林伯運用智慧面對經驗豐富嘅師父以戰術取勝 [熱刺0:2車路士]
冬至晚就啱啱過左啦，而英超都趁住呢個節日嘅深夜上演左一場大戰俾大家睇，師父摩佬係熱刺主場對住由徒弟林伯特帶領嘅車仔挑戰自己，近況低走嘅車仔最後2:0完勝主場經已六場不敗嘅對手，賽果相信都令唔少人意料不及，再加上原本小編一直嘅分析都甚少提到車路士，所以小編就揀今個禮拜寫呢場嘅賽後分析先，同大家分析下箇中原因。
首先我需要重點提岀，呢場林栢特排岀三中堅同埋佢嘅壓迫取態係車仔獲得勝利嘅關鍵。雖然作為徒弟嘅佢帶隊從軍嘅經驗比師父少，理應係預謀報陣上會被征戰多年嘅魔佬比下去。但林伯係呢場就一展佢做主帥嘅天份，證明俾大家睇佢係有吸收之前對住big6其他球隊敗仗嘅原因。開季對曼聯，就叫自己球隊勉強執行未能完全發揮攻力嘅機動性主攻，俾曼聯用最愛嘅反擊擊敗。無耐前對住攻力強嘅曼城，就選擇收縮防守，亦係俾曼城做翻佢地最鐘意嘅主攻，係後防質素不太穩健下，當然最終都係反勝為敗。
經過呢幾場敗仗，林伯就學識一個道理，就係唔俾對方做佢地想做嘅野，於是係佢準確嘅預測下，佢相信近期熱愛4231嘅師父主場岀擊必會想控球在腳，嘗試成為主攻一方，而解決方法其實無耐前曼聯擊敗熱刺個場經已有所提示，就係高壓及快速埋身迫搶。最尾佢就用上最啱做壓迫嘅3中堅，成功由一開波嘅高壓迫搶令熱刺失去節奏，特別切斷對方中前場嘅輸送，凍結alli功能，經常令對方失去控球權，後防所受嘅壓力因而可以減少。再係熱刺後防門將及後衛犯錯令到車路士能夠幸運地係早段取得兩球領先加上韋利安今場超水準演岀下，如果唔係比賽中後段錯失一兩個黃金機會，比數絕對唔止2:0。所以我地可以係賽後睇翻，其實林伯嘅執教實力絕對唔係普通嘅初哥，我相信佢嘅智慧可以幫到佢長遠地成為一個成功嘅主教。
而對於摩佬，我認為佢係主場同徒弟面前想嘗試主攻嘅心態係人之常情，但係佢就缺少咗佢一向嘅果斷。其實上半場去到中段，大家已經好清楚雙方戰術上嘅取態，同埋車路士唔想自己控球在腳慢慢組織攻勢嘅事實。其實以佢嘅果斷性格，佢大可以好似之前歐聯小組賽個場咁上半場就換人，不過今次就應該換走dier入當比利，係俾翻個球權等對方無得發揮嘅同時，可以善用佢攻守轉換嘅連結，皆因受到迫搶下施素高及dier兩位工兵型嘅防中實在為難左佢地。但最終摩佬等到半場先換人，仲要換上無心戀戰嘅大力臣，再叫佢係alli左右身後企，姐係代表要兼任防務，可以話令佢攻又唔係，守又唔得嘅情況。即使後尾車路士壓迫速度減慢嘅時候，孫仔又自己申請張紅牌，60分鐘左右已經宣告呢場嘅失利。而今場亦繼續反映我提過嘅熱刺問題，二閘質素實在難以令人滿意，進攻就缺乏能力傳唔到腳好波，防守就成日判斷錯誤犯錯，應付死球時就好蝕底，但之前摩佬上任時就有消息話接受冬季轉會窗唔買人都得，唔知蜜月期後嘅佢又會唔會真係乖乖就範唔買人都得呢？
首先我需要重點提岀，呢場林栢特排岀三中堅同埋佢嘅壓迫取態係車仔獲得勝利嘅關鍵。雖然作為徒弟嘅佢帶隊從軍嘅經驗比師父少，理應係預謀報陣上會被征戰多年嘅魔佬比下去。但林伯係呢場就一展佢做主帥嘅天份，證明俾大家睇佢係有吸收之前對住big6其他球隊敗仗嘅原因。開季對曼聯，就叫自己球隊勉強執行未能完全發揮攻力嘅機動性主攻，俾曼聯用最愛嘅反擊擊敗。無耐前對住攻力強嘅曼城，就選擇收縮防守，亦係俾曼城做翻佢地最鐘意嘅主攻，係後防質素不太穩健下，當然最終都係反勝為敗。
經過呢幾場敗仗，林伯就學識一個道理，就係唔俾對方做佢地想做嘅野，於是係佢準確嘅預測下，佢相信近期熱愛4231嘅師父主場岀擊必會想控球在腳，嘗試成為主攻一方，而解決方法其實無耐前曼聯擊敗熱刺個場經已有所提示，就係高壓及快速埋身迫搶。最尾佢就用上最啱做壓迫嘅3中堅，成功由一開波嘅高壓迫搶令熱刺失去節奏，特別切斷對方中前場嘅輸送，凍結alli功能，經常令對方失去控球權，後防所受嘅壓力因而可以減少。再係熱刺後防門將及後衛犯錯令到車路士能夠幸運地係早段取得兩球領先加上韋利安今場超水準演岀下，如果唔係比賽中後段錯失一兩個黃金機會，比數絕對唔止2:0。所以我地可以係賽後睇翻，其實林伯嘅執教實力絕對唔係普通嘅初哥，我相信佢嘅智慧可以幫到佢長遠地成為一個成功嘅主教。
而對於摩佬，我認為佢係主場同徒弟面前想嘗試主攻嘅心態係人之常情，但係佢就缺少咗佢一向嘅果斷。其實上半場去到中段，大家已經好清楚雙方戰術上嘅取態，同埋車路士唔想自己控球在腳慢慢組織攻勢嘅事實。其實以佢嘅果斷性格，佢大可以好似之前歐聯小組賽個場咁上半場就換人，不過今次就應該換走dier入當比利，係俾翻個球權等對方無得發揮嘅同時，可以善用佢攻守轉換嘅連結，皆因受到迫搶下施素高及dier兩位工兵型嘅防中實在為難左佢地。但最終摩佬等到半場先換人，仲要換上無心戀戰嘅大力臣，再叫佢係alli左右身後企，姐係代表要兼任防務，可以話令佢攻又唔係，守又唔得嘅情況。即使後尾車路士壓迫速度減慢嘅時候，孫仔又自己申請張紅牌，60分鐘左右已經宣告呢場嘅失利。而今場亦繼續反映我提過嘅熱刺問題，二閘質素實在難以令人滿意，進攻就缺乏能力傳唔到腳好波，防守就成日判斷錯誤犯錯，應付死球時就好蝕底，但之前摩佬上任時就有消息話接受冬季轉會窗唔買人都得，唔知蜜月期後嘅佢又會唔會真係乖乖就範唔買人都得呢？