲細佬一臉認真堅定眼神，張開雙手擋喺家姐前面咁樣。佢根本唔知道自己擋唔擋得位住，佢剩係真心想保護佢家姐。 「唓！死咗人有乜出奇啫？成日都發生㗎啦！」
套戲入面，即使個智障男仔用盡全力，甚至用埋自己條命，都保護唔到個同佢一齊住院舍嘅朋友，呢一個慘遭性侵嘅智障女仔。
住喺院舍嘅舍友，佢哋條命……喺咪就真係咁無存在價值呢？咁唔值得被保護？咁容易被人忽略呢？咁容易被人踐踏呢？
故事講有一個記者將呢啲舍院惡行，舍院悲哀暴露俾大眾，甚至索之法律。結果都只係得到社會「強烈而短暫」嘅回響，同樣嘅情況根本都係日復日，時復時咁發生。光天化日之下，呢啲惡行無停過，每日都有人經歷咁樣嘅痛，社會容許呢啲悲哀無間輪迴……呢啲施暴者之所以可以為所欲為，可以喺呢個社會明目張胆安然存在，係佢哋叻，定係呢個畸形社會嘅沈默，漏洞將佢哋孵化成魔呢？沈默催化罪惡，光天化日之下，你見到，聽到，知道，但選擇沈默，呢個先至係令人最心寒嘅視而不見。
白日之下，選擇享受温暖陽光，選擇對陰暗沈默不語。咁我哋就可以心安理得咩？
人老咗就係包袱……………………你點睇？講中咗？
曾經聽過啲老人家講過，最希望嘅就係唔好成為啲後生嘅包袱…………呢種係現實社會孵化出嚟嘅無可奈何……孝道，責任，現實，心力………….同時間角力展現出嚟嘅一種「無可奈何」。
「久病床前無孝子」呢句話好多人都聽過。再申延又何只只是孝子，夫妻，兄弟，父母，朋友仲有各式各樣嘅關係都要承受，面對呢啲情況。
照顧老人家呢件事，以前好似容易啲。宜家，生活條件好咗，社會福利好咗，反而多咗人話送啲老人家去護老院，自己落手落腳照顧老人家又或者同老人家一齊住嘅意願低咗。咁係咪宜家啲人無以前啲人咁孝順呢？定係宜家啲人忙碌咗，唔得閒呢？定係老人比例比年輕人差距大咗，年輕人要全面照顧老人吃力咗呢？定係宜家啲人膊頭差咗，承擔力弱咗呢？呢個唔單指係社會問題，亦係文化改變嘅問題。喺西方國家文化，佢哋基本上無孝道呢樣嘢，自由自我嘅思想好強烈亦好吸引，咁我哋係咪俾佢哋呢種自由自我嘅浪漫情懷影響咗呢？
呢套電影，講嘅有關光天化日之下，發生緊啲令人髮指嘅事，向老人施虐，向智障人士施虐甚至性侵，赤裸裸地剝奪，沖洗人性尊嚴，日復日，時復時，將人嘅意志徹底消磨到盡，去到一個地步就係，死亡比生存成為一個更好嘅選擇，只係唔想自己郁手啫……或者係根本無勇氣自己郁手……又或者係連呢啖勇氣都已經被消磨殆盡……
「如果我有一日，瞓咗起唔到身，千祈唔好救我……」講呢句說話嘅人，佢做到咗，見住佢老友瞓咗，粒聲唔出咁沈默地望住佢，無叫佢起身，佢覺得咁樣對佢老友嚟講已經係最好不過……最好~不過……
佢老友死之前，能夠見到佢出嫁孫女嘅一面，呢個咁理所當然嘅事情，對佢嚟講已經係死而無憾嘅To-Do-List。順帶一提，佢個女對佢老豆嘅憎恨，影照出孤獨老人寄居院社的各有因由。令人眼前一亮嘅係佢個女，呢個兒童節目嘅Legendary，半分鐘，就只係半分鐘，已經見到功夫，見到大台手下無弱兵。
智障唔係代表無思想，無感情，無感覺，無尊嚴。小朋友對小朋友嘅童心，見到。不知道(唔係不顧)危險，想全力保護朋友嘅童心，見到。呢種情懷就好似當有人想欺負(或者咋帝欺負)一個六歲家姐，個四歲細佬一臉認真堅定眼神，張開雙手擋喺家姐前面咁樣。佢根本唔知道自己擋唔擋得位住，佢剩係真心想保護佢家姐。 「唓！死咗人有乜出奇啫？成日都發生㗎啦！」
套戲入面，即使個智障男仔用盡全力，甚至用埋自己條命，都保護唔到個同佢一齊住院舍嘅朋友，呢一個慘遭性侵嘅智障女仔。
住喺院舍嘅舍友，佢哋條命……喺咪就真係咁無存在價值呢？咁唔值得被保護？咁容易被人忽略呢？咁容易被人踐踏呢？
故事講有一個記者將呢啲舍院惡行，舍院悲哀暴露俾大眾，甚至索之法律。結果都只係得到社會「強烈而短暫」嘅回響，同樣嘅情況根本都係日復日，時復時咁發生。光天化日之下，呢啲惡行無停過，每日都有人經歷咁樣嘅痛，社會容許呢啲悲哀無間輪迴……呢啲施暴者之所以可以為所欲為，可以喺呢個社會明目張胆安然存在，係佢哋叻，定係呢個畸形社會嘅沈默，漏洞將佢哋孵化成魔呢？沈默催化罪惡，光天化日之下，你見到，聽到，知道，但選擇沈默，呢個先至係令人最心寒嘅視而不見。
白日之下，選擇享受温暖陽光，選擇對陰暗沈默不語。咁我哋就可以心安理得咩？
