普帥去，摩帥來。熱刺能否再迎春天？
係2014年由修咸頓加盟熱刺嘅普捷天奴，算係成功令熱刺係佢大部分嘅任期下成績穩步上揚，改造熱刺，由以前淨係爭歐霸嘅熱刺變做呢幾年歐聯經常蒲頭嘅球隊，上季更成功於四強上演奇蹟之一嘅劇本，逆轉阿積士，惟決賽惜敗於利物浦腳下，無緣捧盃。然而本季嘅熱刺係多種因素下，遇上敗陣及和局失分嘅陰霾。普帥亦有被指開始對球隊變得灰心意冷，用左「自閉模式」執教球隊，連番失分下令熱刺決定令普帥被辭職。而在不足一日左右後，狂人摩連奴就宣布上任，此舉又能否熱刺春天再臨？
相信大家仲非常記得摩佬上次執教嘅球隊及其結局，儘管成功取得歐霸冠軍，聯賽亞軍，但其後因管理層無法滿足佢嘅引援需要及賣人操作等，令佢同管理層及球員如普巴等關係緊張，球迷亦開始不滿泊大巴經常岀現，種種原因下驅使最後分手收場，不歡而散都可以話係一個幾好嘅形容詞總結佢係曼聯嘅時光。講下講下，都有幾分普帥今次同熱刺分手嘅影子喎，就等我用球隊硬件及球會董事會兩個方向同大家淺談一下。
首先，球隊硬件，亦姐係現有嘅球員陣容及其質素。係摩佬上任接受訪問時，佢表示非常滿意球隊所擁有嘅球員及青訓發展。戰術上，相信如果熟習近年嘅佢，一定會知道兩大原素，「大巴」，及雙翼齊飛揾中鋒。若長玩大巴遊戲，無疑可以減少熱刺失球嘅問題，亦因充足嘅人選滿足佢防中嘅要求，Dier,施素高等都可以成任，亦有快馬選擇用以大巴下反擊，的確可以滿足佢第一因素。雙翼齊飛上，我認為現有陣容稍為難以令佢滿足，當對陣弱隊取態主動時，往往要用到兩邊進攻突破，用盡球場寛度，比較體力化及需要個人能力，而孫大人當然可以充當其中一翼，但另一邊人選上若選擇27歲摩拉/Lamela，有機會過份消耗其體力，增加受傷風險；若選擇阿里，不但需要佢適應位置更在他日大力臣離開時令進攻中場一職左右唔到岸，後備上亦未有球員爆發，有力展現改變戰局嘅能力，所以係翼上，要滿足佢所想，應需要引援，但整體上球隊硬件確係算幾啱狂人口味。
另一方面，主度及董事會上同摩佬能否有共識都係一大問題。係啱啱嘅轉會窗，正正因為主席列維無提供足夠嘅資源俾普帥滿足引援大計，埋下成績下滑分手嘅導火線。而摩佬係曼聯亦正正遇過呢個問題，又係因為咁鬧分手。熱刺主席列維向來唔會肯為球會成績大灑金錢，大家睇熱刺一眾球員人工同埋普帥抱怨過嘅說話就知，再加上新球場嘅債務令佢更加唔願開大水喉。呢方面，我就會比較擔憂兩者容易有予盾，摩佬時常會需要洗錢買人滿足自己戰術展現，依靠球員個人能力，所以買親都貴。但今次新東家又好似唔多願洗錢，我都驚佢地好快就嘈起上黎呀！
雖然貌似摩佬都會遇上普帥缺乏球會支持嘅問題，但小編都認為熱刺有機會係想借今次換帥再振雄風嘅，皆因係人都知佢鐘意買人架啦，仲要簽約三年有突，如果無心理準備嘅唔通又想俾領隊賺違約金咩？所以可能今次主席都想決心一搏，用摩奴一改自己縮骨嘅洗錢風格，就俾多少少錢佢任性下，睇下有無得再次突破。我個人認為若果熱刺班主有心支持摩奴，俾夠支援，相信真係會有個可能大家意想不到嘅結果，真係可以如摩奴上任時所承諾：為熱刺帶來激情。就等我地拭目以待一下，狂人下嘅熱刺！
相信大家仲非常記得摩佬上次執教嘅球隊及其結局，儘管成功取得歐霸冠軍，聯賽亞軍，但其後因管理層無法滿足佢嘅引援需要及賣人操作等，令佢同管理層及球員如普巴等關係緊張，球迷亦開始不滿泊大巴經常岀現，種種原因下驅使最後分手收場，不歡而散都可以話係一個幾好嘅形容詞總結佢係曼聯嘅時光。講下講下，都有幾分普帥今次同熱刺分手嘅影子喎，就等我用球隊硬件及球會董事會兩個方向同大家淺談一下。
首先，球隊硬件，亦姐係現有嘅球員陣容及其質素。係摩佬上任接受訪問時，佢表示非常滿意球隊所擁有嘅球員及青訓發展。戰術上，相信如果熟習近年嘅佢，一定會知道兩大原素，「大巴」，及雙翼齊飛揾中鋒。若長玩大巴遊戲，無疑可以減少熱刺失球嘅問題，亦因充足嘅人選滿足佢防中嘅要求，Dier,施素高等都可以成任，亦有快馬選擇用以大巴下反擊，的確可以滿足佢第一因素。雙翼齊飛上，我認為現有陣容稍為難以令佢滿足，當對陣弱隊取態主動時，往往要用到兩邊進攻突破，用盡球場寛度，比較體力化及需要個人能力，而孫大人當然可以充當其中一翼，但另一邊人選上若選擇27歲摩拉/Lamela，有機會過份消耗其體力，增加受傷風險；若選擇阿里，不但需要佢適應位置更在他日大力臣離開時令進攻中場一職左右唔到岸，後備上亦未有球員爆發，有力展現改變戰局嘅能力，所以係翼上，要滿足佢所想，應需要引援，但整體上球隊硬件確係算幾啱狂人口味。
另一方面，主度及董事會上同摩佬能否有共識都係一大問題。係啱啱嘅轉會窗，正正因為主席列維無提供足夠嘅資源俾普帥滿足引援大計，埋下成績下滑分手嘅導火線。而摩佬係曼聯亦正正遇過呢個問題，又係因為咁鬧分手。熱刺主席列維向來唔會肯為球會成績大灑金錢，大家睇熱刺一眾球員人工同埋普帥抱怨過嘅說話就知，再加上新球場嘅債務令佢更加唔願開大水喉。呢方面，我就會比較擔憂兩者容易有予盾，摩佬時常會需要洗錢買人滿足自己戰術展現，依靠球員個人能力，所以買親都貴。但今次新東家又好似唔多願洗錢，我都驚佢地好快就嘈起上黎呀！
雖然貌似摩佬都會遇上普帥缺乏球會支持嘅問題，但小編都認為熱刺有機會係想借今次換帥再振雄風嘅，皆因係人都知佢鐘意買人架啦，仲要簽約三年有突，如果無心理準備嘅唔通又想俾領隊賺違約金咩？所以可能今次主席都想決心一搏，用摩奴一改自己縮骨嘅洗錢風格，就俾多少少錢佢任性下，睇下有無得再次突破。我個人認為若果熱刺班主有心支持摩奴，俾夠支援，相信真係會有個可能大家意想不到嘅結果，真係可以如摩奴上任時所承諾：為熱刺帶來激情。就等我地拭目以待一下，狂人下嘅熱刺！