迷途遇知返 [阿仙奴0:3曼城賽後評]
當上場阿仙奴反cup韋斯咸，以為新帥嘅蜜月其終於要岀現，對住近況失去過往勇態而又需要作客嘅曼城可以一戰，令人抱住唔少期望，但結果又係再令兵工廠球迷灰心意冷，問題何在？
對於阿仙奴黎講，造成大敗嘅結果其實係教練及球員級數不足呢兩個因素嘅顯現。教練上，經驗尚淺嘅龍格堡帶隊後，我個人感覺佢無了解球隊然後思考較佳嘅陣式，只係透過賽事摸索，第一場就炒之前艾美里嘅4312，失敗就試4231，見和波就調下人選，上場就第三次嘗試成功，於是就盲目用翻4231以及上場對韋斯咸勝仗大部分嘅人選。可見佢其實無考慮到對住攻擊力強嘅曼城應該要採取保守嘅陣式。4231，得兩個防守中場，再配合回防及整體意識唔好嘅比比，就更加難做好防守。另外最令人費解就係中堅上嘅用人，竟然放棄雷斯，用上張伯斯拍住SP，雖然雷斯都無話好好多，但佢勝在大賽需要嘅經驗，可以以經驗穩定後防一席。而張伯斯亦可以話係係今場踢得最差嘅其中一個，失波失誤嘅mvp但竟然可以踢足90分鐘，所以我比較質疑龍格堡係調動上嘅決定。
而球員問題上，當然級數唔夠係一大困擾阿仙奴嘅問題，防守上永遠整體意識差，今場第一同第二球就係最好嘅證明，禁區內其實係企左唔少紅衫，但個個就係望住個波無為意對方球員走位，兩球都放任對方係禁區範圍攻門。另外就係球員嘅傳波決定比較差，見住對方迫，都要強行短傳，唔肯大腳解圍先，而係安全選擇較多嘅時候就反而大腳送上去俾個波對方，實在令人不解。但都想讚下馬天利尼嘅表現18歲嘅佢憑住速度同射門能力真係算係合格都突，至少佢有製造唔少威脅，同埋佢擁有大部分阿仙奴球員都無嘅特點，積極。
而曼城就唔洗特別講太多，高興見到哥迪奧拿有檢討，話就話排岀433，其實就放棄左強行執行變型系統，排岀上兩年嘅常見陣容4231，充分利用小將福登，特點仲安排個適當位置俾佢令曼城攻擊力回復正常，其他常規正選又可以係快車期前把握時間休息下。表現最好嘅當然不得不提迪布尼，係佢自己一個做攻中，攞波同分波下，曼城嘅節奏非常流暢，加上佢自己嘅高把握力，係令到曼城今場贏得輕鬆嘅主要原因之一。最後，希望阿仙奴可以盡快尋找合適領隊，帶領阿仙奴走岀呢段迷航時期，否則今年情況只會每況越下，球員無心效力大舉岀走，又無人肯黎，到時候最懷情況隨時要煩降班呀！
對於阿仙奴黎講，造成大敗嘅結果其實係教練及球員級數不足呢兩個因素嘅顯現。教練上，經驗尚淺嘅龍格堡帶隊後，我個人感覺佢無了解球隊然後思考較佳嘅陣式，只係透過賽事摸索，第一場就炒之前艾美里嘅4312，失敗就試4231，見和波就調下人選，上場就第三次嘗試成功，於是就盲目用翻4231以及上場對韋斯咸勝仗大部分嘅人選。可見佢其實無考慮到對住攻擊力強嘅曼城應該要採取保守嘅陣式。4231，得兩個防守中場，再配合回防及整體意識唔好嘅比比，就更加難做好防守。另外最令人費解就係中堅上嘅用人，竟然放棄雷斯，用上張伯斯拍住SP，雖然雷斯都無話好好多，但佢勝在大賽需要嘅經驗，可以以經驗穩定後防一席。而張伯斯亦可以話係係今場踢得最差嘅其中一個，失波失誤嘅mvp但竟然可以踢足90分鐘，所以我比較質疑龍格堡係調動上嘅決定。
而球員問題上，當然級數唔夠係一大困擾阿仙奴嘅問題，防守上永遠整體意識差，今場第一同第二球就係最好嘅證明，禁區內其實係企左唔少紅衫，但個個就係望住個波無為意對方球員走位，兩球都放任對方係禁區範圍攻門。另外就係球員嘅傳波決定比較差，見住對方迫，都要強行短傳，唔肯大腳解圍先，而係安全選擇較多嘅時候就反而大腳送上去俾個波對方，實在令人不解。但都想讚下馬天利尼嘅表現18歲嘅佢憑住速度同射門能力真係算係合格都突，至少佢有製造唔少威脅，同埋佢擁有大部分阿仙奴球員都無嘅特點，積極。
而曼城就唔洗特別講太多，高興見到哥迪奧拿有檢討，話就話排岀433，其實就放棄左強行執行變型系統，排岀上兩年嘅常見陣容4231，充分利用小將福登，特點仲安排個適當位置俾佢令曼城攻擊力回復正常，其他常規正選又可以係快車期前把握時間休息下。表現最好嘅當然不得不提迪布尼，係佢自己一個做攻中，攞波同分波下，曼城嘅節奏非常流暢，加上佢自己嘅高把握力，係令到曼城今場贏得輕鬆嘅主要原因之一。最後，希望阿仙奴可以盡快尋找合適領隊，帶領阿仙奴走岀呢段迷航時期，否則今年情況只會每況越下，球員無心效力大舉岀走，又無人肯黎，到時候最懷情況隨時要煩降班呀！