阿記嚟嘅喂 【對紐卡素一戰分析】by 咖哩仔
毒男週末獨在家睇英超乃是必然嘅事，支持愛隊更加是理所當然，愛隊有機會爭冠更會令人每星期期待開波，一聽就知今日要講嘅係阿仙奴。
小弟有幸到現場觀賞阿仙奴對曼城場波，睇見球隊行雲流水，輕輕鬆鬆，又見到今年其他爭冠對手跌哂watt，當然覺得今年係雲爺爺奪冠嘅好時機，點知轉個頭比狀態唔太好嘅修咸頓炒個4:0，個心真係嚇到離一離。
去到今場主場對紐卡素，眼見好似食硬，但心裡面絕對唔敢咁諗，驚會重蹈修頓個覆轍。果然，卡數果然好難找，差啲主場都唔能夠全身而退。呢場波出場陣容如下：
今場出返班正選，收起金寶，出張伯倫，一開波頭15分鐘，阿仙奴對紐卡素狂追猛打，雲加將張百倫移入中路，拉空成條右翼比比歷連入攝，加上幾下快速短傳，令短時間比歷連能夠先後殺到對方右路深入地帶，製造連番險象，可惜傳中位置一般，未能做出入球。
頭15分鐘阿仙奴控球更有8成之多，但如一般阿仙奴比賽，當久攻不入，對方又企穩陣腳，艱難嘅時期就會降臨，係之後嘅60分鐘，紐卡素絕對踢得比阿仙奴出色，無論控球同射門質素都係阿仙奴之上，全場控球更同阿仙奴差唔多50：50，絕對更值得攞3分。
要不是施治，阿仙奴又將會被炒一場，半場前後救咗幾球必入波。正所謂大難不死，必有入波，阿記終於靠唔在行嘅死球撞下撞下係72分鐘射入一比零險勝紐卡素。好波不如三分，要奪冠就要學識攞呢啲醜陋嘅三分，呢樣係阿仙奴一直做唔到嘅事。
講返點解今場比人地壓住嚟踢，主要因為兩點。
1）創造力不足：今場奧燒比人重點防守，傳球成功率由對般尼果場嘅95％到今場嘅84％，機會創造更只得兩球角球同兩球左路傳中，中路完全冇空間用佢嘅手術刀。
另外，左右兩翼全場隱形，鮮有見樹，中間藍斯要助攻助守，獨力難支。
2）中場防守力不足：防中問題一直都困擾著阿仙奴，直到高基連回歸加上卡蘇拿肯留後做deeplying半攻半防先得以解決，可惜兩個都受傷，法明尼加藍斯呢個配搭只有跑動更勝一籌，攻守都不及前者配搭。修咸頓同呢場都表現咗呢個問題出嚟。
（紅色圈綠色叉為阿仙奴成功攔截，黑色為失敗；黑色圈綠色叉為紐卡素成功攔截，黑色為失敗。）
如果呢2點可以及時解決，阿仙奴直踩捧英超應該唔係問題。希望山齊士同高基連復出可以解決問題。
最後附上與酋長球場雲加銅像助興。祝新年快樂。
請多多支持，like 我地facebook page 【毒男講故】 https://www.facebook.com/moviesNWO/
小弟有幸到現場觀賞阿仙奴對曼城場波，睇見球隊行雲流水，輕輕鬆鬆，又見到今年其他爭冠對手跌哂watt，當然覺得今年係雲爺爺奪冠嘅好時機，點知轉個頭比狀態唔太好嘅修咸頓炒個4:0，個心真係嚇到離一離。
去到今場主場對紐卡素，眼見好似食硬，但心裡面絕對唔敢咁諗，驚會重蹈修頓個覆轍。果然，卡數果然好難找，差啲主場都唔能夠全身而退。呢場波出場陣容如下：
今場出返班正選，收起金寶，出張伯倫，一開波頭15分鐘，阿仙奴對紐卡素狂追猛打，雲加將張百倫移入中路，拉空成條右翼比比歷連入攝，加上幾下快速短傳，令短時間比歷連能夠先後殺到對方右路深入地帶，製造連番險象，可惜傳中位置一般，未能做出入球。
頭15分鐘阿仙奴控球更有8成之多，但如一般阿仙奴比賽，當久攻不入，對方又企穩陣腳，艱難嘅時期就會降臨，係之後嘅60分鐘，紐卡素絕對踢得比阿仙奴出色，無論控球同射門質素都係阿仙奴之上，全場控球更同阿仙奴差唔多50：50，絕對更值得攞3分。
要不是施治，阿仙奴又將會被炒一場，半場前後救咗幾球必入波。正所謂大難不死，必有入波，阿記終於靠唔在行嘅死球撞下撞下係72分鐘射入一比零險勝紐卡素。好波不如三分，要奪冠就要學識攞呢啲醜陋嘅三分，呢樣係阿仙奴一直做唔到嘅事。
講返點解今場比人地壓住嚟踢，主要因為兩點。
1）創造力不足：今場奧燒比人重點防守，傳球成功率由對般尼果場嘅95％到今場嘅84％，機會創造更只得兩球角球同兩球左路傳中，中路完全冇空間用佢嘅手術刀。
另外，左右兩翼全場隱形，鮮有見樹，中間藍斯要助攻助守，獨力難支。
2）中場防守力不足：防中問題一直都困擾著阿仙奴，直到高基連回歸加上卡蘇拿肯留後做deeplying半攻半防先得以解決，可惜兩個都受傷，法明尼加藍斯呢個配搭只有跑動更勝一籌，攻守都不及前者配搭。修咸頓同呢場都表現咗呢個問題出嚟。
（紅色圈綠色叉為阿仙奴成功攔截，黑色為失敗；黑色圈綠色叉為紐卡素成功攔截，黑色為失敗。）
如果呢2點可以及時解決，阿仙奴直踩捧英超應該唔係問題。希望山齊士同高基連復出可以解決問題。
最後附上與酋長球場雲加銅像助興。祝新年快樂。
請多多支持，like 我地facebook page 【毒男講故】 https://www.facebook.com/moviesNWO/